Biblia Todo Logo
Bib sou entènèt

- Piblisite -




Nahum 3:10 - Nobonob Baibel

10 Aab Tebes am ɠagattag anam dayom, amge kekeɗ ag uɗin, appan ban danab eɗadna, ag appan danab kuɗum aɗualadna, ag diia ukka laih me dayak danab ah daaglagnu wan laappa diin goppig. Aabnu ib oɗatle ohppa kekeɗ ag nid yuɗ aɗualadna, buɗiatteg wanppa noeg, beɗulag oh aoɗna, hupu hupu neppig. Ag anuqak danab dilagppa attem attem hekkulagnu om yaappig. Ao, kekeɗ ag aab amunu danab okkai senppa qakkaladppig.

Gade chapit la Kopi




Nahum 3:10
17 Referans Kwoze  

Aisaia heum, amubia geha Asiria dilag king nug ukka, Isip wanppa, Kus wanppa ele ban haaha ⌊eɗattowa⌋, geha nug danab nid bau, am danab kaino ele wan aɗit amuppan aɗalatteb, nug eppegppa daappeg, nug ag diia, wan laappa ukka maadkku. Haen nug diia appa ukkeb, geha ag qaɗelagppan lamen iitta, baelag gaɗa ele iitta, hamu oiglag. Asiria ag heppeg, danab ah kaino, nid bau oh ele ag anam oinna, ag bitolag ele miag dayebeb oiglag. Beɗulag miag ele anam oinna, geha ag uɗa nak nau dooglag.


Ag Edom, ag Israel ele ag tiilag laippu bia, ag lailkad am ag, amge kekeɗ ag Israel eɗattegeg, ag Edom ag Israel nakok laa ii ehanatteg, kekeɗ, ag aab diig daup iitta amu, ag ban hena, Israel dilag keeke aon goppig. Ao, kekeɗ laihnu amu ag Jerusalem appa aun nug keeke hamu awa, mawa gokku dooglagnu om yaaegeg, ag Edom ag hamuib hippaidna daanna, Israel ehanadkkulagnu uun daappig. Ag Israel dilag kekeɗ laa bia heppig.


Ag amu henana, ag dahilad danab ah ag aunnu laa maɗi nid daaglagnu tituankkulagnu, ag om yaan, ag ib baag ah ele oiglagnu nid danab aon, ib baag ahnu maɗi nid daakkunu ag nid danab amu nug eppegppa mettanna, ag wain daden mena lakkulagnu nid ahin aon, danab wain me, daden metteb ele, nid ahin amu nuhig maɗi nid daakkunu nug eppegppa meppig.


Israel danab ah ag tappe nak hena, da, Kayak, ahilag Kayak, ag da oɗel ii dim lamidppig, ag beɗulagppa aab daatte amunu, ag bu aoglagoitte. Ahilkad kekeɗ dilag ban danab geha ag qep elabppa aqaglag. Ao, kekeɗ ag nid yuɗ, nid naunau ele aɗualadna, buɗiadppeg wanppa noppeg, ag beɗulag oh aoɗeb, huppu huppu nekku. Ge, ag geha qep elabppa ah oolkad ele oppatadppeg mauhkkulag.” Yawe Nug anam atte.


Juda danab ah ag tuqan, aɗi uɗitte anttak danab ag ahilag uɗat digmetteb haenppa ag ahan, Kayak huana unuqitteg! Le gokkaɗa gotte, amubia ag Naɗi noobppa Nug unuqitteg! Ag ahilkad nid naunau enugnu aabnu ib ukkak ohppa nena qena, mauhkkulagnu hetteb ele amu; ag ahilagnu ag eppelag human, Nug unuqitteg!


Danab ah ag hippaidna neekkadna daappeg, ban danab wan laappan ag geha Babilon danab ah bekkalkad yuɗ, aɗelkad yuɗ ele aɗualadna, buɗiadppeg, wanppa noppeg, geha ag beɗulag oh aoɗeb, hupu hupu nekku. Ban danab ag geha danab laulkadppan keeke akkan gona, danab waalkad aɗualadna, ahilagppa eheɗ hekkulag.


Yawe Nug inam atte. “Amon danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag wan tuɗidna aoglagnu ag Gileatnu ah oolkad ele qep elabppa oolkad oppatattegeg nauhppig.


O gadonnab gadon, kekeɗ ag heeg, keeke golppa hak, amemɗi aotte ele, am gemu amemɗi ii aotte. Ge, gemu gol enanag am amemɗi ii aotte. Kekeɗ ag heeg, men daden nob okkainab ele Yawenu tituanak daatteb amu, men amuam ib oɗatle ohppa, appa mauhnoak daatteb.


⌊O Babilon danab ah,⌋ ag huan gayeg! Aɗinu? Yawenu deɗ naɗi miag doum. Deɗ amuppa amu Laa Nukka Ɠagattag Oh Ele Nug geha keeke kuɗum heeb nauhkkulag.


O Babilon danab ah, ag nauhna autna aoglag. Ag eheɗ nau hegappignu, laa nug amunu bu madakku amu, nug gamag ahaɗ!


Elisa nug anam gaye, Hasael nug antta, nug Elisa oɗ mettom. “Danab okkai, na aɗinu gaattem?” oɗ mettom. Oɗ mette amu, Elisa nug nob ma inam aum. “Da gaattemnu diig am, da doottem, geha dimppa na kobol nau kuɗum, Israel danab ah dilagppa hekkut. Na geha Israel dilag aab ɠagattag aɗ ele loppaɗna, manadppe ewebeb, Israel nid bau amu, na qep elabppa aqappe mauhppeppeg, na nid naunau aɗualadna, huana buɗiadppe, wanppa nona mauhadppeppeg, na ah oolkad ele anadna, na qep elabppa oolag oppatadppe mauhadkkulag,” awa aum.


⌊Ag am danab oo doyak nakok laa iitta!⌋ Ib laa bekku dayeb amu, ag nid laa, mameg mauhom ele, ag nug laa dilag maɗi nid daakkunu om yaakppa ag eppelagppa mekkulag. Ge, ib laa bekku dayeb amu, ag, ag lailag aon meppeg, laa uɗia, nuhig maɗi nid daakkunu daden ma, awa gokku.


Genab, laa nug nid yuɗ ahilkad diia buɗialatteb, menppa beɗulkad yaalattebeb nauhkkulag, danab amu nug gamag ahaɗ!


ag wan laala dilag king baelkad eppelkad senppa hippaladkkulagnu ag wan laala dilag ikki danab eppelkad, baelkad qakkalattaknu keeke aenppa hakppa hippaladkkulagnu amu,


Da geha heppi, Isip ag king nau laa, nug laa guittak mettaknu uug laa ii dootte, ag nug eppegppa gona, nug waappa daaglag. Ao, da geha heppi, king nau, nug danab ɠagattagnab, nug ag gumadkku.” Naɗi, Yawe Nukka Ɠagattag Oh Ele, Nug anam aakku atte.


Ag Isip ag Israel ehanadkkulagnu appig, amge iitta. Ag Isip ag am danab nug dudqak hokkat danab oikkunu aha aɗe, hokkat qiia, noob laih ukka, gukka yom bia, ag hokkat amu heum bia heppig. Ao, ag Isip ag am dudqak hokkat danab nug aɗa oikkunu dabmaama aɗa, ehanidkkunu uɗat mette, hokkat qiie, danab gome hiɗe, guittak okkai awom bia, ag Isip ag hokkat amu heum bia heppig.


Swiv nou:

Piblisite


Piblisite