Nahum 2:13 - Nobonob Baibel

¹³ ⌊Amu bekkunu diig am⌋ Yawe Nukka Ɠagattag Oh Ele Nug inam atte. “Niniwe danab ah, da ahilag hak amunu eheɗ doyeye ool ii madattem. Da heppi, ahilag bannu karis eon, iitta mekkulag. Da heppi, kekeɗ ag nid bau ahilkad qep elabppa aqappeg mauhkkulag. Da heppi, ag baula wanppan laa, laion hetteb bia, guittak ii mattamna. Ag baula wan laappan danab ele ban hena eɗadna, ahilag wan aoglagnu nai awa ukkak danab maadppeg ii gomana.” Yawe Nug anam awa atte.

Nahum 2:13 Referans Kwoze

Nahum 3:5

Amu Yawe Nukka Ɠagattag Oh Ele Nug inam atte. “Niniwe danab ah, da ahilag hak amunu eheɗ doyeye ool ii madattem. Da heppi, ag uɗa nak naunab nau dooglag; laa nug ahnu lamen aɗe te, beɗu miag daye, danab kuɗum neegna antteg, ah nug uɗa eheɗ nette, amubia ag uɗalag nekku. Da heppi, wanppan wan ohnu danab ah ag uɗa nak ahilag anidkkulag. Ao, da heppi, wanppan ɗo maɗoɗnu danab ah ag uɗa nak ahilag miagib anidkkulag.

Jeremaia 21:13

Yawe Nug anam anana, Nug ag amelagppa imu ele atte. ‘Ag Jerusalem daatteb, ag oolnu noak akka daugppa, men kuɗum daattebppa daatteb. Ag atteb. “Auntai nug eheɗ heigkkunu elele? Aun nug padal mak eɗitteb ena dayaknu aben ihinig imu bekkunu elele?” atteb. Ag anam atteb, amge da ahilag hak amunu eheɗ doyeye ool ii madattem.

Sam 46:9

Nug anam heehe, danab ah ag nug qak hekkulagnu elele iitta daatteb amunu, wanppa ban ii daatte. Nug ahilag lat tanig, ban ele qiialatta, guppiɗ ele aab aɗuppa manatte eotteb.

2 King 19:23

Na he, nai awa ukkak danab nahipad ag da, da Naɗi, ag da aon aon naunab iuppig. Na amu hena amu, na inam ame. ‘Da bannu karis kuɗumnab dahilppa da wan oh eɗadmi, danab nug Lebanon qauko okkai okkai igippa ta, ad sida elab elab, laa oh eɗattak, amu ad pain enanag, nug ad amu okkula aotte, da amubia hemi. Da danab nug qauko attannab, laa oh eɗattak, danab laa appa ii oitte bia, appa ad enanagnab daatteb, nug aguppa ta, ad okkula aotte, da amubia hemi.

Nahum 3:1

Niniwe, Asiria dilag aab okkai, nahipnu am gadonnab gadon. Appa amu ag danab ah huanaknab aqaeg mauhadppig. Appa nai hambuppuak ambak daatte. Appa laa dilag keeke banppan aoppig am ambak daatte. Appa ag hanhan laa eɗadna aqan, ahilkad keeke aoppig.

Esekiel 5:8

Anam amunu, Naɗi Yawe, Nug inam ele atte. “Ag anam heegeg, da, da ahilag hak amunu eheɗ doyeye ool ii madattem amunu, da wan laihnu danab ag, ag neekkadna daappeg, da bu madakkul.

2 King 19:9

Amu Isip dilag king onig Tiraka, nug Kus danab, nug Asiria ele ban hekkulagnu dabma uɗieye, Asiria dilag king Senakerip nug amu doyom. Nug amu doyom amunu, nug baula nai laa Hesekaia dookkunu, nug nuhig maɗi oiyak danab laala Hesekaia toppa gona, nai amu mettaglagnu maatte goppig. Nai ag Hesekaia mettaglag, nai amuam inam.

Josua 11:9

Ag oh aqan malona amu, Josua nug hos, ⌊ag baula banppa oiyaknu elele iitta daaglagnu,⌋ nug ag baelkad bittub diɗilkad otaɗatta, nug kekeɗ dilag bannu karis oh manatte ewadppig. Yawe Nug anam aakku hekkunu a amu, nug anam aakku heum.

