Namba 11:28 - Nobonob Baibel

²⁸ Amu danab bau anam a, amu Josua, Nan bekka, haen nug danab bau dayaya, nug digma, Moses ehanittatta dayom ele, nug aum. “Danab okkai dahil, appe uueɗ!” awa aum.

Namba 11:28 Referans Kwoze

Jon 3:26

Ag anam hena amu, Jonnu ippunittak awak danab ag gona, Jon amegppa inam appig. “Ippunittak danab, danab laa Nug na ele anukka Jodan le laihppa daayya, na nuhignu mattime ele, danab amu Nug danab layattette, danab ah oh nuhigppaib gotteb,” aon appig.

Josua 1:1

Yawenu maɗi nid Moses nug mauhom dimppa amu, Yawe Nug Nan bekka Josua, Mosesnu ehanittak danab, Nug nug amegppa aum.

Eksodas 33:11

Ag anam heeg, Yawe Nug Moses amegppanab nai mattiom; danab layag amegppa nai maditte, anambia nug Moses amegppa nai mattiom. Yawe Nug nai amu mattia male, aria Moses nug eɗua, haen tutu dayaknu aab kalakppa gottom, amge Mosesnu maɗi nid, nid danab bau, Josua, Nan bekka, nug am lag ooppa daattom. Nug peh lag amu ii uuttom.

Eksodas 17:9

amu Moses nug danab laa onig Josua amegppa aum. “Na ihinig danab laala otiadppe, ag oh gona, Amalek aqeg! Butti ag anam hebeppeg, da am geha qauko nakok umu igippa hibaittette, da dudqak hokkat, Kayak Nug da maokkulnu aum amu, da amu aɗen daakkul,” awa aum.

Namba 11:27

Aria, danab bau laa nug qaiqaɗ Moses toppa ukka, amegppa aum. “Eldat, Medat ele aa haen tutu dayaknu aab kalappigppa, uppa propet nai madittep,” awa aum.

Eksodas 24:13

Yawe Nug Moses amegppa anam a, aria Moses nug nuhig maɗi nid Josua ele aa ahaya, Moses nug Kayaknu qauko igippa tekkunu teum.

1 Stori 7:27

Elisama bekka am Nan. Nan bekka am Josua.