Namba 14:28 - Nobonob Baibel

²⁸ Amunu na ag amelagppa appe doyeg! ‘Da Yawe, da attem. Da genab bau daattem, genab amubia da heppi, ag mattieg doomi, amubianab ahilagppa bekku.

Namba 14:28 Referans Kwoze

Namba 14:21

Da uhuqe madattem, amge da genab bau daattem, binag amahlak oppiaawak ele dahil ele genab wanppa ambak daatte amu, genab amubia

Hibru 3:17

Kayak Nug maɗ 40 haen amu ohppa aun aɗi dilagnu oo nauhak doyom? Amuam danab ah ag hipunin qenana, mauhna atu taɗakppa niippig. Kayak Nug ahilagnu oo nauhak doyom.

Namba 14:2

Israel danab ah ag Moses, Aron ele dilah naittuɗ menana, ahilahnu appig. “Ig Isip uppa, o iitta, atu taɗakppa ippa mauhlom am ena.

Duteronomi 1:35

“Ag aun aɗi ag naittuɗ meppig ele, ag menuattak huu laippu bia, ag nau hetteb ele amu, ag oolagppa laippu laa nug geha wan ena da ag mamelkad aɗi madakkulnunab nai ɠagattag qetten ami ele amu, nug am bau dayaya, ii anidma.

Namba 32:11

Danab ah imu ag meulkad ohppa ele, ag da dim ii lamiɗppig amunu, danab oh ag maɗ 20, o iitta maɗ 20 eɗittak, ag Isipnu uɗippig ele, amu oolagppanu aɗit aakkuib, wan da ag madakkulnu ami ele, amuppa wakkulah. Danab amuam Jepune bekka Kalep, Kenis buɗubppan danab, amu Nan bekka Josua ele; aa aakkuib wan amuppa wakkulah. Auntai laa da wan amunu dahil nai ɠagattag qette, Abraham, Aisak, amu Jakop ele ag, am ag buɗulkad ele madakkulnu ami amu, ag oolagppan laa ag wan amu iinab anidmana. Kalep, Josua ele aa aakkuib wan amuppa tekkulah. Aa wan amuppa tekkulahnu diig am, aa da Yawe, aa da meulah ohppa ele dim lamiɗpiɗ.

Namba 11:1

Amu Israel ag uug laala ag oolagppa beppig amu, ag amunu naittuɗ meppig. Ag naittuɗ meeg, Yawe Nug doya, Nug oo nauhe, Nug he, aab ewewe, peh lag laala, keeke ele haen tutu dayaknu aab kalak daugppa daappig am nauhppig.

Namba 14:39

Haen Moses nug Israel amelagppa Yawe aɗi aum amelagppa aum amu, ag naunab gaappig.

Duteronomi 1:34

Am ag naittuɗ meegeg, Yawe Nug oo nauhak doyom amunu, Nug aɗi haknu nuhig nai ɠagattag qetta, Nug inam aum.

Duteronomi 2:14

Anukka ig Kades Barneanu ahat ukkaut, maɗ 38 uue, ig anam Seretnu oolnu noak oppat-ta gomut. Am Yawe Nug anam daakkunu nuhig nai ɠagattag qetta aum bia, danab ag Kades Barnea tatam appa daanna, ban haknu ɠagattag elele amu, ag maɗ 38 amu ooppa ohnab mauhadppig.

Duteronomi 2:15

Yawe Nug ena daaglagnu ib oo neene ukke, ag ohnab mauhppig.

Job 21:20

Danab nau hette, nugnab nug amegppa Kayak nugib heeb nauhkku anttaɗ! Ao, nugnab Laa Nukka Ɠagattag Oh Elenu bu awaɗ!

Sam 95:11

Anam amunu, da ool nauhe, da keeke laa hekkulnu dahil nai ɠagattag qein ami. ‘Danab ah amu ag hik awak dahil iinab aomna.’ ” Yawe Nug anam aum.

Sam 106:26

Ag anam heeg, Yawe Nug eppeg huma, nuhig nai hekkunu ɠagattag qetta ana, Nug heeb, ag atu taɗakppa mauhkkulagnu,

Esekiel 12:25

Haen amuppa laa nug anam ii hema, amge da, Yawe, da aɗi hekkulnu hettem amu, da anam appi, paha meu okku, diig amunu ag gemu Israel wanppa daatteb, ag nai tappe nak danab ah amu, ag wanppa bau dayak haen ahilagppa da aɗi attem amu, da heppi, meu okku. Da Naɗi Yawe, da anam attem,” awa aum.

Duteronomi 32:40

Aɗinu? Gemu amu, da eppel humai, habppa te, da attem. ‘Da genab bau hanhan daattem, genab amubia, nai imu am genab.