Nahum 3:19 - Nobonob Baibel

¹⁹ Ag ihi nau laa, eɗua ena daakkunu ib iitta, ag amubia daatteb. Ag mauhkkulag. Ag danab ah laih laih ohppanu guittak hamu hamu madappig amunu, danab ah amu ag ahilagnu nai imu doon, ag gamag ahak naɗi dooglag. Aɗinu? Ag Niniwe, ag laa guittak mettaknu uug laa ii doon, guittak hamu hamu eheɗ nau ag mattaeg, laa amu oh ag uug amu maoppig.

Nahum 3:19 Referans Kwoze

Maika 1:9

Aɗinu da anam gaakkul? Samaria nug guittak okkai awom; eɗua ena daakkunu elele iitta. Ao, guittak amu Juda ele aokkunu miag doum daatte. Dahilad danab ah dilag wannu odppanab uɗiom daatte. Am Jerusalem aabppanab beum, aakku daatte.

Gayak Nai 2:15

Ag Juda danab ah, ag bu aakku aoppig amunu, gemu aun aɗi ag Jerusalem guguittak oitteb ele ag aon aon aqan, ag ahilagnu, “Keeke hamunab,” doon, ag ikkilag matuɗtteb. Ag atteb. “Aab okkai imunute anukka danab ah laa ag inam anan oippigte? ‘Neekkakppa aab amuam wan atu ohppan aab laa eɗattak; wanppan danab ah oh ag Jerusalem appanu gamag ahak aotteb.’ Ag anam anan oippigte?”

Job 27:23

Ulah amu danab daalo, nug anam ha mala, nug gamag ahak naɗi doya, eppeg tap qelo. Nug danab amu eheɗnab awa awa qettalo.’ ⌊Ag anam atteb.⌋” Job nug anam awa aum.

Jeremaia 46:11

O gadon, ag Isip danab ah ag eɗun ena daaglagnu ag oɗe danab nug Gileat appa marasin ena aokkunu gotte, ag amubia heig! Ag hekkulag, amge ag ib digdigppa eɗun ena daaglagnu hetteb, danab marasin digdig awe ii ehanidtte, amubia ag eɗun ena ii daamna. Ag danab oɗe nau awa, eɗua ena daakkunu marasin laa iitta, amubia ag eɗun, bau daaglagnu ib laa iitta.

Aisaia 37:18

O Yawe, Asiria dilag king ag wan amu oh heeg nauhaknab daaeg, appa danab ele hatteg nauhppig amu, nai nuhig amuam genab.

Revelesen 18:20

O hab aab, na nuhigppa beum amu, na maɗoɗppan gamag ahak doye! Amu ag Kayaknu danab ah oppiaawak ele, Kristusnu totol danab, amu Kayaknu propet ele amu, ag ele anam heig! Kayak Nug aab okkai amu nug ahilagppa eheɗ heum, Nug amunu nug nob nau aakku mettom,” awa aum.

Revelesen 17:2

Wannu king ag nug ele ewau pakkua gappai hak kobolppa oippig. Wanppanu danab ag nuhig gappai kobolppa danab wain lawona kaaka aqadtte, amubia kaaka aqom,” awa aum.

Revelesen 13:7

Nug anam heehe, Kayak Nug nuhig ib oo ii neum amunu, nug ban digme, Kayaknu danab ah oppiaawak ele, nug ag ele ban hena, nug ag eɗatta, tabatte noppig. Noeg, nug danab ah huu ohppanu, beɗulag iɗu iɗu ohppanu, nai ohppanu amu wanppan wan ohppanu ele dilag king daakkunu gumaknu ehah awom.

Esekiel 25:6

Aɗinu? Naɗi Yawe Nug inam atte. “Ag Israel dilagnu oolag aeg be, Israel ag nauheg anidna, ag oolag gamag eheɗ ahe, eppelag tap qenana, baelagppa wan tabatabeɗappig

Jeremaia 10:22

Ag daulag human doyeg! Oqotti okkai wan laa yawalti uɗitteppanu daatte, appanu uɗitte! Amuam kekeɗ huanak ag appanu uɗiegeg, oqotti otte. Ag uɗin heppeg, Juda dilag aabppa danab ah qainqainib daappeg, aab am nauhakib daaglag. Ao, doɗ jakal, ag aguppa daaglag.” Da anam ami.

Jeremaia 30:12

Amu Yawe Nug inam awa atte. “Ag Jakop buɗub, ag danab nug layag guittak okkainab mette, ihi nau awe, dokta babaitteb ena daakkunu ib laa iitta bia daatteb. Ao, ag Jakop buɗub ag am danab nug guittak okkainab awe, ihi nau daye, dokta babaitteb, eɗua ena bekkunu ib laa iitta bia daatteb.

Aisaia 37:11

Na ig, Asiria dilag king, na ig wan laa ohppanu danab ah eɗadtata, heut nauhna autnanab aoppig doon malame. Amu Kayak nahip Nug na ehanitteb, ig nahipnu ele anam iite hekkunig?

Jona 1:2

“Niniwe danab ah ag hak nau huanak heegeg anadttem amunu, na ahan, aab okkainab Niniwe gona, uug naunab ahilagppa beeb anidkkulagnu mehuqppe doyeg!” awa aum.