Namba 14:34 - Nobonob Baibel

³⁴ Lokkumakppa atu italak danab ag wan atu italkkulagnu maatteg goppig amu, ag deɗ 40 oippig. Anam bia, ag hipunin heeg, ag hipunin hak amunu guittak maɗ 40 batak doon oiglag. Maɗ laippu, amu deɗ anen anen, deɗ 40 wan italna oippig, am amu elele medakku. Ib amuppa amu, da ahilag hak amunu eheɗ doyeye ool ii madattem, ag amu dooglag.’

Namba 14:34 Referans Kwoze

Esekiel 4:6

Na heqon nanehppa deɗ 390 niin malona amu, na eɗun, heqon naɗiap-ppa niikkut. Na Juda dilag hipuninnu nob aon, na beɗunppa mena, anam niikkut. Da na deɗ 40, na anam niikkutnu tituanmi. Deɗ ebqak anam am, Juda danab ah ag maɗ gane hipuninnu nob maon oiglag, am amu ele ebqak laippu; am 40 amunu, na deɗ 40 Juda dilag hipuninnu nob maon, anam niikkut

Namba 13:25

Ag gona, deɗ 40 oinna, wan amu anttona amu, ag eɗun, Moses, amu Israel danab ah oh ag daappigppa goppig.

Daniel 9:24

Kayak Nug nahipad danab ah Israel, ag daanna anidkkulagnu, nahip aab okkai Kayaknu tituanak daatte, Jerusalem, amu tonakkunu, Nug haen maha 70 ba gokkunu ɗo laa aakku meum. Haen maha 70 amu bekkunu diig anen anen am inam: Haen maha amuppa Kayak Nug heeb, danab ah ag nai tappe nak kobol uuglag. Nug heeb, ag tuɗidna hipunin ii hemana. Nug eheɗ haknu nob nau nuhig ehanittak okkaippa iitta mekkunu heeb elele medakku. Nug heeb, kobol genab tutukku hanhannu bekku. Nug heeb, nuhikkud danab ag tulegleg genabppa aɗi aɗi keeke anidppig, propet ag dimppa bekkunu nai madippig ele amu, keeke amu oh meu okku. Amu Nug heeb, aben laa tituanaknab daakku.

Hibru 4:1

Aria, Kayaknu hik awaknu nai, nug amunu nai qakka aum amu, nai amu gemu ele daatte amunu, danab laa ag oolagppanu nug hik awak amu etta ii aomanu amu, ig dabmeta autta aotu!

Sam 95:10

Danab amu ag maɗ 40 anamib heegeg, da ahilagnu ool nauhehe daami. Ao, da anam daye, da ami. ‘Danab ah imu ag haen oh dahil ib apiɗidna oitteb. Ge, ag dahil kobol ii doyadppig, gemu ele ii doyadtteb.’

2 Stori 36:21

Yawe Nug anukka Juda danab ah ag wan ahilkad atognonana, ag maɗ eblaih aɗit eleppa hanhan keeke ii eppamnanu aum. Ag amu heppeg, wan eɗua, ittag ele daakkunu dabmaama, anam aum. Nug anam aum, amge Juda danab ah ag uueg, kekeɗ uɗin heeg, Juda wanppa danab ah qainqainib daaeg, wan am hele-ettak daye ukke, maɗ 70 iitta meum batak, wan am, maɗ ebqak eblaih aɗit ele, maɗ amuam wannu sabat maɗ, nug maɗ amu nuhig elele awom. Yawe Nug Jeremaia oɗeppa anam bekkunu aum amu, Nug aakku he beum.

1 Samuel 2:30

Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.

Revelesen 11:3

Anam amu, ⌊da Kayak,⌋ da appi, dahil laa aɗi heehe anttomnu mattiak danab aɗit, aa lamen heɗiag ele takkaya, deɗ 1,260 aa propet nai mehuqkkulah,” awa aum.

Sekaraia 11:10

Da anam awoya, da dudqak hokkat dahil onig Ehanidkkulnu Ool Daatte am awen qiimi. Amuppa da nug tituana nai qakkaknu nai, da Israel danab ah ele hemut amu, nai amuam aakku hei iitta meum ippunadmi.

Esekiel 14:10

Danab o ah laa anam propet toppa gotte, propet nug dahil nai tappe ne, danab o ah amu amegppa nai nob medatte ele, aa oh aakku beɗulahppa aab ele, amu da amunu nob elele elele madakkul.

