Namba 15:8 - Nobonob Baibel

⁸ Ag makau gaiɗ laappa Yawenu manaknu ofa hekkulagtai, o iitta ag makau amuppa nai genab ana qakkaknu ofa hekkulagtai, o iitta ag laippu dayaknu ofa hekkulagtai.

Namba 15:8 Referans Kwoze

Lewitikas 3:1

Am laa nug laippu dayaknu ofa hekkunu haaha, nug makau awa dotte dayeb, nug makau dawai laa, o makau anig laa awa, mana mettak hekku. Amu nug doɗ awa, Yawe gumitta doa, nug medatte amu, nug laa beɗuppa eheɗ laa iitta ele awa dokku.

Lewitikas 1:3

Am laa ⌊nug ofa mameg,⌋ nug manaknu ofa hekkunu haaha, nug makau awa dotte dayeb, Yawe Nug mana mettak amunu ena doya aokkunu amu, ofa mameg nug makau dawai laa beɗuppa eheɗ laa iitta ele awa doa, nug Yawe gumitta ukka, mettid haknu peh lag danab ah appa qagmetteb ele, nug lag amu odppa, Yawe medakkuoitte.

Lewitikas 1:9

Amge ofa mameg nug tatam ooppan keeke, gamag, uɗuag, biig keeke, amu baekkud ele, amuam tatam leppa ihakkuoitte. Amu malak amu, mana mettak danab ag doɗ kunum oh aakku qaɗabppa manan, Yawe mettaglag. Mana mettak amuam manaknu ofa; am aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Lewitikas 3:5

Aron bekkod ag manaknu ofa ⌊buttua oh hetteb ele⌋ amu, ag amu qaɗeppa mena, qaɗabppa aab aɗuppa maiglag. Mana mettak amuam aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Lewitikas 22:21

Amu haen laa nug nai genab ana qakkaknu ofa hekkunu, o nug ɗo hamu mettaknu ofa hekkunu laippu dayaknu ofa hekku amu, nug makau, o sipsip, o meeme, nug doɗ amuppa hekku. Amu Yawe Nug mana mettak amunu ena doya aokkunu, doɗ amuam beɗuppa eheɗ laa iitta ele daakkuoitte.

Namba 8:8

Ag anam hewona amu, ag makau gaiɗ laa, amu ee aegnu ofanu keeke ele, ag keeke amu, doɗ amu ele manan da meɗaglagnu amu, ag aon, peh laugppa wakkulag. Ee aegnu ofa haknu am plaua enanag, olip goɗen ele kaboliak daakku. Amu mana mettak laa, amuam ib etta hipunin haknu ofa, mana mettak amu haknu amu, na makau gaiɗ laa ele aon uɗie!

Namba 15:7

Amu doɗ amu ele ag wain gokkaɗaknu ofa haknu, ag 1 lita wain maha ele aon hekkulag. Mana mettak amunu muttuɗignu, Yawe Nug ooppa ena dootte.

Namba 15:9

Ag amu hekkulag amu, ag ee aegnu ofa ele hekkulag. Ag ee aegnu ofa makau gaiɗppa hekkulagnu amu, ag 3 kilogram plaua enanag, 2 lita goɗen ele kaboliglag.

Namba 15:24

“Israel oh ag hipunin ii doonna heppig dayeb amu, tamaniak oh ag makau gaiɗ laa manaknu ofa hena, doɗ amu manan, Nug mettaglag. Ag makau gaiɗ, amuppa mana mettak henana, ag Yawe aum bia, ag ee aegnu ofa hena, ag wain gokkaɗaknu ofa ele hekkulag. Mana mettak amunu muttuɗignu, Yawe Nug ooppa ena dootte. Amu ag meeme dawai laa ib etta hipunin haknu ofa daakkunu ele Nug mettaglag.