Nahum 3:16 - Nobonob Baibel

¹⁶ Ag keeke laihnu awa dadennu mak danab kuɗumnab, hoɗoppai ebqak eɗittak ahilag aabppa daatteb. Ag huanak anam daatteb, amge ag Niniwe ii ehanidtteb. Iitta. Ag tap-lokus ag wanppan keeke lae nena, ahan hagagaɗna gotteb, danab amu ag ele amubia hetteb.

Nahum 3:16 Referans Kwoze

Jeremaia 33:22

Da heppi, dahil maɗi nid Dawit buɗub, amu Lewi buɗub, ag dahil ɗo maɗoɗnu uɗat da noolppa hetteb ele amu, ag appatna daaglag. Ahilag ebqak am hoɗoppai habppa daatteb, o yu ihippa abuɗ niitte bia, ag amubia daaglag.’ ” Yawe Nug Jeremaia nai amu mettom.

Nehemaia 9:23

Ge, na hee, ig mamenkad aɗi ag huana appategeg, ag bekkalkad am huanak, hoɗoppai dilag ebqak bia daaeg, wan laa, na wan amu ag mamelkad aɗi mattan, ag gona aon daaglagnu ame amu, na diie, wan amuppa goppig.

Genesis 22:17

amunu, diig amunu da genabnab genab na itidkkul. Da itidppi, na buɗunad ag appatna, abuɗ le ihippa, o hoɗoppai bia kuɗum daaglag. Ag kekeɗ eɗadna, ahilkad aab diiglag,

Genesis 15:5

Awowa amu, Nug Abram omala, dimittim noa, amegppa aum. “Na neegppe teeb, habppa hoɗopai daatteb ele umu, na ebaqadkkutnu elele daattem dayeb amu, na ebaqe! Na buɗunad amu, geha ag anam daaglag,” awa aum.

Sam 105:34

Nug a, tap-lokus kuɗumnab uɗippig. Ao, tap ag kuɗumnab uɗippig; auntai laa ebaqakkunu elele iitta.

Aisaia 23:8

Tair ⌊am aab anuqak dayom amunu,⌋ appan danab ag heeg, laa king bia daappig. Tair danab ag keeke laihnu awa dadennu mak danab amu, ag king bekkod, ⌊keeke elelenab ele⌋ bia daatteb. Ao, Tair danab ag keeke laihnu awa dadennu mak danab, amu wan atu oh danab ah ag Tair danab ah dilagnu ag am binalag okkai ele doyadtteb. ⌊Anam amunu,⌋ laa nug ⌊kekeɗ ag⌋ Tair heppeg nauhkkunu maittak awom ele am aun?

Joel 1:4

Am inam. Tap-lokus huanaknab ag ameg naɗinab daan uɗin, keeke laeg ukke, keeke laa uun ii lappig amu, tap-lokus okkai okkai, ag lappig. Tap-lokus okkai okkai ag keeke lanan uun, ii lappig amu, tap-lokus bau makkulak, ag lappig. Am tap-lokus bau makkulak ag keeke lanan uun, ii lappig amu, tap-lokus diig laala ag lappig.