Nahum 3:12

Aab aɗ ɠagattagnab ele ahilkad oh am ad fig meu tatamnu lep meum bia daatteb; danab nug ad amu aɗa uɗaleb, meu paha na qa, danab lakkunu hette nug oɗeppanab gotte.

Esekiel 39:1

Amu Yawe Nug anam awowa, Nug nai tuɗitta aum. “Danab bekka, na Gog amegppa uug nuhigppa beeb anidkkunu propet nai inam appe doyeg! ‘Naɗi Yawe Nug inam atte. O Gog, na Mesek, Tubal ele dilag gumattak okkai daattem amu, da nahip hak amunu eheɗ doyeye ool ii medattem.

Esekiel 38:3

na, ‘Naɗi Yawe Nug inam atte,’ awona, na nai imu ele appe doyaɗ! ‘O Gog, na Mesek, Tubal ele dilag gumattak okkai daattem amu, da nahip hak amunu eheɗ doyeye ool ii medattem.

Esekiel 35:3

‘Naɗi Yawe Nug inam atte,’ awona, na nai imu ele appe doyeg! ‘Qauko Seirnu danab ah, da ahilag hak amunu eheɗ doyeye ool ii madattem amunu, da eppel bahie, eheɗ hadappi, ahilag wan am hele-ettak, wan meu waknu nakokib elele, am anam daakku.

Esekiel 29:10

da nahip hak amunu eheɗ doyeye ool ii medattem; le Nilnu le nagppanu ele anam bia doottem amunu, da heppi, Isip wan Mikdol, appa digma ukka Aswan ta ukka, Kus wannu tom batak amu, wan amu oh am hele-ettak, wan meu waknu nakokib elele, am anam daakku.

Esekiel 29:3

na nug amegppa, ‘Naɗi Yawe, Nug inam atte,’ awona, na nai imu ele appe doyaɗ! ‘Paro, Isip dilag king, da nahip hak amunu eheɗ doyeye ool ii medattem. Na wagai naɗi Nil lenu lenagppa daatte bia daattem. Na, “Nil Le am dahil, da le dahil daakkunu bappaidmi,” aon attem.

Esekiel 28:22

anana, ‘Naɗi Yawe Nug inam atte,’ awona, nai imu ele appe doyeg! ‘O Saidon danab ah, da ahilag hak amunu eheɗ doyeye ool ii madattem. Da dahil uɗat ag oolagppa heppi, laa anidna, ag da am binag amahlak oppiaawak ele daattem, ag amu dooglag. Da Saidon danab ah bu matten, da ag oolagppa oppiaawak ele daattem ippunadppi, ag dooglag, da am Yawe.

Esekiel 26:3

Tair danab ah ag anam appig, diig amunu Naɗi Yawe Nug inam atte. ‘O Tair danab ah, ahilag hak amunu da eheɗ doyeye ool ii madattem. Amu da heppi, wanppan wan kuɗum dilag huu ag uɗippeg, ag ele ban hekkulag. Yuppa duban tuɗid ele uɗitte, amubia kekeɗ ahilagppa uɗiglag.

Jeremaia 51:25

Amu Yawe Nug atte. “O Babilon, ag am qauko eotte ele wan atu oh he nauhtte bia daatteb. Ag heeg, wan atu oh nauhakib daatteb, amge da ahilag hak amunu eheɗ doyeye ool ii madattem. Danab layag ehale, baippa buɗibɗib noa nauhtte, amubia da dahil ɠagattagppa heppi, ag nauhkkulag, Da heppi, qauko eotte ele oug ma, nauhak daatte, ag amubia daaglag.

Jeremaia 50:31

Yawe, Nug Yawe Nukka Ɠagattag Oh Ele, Nug atte. “Babilon, ag am beɗuppa tak danab, amge da ahilag hak amunu eheɗ doyeye ool ii madattem. Aɗinu? Ahilag bu awak haen aakku uɗiom daatte.

