Nahum 3:6 - Nobonob Baibel

⁶ Da heppi, wan laappan danab ah ag kinipan nau agappeg uɗia, na nidakku. Ao, da heppi, ag, ag Niniwe danab ah, ag ahilagnu, ‘Keeke hamunab,’ dooglag. Ge, da heppi, ag Niniwe danab ah ag laa noolagppa keeke imaknu bia daaglag.

Nahum 3:6 Referans Kwoze

Malakai 2:9

Yawe Nukka Ɠagattag Oh Ele, Nug inam ele atte. “Ag mana mettak danab ag amu heegeg, da hei, danab ah laa ag ahilagnu ena iinab doon, uɗa nak ele madatteb. Aɗinu? Ag mana mettak danab ag dahil ib ii dim lamidna, ag hettoɗiakppa diignab iittappa ag laanu ena doya, laanu diignab iittappa eheɗ doyak kobol dim lamidna hetteb,” awa atte.

Jeremaia 51:37

Da heppi, kekeɗ ag heppeg, Babilon am kinipan ameg okkai hume tak daakku. Doɗ jakal, ag aguppa daaglag. Danab ah ag Babilon anidna, ag ameg iɗuak doon, ag Babilon danab ah dilagnu, ‘Keeke hamunab,’ dooglag. Danab laa Babilon appa ii daama.

Job 9:31

na le moɗ laa muag naunab eleppa buɗilppe nokkulnu doottem. Ao, na amu heppe, dahil lamen da beɗulppa daakkunu uua autanab aokku.

Hibru 10:33

Amu haen laala danab laa ag danab ah dilag qagmakppa danab ah noolagppa ag aon aon aqan, eheɗ ele hedappig. Haen laala ag Kristen ag lailkad uug anam dooglagnu beɗulagppa beum amu, ag lailkad ehanadppig.

1 Korint 4:9

Deɗ laala da inam dabmettem. Kayak Nug ig totol danab nuhikkud otikkom, ig uɗat amuppa oittem ele amu, Nug he, ig laa oh dimulagppanab, ig danab banppa aɗualadna aqappeg mauhkkulagnu otiadppig, amubia daattem. Genab, ig wan atu ohppa danab oh noolagppa, amu engel noolagppa ele, ag ig eheɗ anigkkulagnu daattem deɗ laala da anam doottem.

Nahum 1:14

Yawe Nug haknunab anak imu Niniwenu aum. “Ag buɗulkad laa, ag onilkad tuɗid ele daakkunu am laa ii daama. Da ahilkad kayak hambuppuak adppa hoiyak, kayak hambuppuak gol o silwappa hak ele, dottolkad amu ag ahilkad kayak hambuppuak dilag mettid lagppa daatteb amu, da heppi, ag nauhkkulag. Ag Niniwe, ag am danab ah ahilag kobol uɗig wak ele amunu, ag aguppa niiglagnu da ahilag moɗ bappaidkkul” awa atte.

Job 30:8

Ag danab dabmak ena iitta ele, ag onilkad laa iitta; danab laa ag lamatteg, ag laih gona daatteb.

Jut 1:7

Kobol amubia laa ele am ag Sodom, Gomora ele, amu aab laala taliliatak eleppa anidkkulag. Appan danab ag gappai henana, ag danab danab ele, o ah ah ele gappai ele heppig amunu, nob nau ahilagppa beum. Nob nau amuam aab ewatte, ag padal mena autna aoeg, hanhan daatte. Ag hak naunu nob nau awaknu antte oo maittaknu kobol daatteb.

1 Korint 4:13

Ag ihinignu baeg qak nai aeg, ig nai bodoettakppa ag amelagppa attem. Ig am wan ohppanu kinipan daatte, amubia daattem. Ao, ig danab oh dilag kinipan, amubia daattem. Ig anamib daaut uɗie, gemu ele daattem.

Malakai 2:2

Ag dahil nai imu doon, ag oolagppanab meig! Nai ag dooglagnunab attem am, ag da onilnu am binag ele doyeg! Ag haknunab nai dahil ii doon, ii dim lamidkkulag dayeb amu, da ag eheɗ laa awaknu anak waappa daaglagnu, uug naunab ele laa ahilagppa bekkunu akkul. Ag dahil haknunab nai ii dim lamidkkulag dayeb amu, ag itittak ena laa ag aoppig amu, da heppi, eheɗ laa awaknu anak waappa dayak bia daakku. Ge! Ag da binal mekkulagnu oolagppanab ii dootteb amunu, da nakok matu bia itittak ena ahilag laa aoppig amu, da hei, itittak ena amuam eɗua, ag eheɗ laa awaknu anak waappa daatteb.

Sepanaia 2:15

Aab okkai Niniwe amu, tatam appan danab ah ag gamag ahaknu qagmakppa daan, muttub qenana, ag baɗak iittappa daappig. Appan danab ah ag appig. “Wan atu ohppa aab laa ihinig aab imu bia laa ii daatte. Aab ihinig amu laa oh eɗadtte,” aon appig, Amge Yawe Nug heeb, Niniwe nauha auta autanab aokku. Aab naɗi amuam doɗ dakkuɗ laulkad daakku. Ao, danab aun aɗi ag laih gokkulagnu Niniwe gukkuidna wana gonana, ag aab naɗi amu aon aon qettaglag.

Gayak Nai 3:16

Nug men naunau meɗe lai, da ael qiippig; Nug wan gappudppa tappiɗom.

Job 30:19

Laa nug buɗile, lekkohppa noin daattem; da wan gappud, aab uhuɗ ele bia daattem.

Esekiel 16:37

Na amu oh heme amunu da, Yawe, da danab oh na ag ele niippig, laa na ahilagnu oot mauhom, laa na ahilagnu nau ninig ele doome amu, da danab amu oh qagmaadppi, ag uɗin daappeg, da heppi, laa ag lamen nahip oh uɗappeg ukkeb, na ag noolagppa bam iitta, beɗun hamu daappe, ag na neekkidkkulag.

Habakuk 2:16

Amge ⌊Babilon dilag okkai⌋ na, nahip-ppa anam bekku. Danab ah ag nahipnu nau dooglag. Ag binag ii memana. Iitta! Na uɗa nak dookkut. Gemu am nahip haen! Na le ɠagattag lappe, kaaka nitteb, lamen uɗona, na uɗan naɗ! Wain amu kap Yawe eppeg naɗiap-ppa daatte, am nahip-ppa aakku uɗitte, amu na amu lawona, na uɗa nak nau guittak ele doon, binan nakok laa ii daama.

Malakai 2:3

Ag eheɗ henan oitteb amunu, da ahilag hak nau amu dabmein, da diig amunu ag buɗulkad daulag batakkul. Da ag mana mettak danab, ag qagmak gamag ahak ele haenppa doɗ main, da meɗatteb ele, da doɗ amunu biig awen, ag iɗulagppa meppi, laa ag ahilagnu kinipan, dubuttid nau ele bia dooglag.