Namba 16:13 - Nobonob Baibel

¹³ Na ig atu taɗak imuppa mauhkkunignu he, ig wan enanag, wan ittag ele, amuppa ee meu huana otte ele amu, ig wan amu uut uɗimut. Amuppa na kobol eheɗ elele iite heme? Na amu heme, gemu amu, na ig ihinig okkai daan, ig aɗi aɗi hekkunignu duttunigkkutnu ele hettem. Amuam eheɗ.

Namba 16:13 Referans Kwoze

Aposel 7:35

Moses nugib aakku, anukka ag nug guhuɗidna, ‘Aun na ig gumignana, ihinig uug bappaidkkutnu meittom?’ aon appig, danab amuib aakku Kayak awa he, nug Israel dilag gumak danab, qagaiettakppanu eɗua uhuqak danab daakkunu ukkom. Kayak he, engel nug ad nakokppa, aab ewak ooppa ba, Moses anam hekkunu aum.

Namba 11:5

Isip uppa amu, ig kakai laut ukke, oonig aɗom. Ig daden meta ii lamut. Iitta! Hamu aot lamut. Ig amu latata, ig gudken, melen, anian digdig ele lamut.

Eksodas 16:3

ag aa amelahppa inam appig. “Ig Isip daapput, Yawe heeb mauhlom am ena. Aɗinu? Aa ig awigya, omaigya atu taɗak ee iitta ele imuppa enug iqeeb, ig ohnab mauhkkunignu uɗipiɗ. Isip appa amu, ig daatta, ig doɗ teppu, ee iɗu iɗu laa ele elelenab lakkunignu amu, ig aot lamut,” aon appig.

Eksodas 2:14

Awa a, danab amu nug Moses amegppa aum. “Aun na ig gumignana, ihinig uug bappaidkkutnu meittom? Na Isip ted makkuɗe mauhom bia da oiɗppe mauhkkulnu hettemte?” Moses nug amu a doya, nug dabmak inam awom. “Danab ag keeke hemi genab doon malappig doottem.” Nug dabmak anam awa, nug oo baɗom.

Luk 19:14

Amge nug wanebppan danab ⌊laa⌋ ag nuhignu nau ninig ele dooppig amunu nug ukke, am danab amu ag heeg, ag oolagppan danab laa ag nug dim lamidnana ag inam appig. ‘Ig danab imu nug ihinig king daakkunu ig oonig ii daatte,’ aon appig.

Namba 14:2

Israel danab ah ag Moses, Aron ele dilah naittuɗ menana, ahilahnu appig. “Ig Isip uppa, o iitta, atu taɗakppa ippa mauhlom am ena.

Eksodas 17:3

Amge danab ah ag le baalag diie, ag tuɗidna, Mosesnu naittuɗ mena, mattina, ag inam appig. “Aɗinu na ig, nid naunau ihinkad, amu ihinkad doɗ ele ig oh geha le baanig diieb mauhkkunignu Isipnu aigna, omaigna uɗime?” aon appig.

Eksodas 2:23

Aria, maɗ laala ukke, dimppa Isip dilag king ⌊Moses qeeb mauhkkunu dabmeum amu,⌋ nug mauhom, ⌊amge laa nug king abenab awom, nug Israel ii ehanatta, nug king laa heum bia tuɗitte,⌋ Isip ag Israel danab uɗat ɠagattag, uug elenab mattaegeg, Israel ag Isip dilag begbeg maɗi nid maɗi ah daanna, uɗat amu heppig. Amuppa amu, Israel ag uug nau doon gaanna, Kayak ehanadkkunu unuqittegeg, Kayak Nug ag uug nau doon gaappig amu, Nug ahilag gayak amu doyom.

Eksodas 1:22

Aria dimppa, Paro nug Isip danab ah amelagppa inam aum. “Hibru ah ag nid danab bau menuadppeg anidna, ag aɗadna, Nil leppa agappeg noig; amge nid ah menuadppeg amu, ag uuadppeg dayeg!” awa aum.

Eksodas 1:11

Isip dilag king nug anam aum amunu, ag Isip danab laa, ag uɗat gumak danab nau oo doyak iitta ele amu, ag danab amu laala epeɗiatteg, ag gumak danab daanna, Israel danab uɗat hekkulagnu huana duttunattegeg, uɗat nau ɠagattag hamu heppig. Ag heeg, Israel danab ag aab okkai aɗit Paronu heppig. Laa amu Pitom, amu laa am Rameses. Aab okkai aɗit amu, aa keeke maatte dayaknu aab daapiɗ.

Namba 11:4

Hib guitta danab laala Israel danab ah oolagppa daappig, ag ee laa, Yawe hanhan mattom amu iitta, ee laanu oolag huanaknab dayom amunu, ag mattina, Israel danab ah ag oh naittuɗ mena appig. “Amu doɗ teppu lakkunignu daalo, ig elele doolom.

Namba 14:3

Yawe Nug aɗinu omaikkeb, wan amuppa gokkunignu hette? Danab ag appa daatteb, ag am ihinig kekeɗ, ig ag ele ban heta amu, ag ig iqaglag. Ag iqappeg mauhpput amu, ag ihinkad ah, nid naunau ele aɗualadppeg, ag eppelagppa daaglag. Ig wan amuppa gokkunig am ena iitta. Ig eɗut Isip gokkunig amu ena,” aon appig.

Namba 16:12

Moses nug nai anam Kora amegppa awowa amu, nug Eliap bekoɗ, Datan, Abiram ele onilahppa eum. Nug aa onilahppa eum, amge aa ii gumidya uɗipiɗ. Iitta aa nai imu Moses dookkunu meeh ukkom. “I na gumidɗa ii gomaɗa!

Esekiel 34:18

⌊Da anam hewoya, da sipsip ɠagattag, meeme ɠagattag nau hetteb ele amelagppa akkul.⌋ Ag gikkiɗah ena latteb amu, amuam ahilagnu elele iittate? Ag gikkiɗah amu lawona, gikkiɗah ii lanak ele baelagppa tappaeg nauhe, laa ag gikkiɗah nauhak amuib lakkulagnu daatteb; ag anam hetteb am enate? Ag le ena latteb amu, amuam ahilagnu elele iittate? Ag le amu lawona, le amu tappan oinna heegeg, le dubuttid ele daatte, laa ag le nauhak amuib lakkulagnu daatteb amu; ag kobol amu hetteb am enate?

Namba 11:20

Iitta! Geha ag kalam laippu, ag kalam amu ohppa teppu amu lakkulag. Ag geha lanakib lanan daappeg, bahilag yeeb, gahag bak doon, baula teppu amu anidna lakkulagnu uun autna aoglag. Anam bekkunu diig amu, ag Yawe, ag ele daatteb amu, ag Nug dimedappig. Ag Nug noobppa gaanna, ‘Aɗinu ig Isip uut, ahat uɗimut?’ aon appig,” awa aum.

Namba 13:27

Ag Moses amegppa inam appig. “Wan na ig appa gokkunignu meigme amu, ig appa gomut. Wan amuam wan enanag, am wan ittag ele, amuppa ee meu huana otte. Antte! Ee meu laala wan amuppanu iikku akkat ele uɗimut.