Nahum 3:11 - Nobonob Baibel

¹¹ Niniwe danab ah, gemu am ahilag haen. Ag le ɠagattag lappeg, kaaka aqadkku. Ao, ag gona, lokkumkkulag. Ge, ag kekeɗ aɗualadmananu padal mak eɗitteb ena dayaknu aben mattiglag.

Nahum 3:11 Referans Kwoze

Aisaia 49:26

Laa ag Juda ahilagnu eheɗ hetteb ele amu, da heppi, ag akka akka ag teppulag lakkulag. Da heppi, ag akka akka ag tiilag lawona, danab nug wain la, kaaka qette bia daaglag. Da anam hekkul amunu, danab laa oh ag da Yawe, ag dahilnu, da am ag Juda, ahilag padal memananu ehanittak danab dayeye, da ahilag qagaiettakppanu eɗua uhuqaknu ehanittak dayeye, da am Yawe, da Laa Ɠagattag Okkai Ele, Jakop da binal meum ele amu, da anam daattem dooglag.” Yawe Nug anam atte.

Aisaia 2:10

⌊Anam amu, qinob ag dabmak genab iitta dim lamidna,⌋ Yawenu oppoɗi bak tonadmanu, Yawe Nug dagom onig ɠagattag okkai naɗi ele, nuhig ɠagattag amu aqadmanu, ag oolna gona, men oɗeppa nokkulag. Yo, ag wan oɗeppa gokkulag.

Luk 23:30

Geha haen amu uɗieb, amu oh beeb amu, Israel danab ah ag geha qauko dilagnu, ‘Ag nena, qaɗenigppa qeig!’ akkulag. Ao, ag qauko nakok dilagnu, ‘Ag nena tonikkeg!’ aon akkulag.

Nahum 1:10

Aɗinu? Ag danab muɗi qaun ele ooppa dayeye, qaun nug aɗatteb bia daaglag. Ao, ag ahilag wain labeppeg, kaaka aqakku. Ge, gikkiɗah qaɗaiettak huana eotte bia, Yawe Nug heeb, ag nauhna, padal mekkulag.

Hosea 10:8

Betawen appa kayak hambuppuak dilag mettid lag nakok am, laa ag heppeg nauhak daaglag; Israel ag appa hipunin hetteb. Lag amu nauhak daappeg, uud keeke qaun ele amu, keeke amuam geha qaɗab amu oh teguadkkulag. Amu oh beeb amu, Israel danab ah ag geha qauko dilagnu, “Ag nena tonikkeg,” akkulag. Ao, ag qauko nakok dilagnu, “Ag nena, qaɗenigppa qeig!” aon akkulag.

Jeremaia 4:5

Yawe Nug da Jeremaia, Nug da amelppa inam ele aum. “Na nai imu Juda danab ah, Jerusalem danab ah ele amelagppa appe doyeg! ‘Trampet iwalak danab ag, ag trampet amu wan ohppa aben ohppa iwaleg!’ Na amu awona, na inam ele appe doyeg! ‘Ag Juda, ag qagmeppeg, ig oh aab ɠagattag aɗ ele anen anen amu, ig oolta, amuppa gotu!’

Aisaia 2:19

Haen Yawe Nug wanppanu keeke oh eheɗ hahaɗkkulagnu aha heeb, danab ah ag Yawenu oppoɗi bak tonadmanu, Yawe Nug dagom onig ɠagattag okkai naɗi ele, ag nuhig ɠagattag amu aqadmanu, ag oolna gona, men oɗeppa nokkulag. Ao, ag wan oɗeppa gokkulag.

Sam 75:8

Aria, amu anaknu diig laa am, Yawe Nug danab ah dilag nai doya mala hettoɗiatta epeɗiatta elele madatte amu, amuam kap Nug eppegppa aɗatte bia. Amu kap amuppa wain ɠagattag, keeke laala ele kaboliak daatte. Anam amu, Nug wain gokkaɗa heeb, nau hak danab ah oh ag lakkulagoitte. Ag biɗa naunau oh am lakkulagoitte.

