Namba 11:22 - Nobonob Baibel

²² ⌊Amu ig imu ii hemata,⌋ amge ig sipsip, makau ele ihinkad ohnab aqat lalom amu, amuam teppu amu haknu elele iitta. O iitta, ig yuppanu kakai oh aognig, amuam ig anam hekkunig elele iitta,” awa aum.

Namba 11:22 Referans Kwoze

Matyu 15:33

Jesus anam a amu, ippunittak awak danab ag Nug amegppa appig. “Laih ippa amu danab ag ii daatteb amunu, ig adeppanu bret kuɗum, danab ah kuɗum imu dilag elele aopput, ag elele lappeg, oolag didikku?” aon appig.

2 King 7:2

Elisa nug anam a amu, ban daup ikki laa king ehanidtte, nug king ele oh uɗipiɗ, nug Elisa nai amu a doya, nug nob ma inam aum. “Yawe Nug habnu od matulatta, ee kuɗum gokkaɗeb neeb mekkeb amu, ig men doɗo nakokppa ee anam ii daden memata,” awa aum. Nug anam a, Elisa nug danab amu amegppa aum. “Na amu attem, amge da ami am genabnab genab, keeke amu geha beeb na amenppa anidkkut, amge na ee amu nakok laa ii lamana,” awa aum.

Jon 6:9

“Nid danab laa iikku daatte, nug am bali bret kunum tanig ele, amu kakai aɗit ele. Amge amuam keeke nagnag, danab am huanak,” awa aum.

Luk 1:34

Anam a amu, Maria engel amegppa aum. “Keeke amuam attemutai bekku? Da danab ii awen, ah makkun daattem,” awa aum.

Luk 1:18

Nug anam a, Sekaraia nug engel amegppa aum. “Da attem heina, nai amuam genab daatte dookkul? Da kaino memi, amu ah dahil ele kaino meum,” awa aum.

Mak 8:4

Nug anam a amu, nuhikkud ippunittak awak danab ag appig. “Laih ippa amu danab ag ii daatteb amunu, ig adeppanu bret kuɗum, danab ah imu dilag elele aopput, ag elele lappeg, oolag didikku?” aon appig.

Mak 6:37

Ag anam aeg amu Jesus Nug aum. “Ag ee madappeg laig!” awa aum. Awa a amu ippunittak awak danab ag appig. “Ehe! Ig gota, bret silwa men doɗo 1,000 keeke anamppa daden mekkunigte? Ig men doɗo amubia iittanab iitta,” aon appig.

Namba 11:13

Ag, ‘Teppu lanaknu mekkeg!’ anana, naittuɗ menanaib daatteb amunu, da danab ah imu oh dilag teppu adeppanu aokkul?

Namba 11:21

Yawe Nug Moses amegppa anam a amu, Moses aum. “Gemu da danab 600,000 oolagppa daaiyi, na, ‘Da heppi, danab ah imu oh ag kalam laippu ohppa doɗ teppu lakkulag,’ attem. ⌊Na amu attem, amge da amu bekkunu ib iinab anidttem.⌋

Namba 11:23

Moses anam aum, amge Yawe nob ma aum. “Da anam hekkulnu dahil ɠagattag iittate? Gemu amu, na amenppanab keeke bekkute, iitta, iite bekku amu anidkkut,” awa aum.