Sam 105:42

Nug amu heumnu diig am, Nug nuhig maɗi nid Abraham amegppa keeke laa hekkunu nai anan qakkom, nai amuam qa oppiaawak ele, Nug amu dabmaama, Nug amu heum.

Sam 77:8

Nuhig oo mauhaknab kobol am iitta meumte? Nug keeke hekkunu nai anan qakkom ele amu, nai amuam hanhan meu ii omate?

Sam 38:4

Aɗinu? Da beɗulppa aab okkainab, da eɗilak daatte, amu aab amuam keeke uug nau ele, mawaknu elele iitta, amubia daatte.

1 King 8:56

“Ig Yawe binag humatu! Nug ig Israel, nuhikkud danab ah, Nug nai ana qakkom, amubia Nug ig maɗoɗ mekkom. Nug nuhig nai qakkak ena oh Moses, nuhig maɗi nid, nug oɗeppa ihinignu mattiom amu, nug nai amu oh hamu laa ii mattiom. Iitta. Nug nai amu oh, nug aum bia heum.

Namba 18:23

Lewi buɗubppan mana mettak danab iitta, ag am dahil mettid haknu peh lag danab ah appa qagmetteb ele, ag amuppa uɗat henana, ag ɗo laa tippalkkulag dayeb, ag eheɗ aakku hena bu aoglag. Buɗub buɗub doobob, ɗo imuam nug alet anam hanhan daakku. Lewi buɗub ag amu, ag Israel oolagppa wan laa, ag aulag daakkunu ii aomna.

Lewitikas 20:19

Aib na anin apagte, o makkegte, o na mamen apagte, o appinagte ele beɗuppa wanak hepiɗ. Aɗinu? Na anam hekkut dayeb amu, na tiin laippu hunu qelom bia hekkut. Am aun laa nug mameg apagte, o appinagte, o anig makkegte, apagte ele beɗuppa wanak hekkulah amu, aɗit amu oh aa aakku eheɗ heya, aa amunu bu aoglah.

Aposel 13:18

Nug eɗua diia uɗieye amu, atu taɗakppa nug ahilag hak nau amu maɗ 40 Nug mawom.

Duteronomi 2:7

Amu aɗinu ⌊Yawe Nug ag ee, le ele daden mekkulagnu aum⌋? Yawe, ahilag Kayak, Nug ag aɗi aɗi eppelagppa heppig ele amu, Nug uɗat amu oh itattom. Nug ag atu taɗak naɗi amuppa gonana, keeke ohnu heegeg, Nug ag atognoattom. Maɗ 40 imu ooppa, Yawe, ahilag Kayak, Nug ag ele daanna, aɗi keeke ag amu aon, bau daaglagnu doyom amu, Nug amu elele matte, ag keeke laanu ii tutu meppig.

Esekiel 4:5

Da na deɗ 390, na anam niikkutnu tituanmi. Deɗ ebqak anam am, Israel danab ah ag maɗ gane hipuninnu nob maon oiglag, am amu ele ebqak laippu; am 390 amunu, na deɗ 390 Israel dilag hipuninnu nob maon, anam niikkut.

Namba 32:13

Yawe Nug Israel dilagnu oo huana nauhe, Nug he, ag atu taɗakppa maɗ 40 oh yawaina oippig. Ag anam oinna, Yawe he, laa kobol eheɗ heppig ele, ag mauhadna iitta meppig.

Josua 14:10

Gemu, na anidttem, Yawe Nug da ehaniɗe, da bau daattem; Nug hekkununab nai ana qakkom bia. Amu Nug nai amu Moses amegppa a nug da amelppa ana qakke uɗie, gemu maɗ 45 iikku awom. Haen amuppa ig Israel danab, ig atu taɗakppa oiyak uɗat hemut. Gemu am da dahil maɗ 85 ele daattem.

Esekiel 23:35

Anam amunu, Naɗi Yawe Nug inam atte. “Na dahilnu daut atie, da dimeɗan autnanab aonna, na gappai heeb baknu kobol henan, ib baag ah kobol ele heme amunu, na amunu bu aokkutoitte.” Yawe Nug anam atte.

Hosea 9:12

Ag nid ii menumna, me ag menuadlob amu da heppi, oh iitta mekkulag. Haen da dimadattem amu, ahilagnu am gadonnab gadon.