Nahum 2:1

He nauhak danab ag heeg, Jakop buɗub ag nauhakib daatteb. Ao, diig amunu, Yawe Nug heeb, Jakop buɗub ag anukka ɠagattag, onilag okkai ele daappig bia daaglag. Ge, Israel ag ɠagattag, onilag okkai ele daappig, amubia Jakop buɗub ag anam daaglag. Anam amunu, O Niniwe danab ah, kekeɗ ag ag ele ban hekkulagnu uɗitteb. Ag uɗitteb amunu, Niniwe danab, ag ahan, ag aab aɗ ɠagattagnab ele ahilag dabmenana, ag ib aɗan daan, ag oolag ɠagattag qettan, ag ɠagattag daaglagnu dabmak aon dayeg!

Maika 7:17

Ag uɗa nak doon, ag mat gappud hoɗutte bia hekkulag. Ao, ag doɗ digdig ag oolagppa wanppa oinna, gappud latteb, ag uɗa nak doon, ag amubia hekkulag. Ag eheɗ baɗan, hahaɗna, ag ahilag teɗppanu dimittim uɗiglag. Ag baɗan, ag Yawe, Nug am ihinig Kayak, ag Nug dim lamidkkulagnu nuhigppa gokkulag. Ag ag Juda, ag ahilagnu ele baɗaglag.

Amos 9:3

Israel danab ah ag qauko Karmel igippa tena, da anadpanu appa lokkumna daaglagtai, amge da ag appa mattialatte anatten, aɗualadkkul. Ao, Israel danab ah ag yu ooppa unuqagnab nona, da anadpanu appa lokkumna daaglagtai, amge da haknunab appi, appa yuppan mat nau ag emaladkku.

Jeremaia 51:57

Amu Yawe Nug atte. “Da heppi, Babilonnu ehanittak anuqak danab, doyak dabmak ena ele danab, gawana, ban daup ikki danab, ban daup ele ag danab le ɠagattag huanak lawowa, niie ukke mauhtte, amubia Babilon danab amu ag mauhkkulag.” Yawe Nukka Ɠagattag Oh Ele, Nug king daatte, Nug anam awa atte.

Jeremaia 8:14

Juda ag akka akka ag inam akkulag. ‘Aɗinu ig ippa inam daattem? Ig qagmeta oolta, aab ɠagattag aɗ ele, amuppa gota, toettata daagnig. Ig amu hekkunignu diig am, ig Yawe, ihinig Kayak, ig nuhigppa hipunin hemut amunu, Nug he, ig oɗe qamutak ele, toettak daattem. Nug uud tiig mua nau ele lakkunignu mekkom.

Aisaia 63:6

Da ool nauhehe, da wan atu laihppan huu tabatti neppig. Ao, da oppoɗil beebe, da hei, ag nena qeppig. Da ag tiilag wanppa gokkaɗmi.” Laa uɗiom ele nug anam aum.

Aisaia 29:9

Ag ⌊Juda, ag⌋ dabmak iitta ele oinna, ag dabmak kuɗumnab aotteb! Ag heeg, amelag gaɗue oitteb! Ag kaaka aqe oitteb, amge ag le ɠagattag lappig amunu, ag anam ii hetteb! Ag oinna, nena qena, ahan eɗun nena qetteb, amge ag le ɠagattag lappig amunu, ag anam ii hetteb!

1 Samuel 14:11

Jonatan nug anam a, aa heeh, Pilistia ag anatna, ag akka akka appig. “Antteg! Hibru danab ag wan oɗeppa akka akka lokkumppig eleppa, ag amuppanu aɗeɗe uɗitteb,” aon appig.

1 Samuel 13:6

Ag haen tutu dayaknu aab kalak ahilag anen anen heeg, anam dayeye, Pilistia ag Israel lamadkkulagnu wagai mena daappig amunu, Israel danab ah ag uug naunab ele daappig doon, laa ag wan oɗeppa gona, lokkumna daanna, laa ag gona, ad naunau gamagppa, o men okkai gamagppa lokkumna daanna, laa ag gona, moɗ digdig danab buuppig ele amu, ag aguppa lokkumna daappig.