2 Stori 32:19

Asiria dilag daup dilag okkai amu ag Kayak, Nug laug Jerusalem appa dayom amu, ag nuhignu hamu bia doon, anam madippig. Ag kayak hambuppuak, danab ag eppelagppa hadatteb bia, ag Kayak, nuhignu anam doon, ag anam hambuppun, eheɗ madippig.

2 King 18:19

Haen danab ewam amu gona, Asiria gumadna teeg, Asiria dilag ban daup ikki banppa o ban guguittakppa daatte, nug ag amelagppa aum. “Ag Hesekaia amegppa inam aig! ‘Nai imuam king okkai okkai, Asiria dilag king, nuhig nai. Nug nahipnu inam atte. “Na ootppa ɠagattag qak doottem, amge na diig attemun dabmak amu aottem?

2 King 18:17

Hesekaia anam heum, Asiria dilag king Senakerip nug silwa, gol ele amu awom, amge nug ⌊Juda uuatta ii ukka, nug⌋ he, nuhig ban daup ikki anuqaknab, nuhig ban daup ikki anuqak, nuhig ban daup ikki banppa o ban guguittakppa daatte, aria ban daup ameg naɗi ele ag Lakisnu ahan, King Hesekaia gumidna, Jerusalem goppig. Ag gona, Jerusalem gukkuidna tena daappig. Ag tena daappigppa am le ippu laa dayom. Le am, le ameg nakok attannu, le ippu amuppa noa, aab ooppa ukkom. Appa laa ag lamen hekkulagnu henana, lamen tatam ihona heppig amu, ag appa ihappig.

Josua 11:6

Ag anam heeg, aakku Yawe Nug Josua amegppa aum. “Na aib ahilagnu baɗame. Aɗinu? Butti, haen inamppa, ag ohnab mauhak daaglag. Ge, da heppi, ag Israel ag ag oh aqadkkulag. Na nug qak amu eɗittona amu, na ahilkad hos ⌊ag banppa baula oiyak elele iitta daaglagnu,⌋ na ag baelkad bittub diɗilkad otaɗadna, kekeɗ dilag bannu karis oh manadppe eweg!” awa aum.

Jeremaia 46:14

“Jeremaia na nai imu Isip wanppa appa mehuqppe doyeg! Appa na Mikdol, Mempis, Tapanes ele Isip danab ah ag dooglagnu appe doyeg! ‘O Isip danab ah ban wan atu ag talilidna daatteb ele amuppa daatte. Appan danab ah qep elabppa mauhtteb amunu, ag Isip dilag daup ag ahan, ag ban hekkulagnu, abenppa gona daan, ag babaitteg!

Esekiel 13:8

Anam amunu, Naɗi Yawe, Nug inam atte. “Ag propet hambuppuak, ag nai hambuppuak maditteb, ag tulegleg hambuppuakppanu atteb amunu, da ahilag hak amunu eheɗ doyeye ool ii madattem.

Esekiel 21:3

na inam appe doyeg! ‘Da Yawe, da inam attem. Da ahilag hak amunu eheɗ doyeye ool ii madattem. Ag Israel amu, ahilag kekeɗ am qep elab dahil bia, amu da qep elab dahil nuhig gaɗappanu eeɗe awen, amuppa genab tutukku hak danab, nau hak danab ele aqappi mauhkkulag.

Nahum 2:12

⌊Niniwe am laion laa bia dayom.⌋ Laion dawai amu nug nakkud ee madakkunu doɗ laala aqom. Ao, nug laion anig ele ee madakkunu doɗ laa qeum. Nug ee huan teɗppa meum. Ao, nug teɗppa ee elele meum. ⌊Niniwe anam bia heum, amge gemu am anam iitta.⌋

Nahum 3:15

⌊Ag amu hekkulag, amge amuppa ag ehanittak laa ii aomna.⌋ Aab ewakppa ag nauhkkulag. Ao, kekeɗ ag qep elabppa aqadppeg mauhkkulag. Ge, wit keeke tap-lokus heeg nauha, iitta mette, ag amubia daaglag. Ag Niniwe, ag tap-lokus bia huanaknab appatna daaglagtai; amge ag diig amunu ena ii daamna. Ag nauhkkulag.