Nahum 3:1 - Nobonob Baibel

¹ Niniwe, Asiria dilag aab okkai, nahipnu am gadonnab gadon. Appa amu ag danab ah huanaknab aqaeg mauhadppig. Appa nai hambuppuak ambak daatte. Appa laa dilag keeke banppan aoppig am ambak daatte. Appa ag hanhan laa eɗadna aqan, ahilkad keeke aoppig.

Nahum 3:1 Referans Kwoze

Habakuk 2:12

Am genab, danab nug danab ah aqaaqa, ahilkad keeke awa, aab okkai laa kalatte amu, nuhignu am gadonnab gadon. Ao, laa nug kobol eheɗppa aab laa kalatte amu, nuhignu gadonnab gadon.

Hosea 4:2

Ag ahilag wanppa nai ɠagattag qetta mattiowa, nai amu ii dim lamittak kobol, hambuppuak kobol, laa qe mauhak kobol, yabhok kobol amu ewau pakkua gappai hak kobol ele ambak daatteb. Ag ɗo waappa iinab daatteb. Ag laa makkuɗona, haen elab iitta, laa ele makkuɗtteb.

Nahum 2:12

⌊Niniwe am laion laa bia dayom.⌋ Laion dawai amu nug nakkud ee madakkunu doɗ laala aqom. Ao, nug laion anig ele ee madakkunu doɗ laa qeum. Nug ee huan teɗppa meum. Ao, nug teɗppa ee elele meum. ⌊Niniwe anam bia heum, amge gemu am anam iitta.⌋

Aisaia 42:24

Aun nug he, laa ag Jakop buɗub eɗadna diin gokkulagnu elele daatteb? Aun he, ban danab ɠagattag ag Israel buɗub eɗadna, ahilkad keeke, ag ele, ag eppelagppa aɗaglagnu elele daatteb? Am Yawe Nug amu iite heum? Ig Israel danab ah, ig Yawe, nuhigppa hipunin hemut. Nug kekeɗ ehanattomnu diig amu, ig Israel ig Nug dim lamidkkunignu uumut. Israel danab ah ag Yawe ippu ii dim lamidppig. Ag nuhig ɗo tappaeg neum.

Aisaia 17:14

Tueb, baɗak eheɗ nau! Ii wagkkaɗebeb, padal mak aakkuib! Kayak Nug heeb, laa ag eheɗ heignana, ihinkad keeke aotteb dilagppa anam bekku. Ao, Kayak Nug heeb, aun aɗi ag iqan, ihinkad keeke aoglagnu hetteb dilagppa anam bekku.

Aisaia 24:9

Ag baula oo gamag ahak doon, wain lanana, ahi ii ettamna. ⌊Uug ahilkad amu heeb,⌋ le ɠagattag, bia ag latteb amu, ag oɗelagppa ubuhi ii doomna. Iitta. Ag ninig dooglag.

Sam 62:10

Na keeke lokkumakppa awaknu duttuna hak kobolppanu, “Da anam hekkulnu elele daattem amunu, amuppa da keeke ena kuɗum aokkulnu elele,” aib ootppa genab doon dabmeme. Ao, na dabmak hambuppuak aib aonna, yabhokppa keeke aokkutnu maittak aonna heme. Na ⌊ib enappa⌋ en kuɗum aokkuttai, amge na keeke amunu, “Anuqak keeke,” aib dabmeme.

Nahum 2:13

⌊Amu bekkunu diig am⌋ Yawe Nukka Ɠagattag Oh Ele Nug inam atte. “Niniwe danab ah, da ahilag hak amunu eheɗ doyeye ool ii madattem. Da heppi, ahilag bannu karis eon, iitta mekkulag. Da heppi, kekeɗ ag nid bau ahilkad qep elabppa aqappeg mauhkkulag. Da heppi, ag baula wanppan laa, laion hetteb bia, guittak ii mattamna. Ag baula wan laappan danab ele ban hena eɗadna, ahilag wan aoglagnu nai awa ukkak danab maadppeg ii gomana.” Yawe Nug anam awa atte.