Namba 12:7 - Nobonob Baibel

⁷ Amge Moses, dahil maɗi nid amu, nug dahilad danab ah oolagppa oo metta ii uuak kobol elelenab dim lamidtte amunu, da nug amegppa ib anamppa nai ii madittem.

Namba 12:7 Referans Kwoze

1 Korint 4:2

Aria, uɗat gumak danab nug nuhig okkai noobppa ena daakkunu, nug nuhig danab okkai uɗat aɗi aɗi hekkunu atte, nug uɗat amu hekkunu oo metta ii uuak kobolppa hekkuoitte.

Sam 105:26

Nug nuhig maɗi nid Moses me, Paro toppa teum. Ao, Nug Aron, Nug nug tituanom amu, Nug nug ele me teum.

Josua 1:1

Yawenu maɗi nid Moses nug mauhom dimppa amu, Yawe Nug Nan bekka Josua, Mosesnu ehanittak danab, Nug nug amegppa aum.

Matyu 11:11

Da genab ag amelagppa attem, danab oh ah oolkadppanu doppig elenu laa nug Layattak Jon ii eɗittom, amge danab laa nug Kayaknu ɗo maɗoɗ ooppa danab nakokib daatte, nuhig itittak ena amu Jonnu eɗidtte.

1 Timoti 3:15

Amunu diig am, da paha na gumitte ii goppi amu, na nai imu ebqena, na Kayaknu tamaniak attem tolidppe ena oiglagnu dookkut. Tamaniak am Kayak bauklelnu keeke, tamaniak am doyak diig genabib ukku, biidod ele daatte.

Aposel 7:31

Moses nug aab ewak amu antta, nug oo ii maitte, dabmak kuɗum awa, nug pehetta anidkkunu gumitta waawo, Naɗi Nug aum.

Matyu 11:9

Anam daatte dayeb, ag aɗi keeke anidkkulagnu goppig? Ag propet laa anidkkulagnu goppigte? Da ag amelagppa attem. Ao, ag propet anidkkulagnu goppig, amge nug propetib iitta. Nug propet uɗat aakkuib haknu iitta. Nug uɗat laa ele.

Duteronomi 18:18

amunu da nai ag amelagppa akkulnu amu, da geha danab laa ag oolagppanu na bia epeɗidkkul. Da geha dahil nai propet amu medappi, nug ag amelagppa nai oh da nug madakkununab appi amu, nug tutukku ab dooglag.

Duteronomi 34:5

Yawe anam aum amunu, Moses, Yawenu maɗi nid, nug Moap wanppa Yawe aum bia, appa mauhom.

Josua 1:2

“Moses, dahil maɗi nid, nug mauhom, akkunu amu, gemu na, aria Israel danab oh ele ag da wan ag madattem ele, ag wan amu aoglagnu, ag Jodan le mataɗkkulagnu babaitteg!

Job 1:8

Satan nug anam a, Yawe Nug Satan aum, amu doya, Nug aum. “Na dahil maɗi nid Jobnu attem dabmettem? Wan ohppa danab laa nug bia laa iitta. Nug dahil neekkakppa danab ooppa kaliak laa iitta ele. Nug genab tutukku hak danab. Nug dahilnu ebehi oh bodoetta le me, nug eheɗ laa haknu am uua autanab aotte,” awa aum.

Eksodas 33:11

Ag anam heeg, Yawe Nug Moses amegppanab nai mattiom; danab layag amegppa nai maditte, anambia nug Moses amegppa nai mattiom. Yawe Nug nai amu mattia male, aria Moses nug eɗua, haen tutu dayaknu aab kalakppa gottom, amge Mosesnu maɗi nid, nid danab bau, Josua, Nan bekka, nug am lag ooppa daattom. Nug peh lag amu ii uuttom.