Nahum 3:15 - Nobonob Baibel

¹⁵ ⌊Ag amu hekkulag, amge amuppa ag ehanittak laa ii aomna.⌋ Aab ewakppa ag nauhkkulag. Ao, kekeɗ ag qep elabppa aqadppeg mauhkkulag. Ge, wit keeke tap-lokus heeg nauha, iitta mette, ag amubia daaglag. Ag Niniwe, ag tap-lokus bia huanaknab appatna daaglagtai; amge ag diig amunu ena ii daamna. Ag nauhkkulag.

Nahum 3:15 Referans Kwoze

Joel 1:4

Am inam. Tap-lokus huanaknab ag ameg naɗinab daan uɗin, keeke laeg ukke, keeke laa uun ii lappig amu, tap-lokus okkai okkai, ag lappig. Tap-lokus okkai okkai ag keeke lanan uun, ii lappig amu, tap-lokus bau makkulak, ag lappig. Am tap-lokus bau makkulak ag keeke lanan uun, ii lappig amu, tap-lokus diig laala ag lappig.

Nahum 3:13

Niniwe danab ah, ag antteg! Ahilkad daup ag gai-iitta, ah bia. Kekeɗ ahilagppa uɗiglagnu am ib oonak laa iitta ele; aab okkainu aɗnu od manak qaknu keeke aab ewe, od matulak daatte bia daatte.

Nahum 2:13

⌊Amu bekkunu diig am⌋ Yawe Nukka Ɠagattag Oh Ele Nug inam atte. “Niniwe danab ah, da ahilag hak amunu eheɗ doyeye ool ii madattem. Da heppi, ahilag bannu karis eon, iitta mekkulag. Da heppi, kekeɗ ag nid bau ahilkad qep elabppa aqappeg mauhkkulag. Da heppi, ag baula wanppan laa, laion hetteb bia, guittak ii mattamna. Ag baula wan laappan danab ele ban hena eɗadna, ahilag wan aoglagnu nai awa ukkak danab maadppeg ii gomana.” Yawe Nug anam awa atte.

Sepanaia 2:13

Anam amu, Yawe Nug Asiria ele bu madakku. Asiria am Israelnu yawalti uɗitteppanu daatte. Yawe Nug heeb, Asiria danab ah, ahilag wan ele hele-ettak daappeg, ahilag aab okkai Niniwe am nauhakib daakku. Ao aab amuam atu taɗak, qaɗaiettaknab daatte bia daakku.

Joel 2:25

Am Yawe Nug atte. “Tap-lokus huanaknab ag ameg naɗinab daan uɗippig, tap-lokus okkai okkai, tap-lokus makkulak bau, am tap-lokus diig laala ele, tap-lokus oh amu da hei uɗippig, ag huanak uɗin, keeke lappig amu, da heppi, Israel danab ah, ag ee tap-lokus lappig amu, ee amubia ag ee elele eɗun aoglag.

Aisaia 66:15

Aɗinu ⌊ag amu dooglag⌋? Antteg! Yawe Nug aab aɗu eleppa uɗikku. Nug ban danab bannu karisppa dayaya ulah kilibob gotte bia gotte, Nug anam bia uɗikku. Nug oppoɗi huana beebeb, danab ah eheɗ hetteb ele bu eheɗ madakku. Ao, nuhig oppoɗi bak am aab aɗu bia dayaya, Nug ag bu okkai madakku.

Aisaia 66:16

Laa amu, aab aɗu ewewe, dubuttid iitta mette, amu danab okkai ag qep elabppa danab nau aqaegeg, ag iitta metteb, amubia Yawe Nug hettoɗiak tutukku haaha, Nug nuhig ɠagattagppa danab ah bu matteb, danab kuɗum mauhkkulag.

Jeremaia 51:14

Yawe Nukka Ɠagattag Oh Ele Nug nukka, Nug onig awa, nuhig nai ɠagattag qetta aum. “Da genabnab genab heppi, kekeɗ dilag daup huanak, tap-lokus bia, ag Babilon aab ooppa nona eɗadna, ag gamag ahak okkainab doon ekkulag,” awa atte.

Amos 7:1

Naɗi Yawe Nug tuleglegppa imu ippuniɗom. Tulegleg amuppa Nug heeb, tap-lokus ag huanaknab appatna uɗin, wan tonaglag ippuniɗom. Danab ag dad okkaippanu keeke kingnu daatte, ag amu aon mettona, ag dim eppaknu keeke ele eppan malaeg, digma bekkunu heehe, haen amuppa tap-lokus amu uɗippig tuleglegppa anidmi.