Namba 13:17 - Nobonob Baibel

¹⁷ Haen Moses nug ag Kanan wan anidkkulagnu maatteb gokkulagnu heegeg amu, Moses nug ag amelagppa aum. “Ag gona, wan laih laa onig Negeb anttona, ag gona, wan qauko qauko ele, ag amu ele mattan teig!

Namba 13:17 Referans Kwoze

Ikki Danab 1:9

Manaeg ewe, appanu amu, Juda ag laih yau uɗitteppanu gona, appa Kanan danab ag atu qauko qauko ele appa daanna, amu wan maha onig Negeb appa daanna, aria qauko Juda wan ooppa qaban uɗitteppanu daatteb, qauko amu diigppa qauko nakok daattebppa ele daappig amu, Juda ag gona, ag ele ban hekkulagnu goppig.

Genesis 12:9

Abram nug anam hewowa, nug Negeb gokkunu baula aha ukkom.

Ikki Danab 1:19

Yawe Nug Juda danab ele daappig amunu, ag Kanan danab ah ag laih qauko qauko ele daappig eɗadna, ahilag wan ele aoppig, amge Kanannu danab ah uɗem okkaippa daappig, ag bannu karis aenppa hak ele amunu, Juda aɗi ⌊ag ag lamadkkulagnu elele oolagppa genab ii doon,⌋ ag danab amu ii lamadppig.

Ikki Danab 1:15

Kalep nug anam oɗ metta a amu, nug aum. “Na keeke enanag laa ele meɗakkutnu ool daatte. Na Negeb appa wan meɗame amunu, na gemu dahilnu ii helom bia me, na ehaniɗna autna aona, na lenag ena ele meɗakutnu unuqidttem,” awa oɗ metta unuqittom. Nug anam hedakkunu unuqittom amunu, Kalep nug le qeppuɗia bak attan, honap ele oh mettom.

Josua 15:3

qauko ikki oppoɗu noak onig Akrabimnu yau uɗitteppanu, laih amuppa ukka, Sin appa ukkom. Appanu amu ukka, Hesron waum. Amu Kades Barnea amu wan Josua nug Juda mattom, amu ooppa dayom. Hesron appanu amu, tom ukka, Adar waum. Adarnu amu, tom nakok talilitta ukka, Karka wana ukka,

Genesis 13:1

Paro nug Abram gokkunu anam a amu, Abram nug wau Sarai ele, Lot ele oh Isipnu ahan, Negeb goppig. Gonana amu, Abram nug nuhikkud keeke oh diia ukkom.

Duteronomi 1:44

Amge Amo danab appa daappig ag ahan, uppuh huanaknab ahan ban hetteb bia, ag banelag dona lamadppig. Ag ahan, ag lamadna aqadnana, Seir wanppa tena gona, Horma appa wana uuadppig.

Namba 14:40

Wagɗeb buttuanab amu ag ahan, Kanan wanppa laih qauko qauko ele, ag wan amuppa tena, ban hena, wan aoglagnu bappaidppig. Ag appig. “Ig hipunin hemut ⌊doottem, amge gemu ig oonig eɗuttem⌋ amunu, ig aakku gota, wan Yawe Nug ig megakkunu nai qakka aum, ig amuppa tekkunig,” aon appig.

Namba 13:29

Amu Amalek danab ag wan amuppa, wan laih onig Negeb, ag appa daatteb. Hit danab, Jebus danab, amu Amo danab, ag am wan laih qauko qauko eleppa, appa daatteb. Kanan danab, ag amu yu guguittak, amu Jodan le naɗi daugppa daatteb,” aon appig.

Genesis 14:10

Oolnu noak okkai onig Sidim, appa amu moɗ kolta ɗu bia kuɗum daappig. Aria Kedolaomer, nug laikkud king ewam ele ag banppa king tanig ele eɗadppig amunu, Sodomnu king, Gomoranu king ele aa oolya goya, ɗu amuppa neya qeya qettoɗpiɗ. Laa oh amu oolna, qaukoppa goppig.

Genesis 13:3

Nug Negeb ukka dayowa, aha oiya oiya, Betel aabppa teum. Anukka nug Betel, Ai ele gamalahppa dayaya,

Genesis 13:17

Aria, da na wan imu medakkul amunu, na ahan oinna, wan imu oh antte!” awa aum.

Namba 13:18

Ag gonana, wan amu, nuhig anttak attemu amu antteg! Ag danab appa daatteb amu, ag ɠagattag elete, iittate, kuɗumte, o iitta kuɗum iittate, ag amu ele antteg!

Josua 2:1

Israel danab ah ag aben onig Sitim appa daappig. Haen ag appa daanna, Nan bekka Josua nug lokkumakppa atu italak danab aɗit maate, Kanan wan lokkumya italkkulahnu gopiɗ. Nug aa Jeriko aab okkai italya autyanab aoglahnu aum. ⌊Jeriko am aab okkai, aɗ ele.⌋ Josua maate goya, Jeriko gopiɗ. Aa tuqan appa daaya, niiglahnu amu, aa ah laa, nug am ib baag ah onig Rahap, aa nug laugppa gopiɗ.

Josua 10:40

Anam daye, Josua nug aakku wan atu amu oh nug awom. King amu, danab ah ele Israel ag eɗadppig, ag ahilag wanppa daappig, wan atu amuam Negeb, wan qauko qauko ele, qauko nakok qauko okkai diigppa daatteb, qauko nakok amuam Kanan wan ooppa qaban uɗitteppanu daatteb, amu qauko okkai heqoppan ele. Nug he, wan amuppan danab ah oh am Yawenuib nuhig pelemppa daappig. Nug laippu laa uue, ii dayom. Yawe, Israel dilag Kayak, Nug anam hekkununab aum amunu, nug heum.