Nahum 2:12 - Nobonob Baibel

¹² ⌊Niniwe am laion laa bia dayom.⌋ Laion dawai amu nug nakkud ee madakkunu doɗ laala aqom. Ao, nug laion anig ele ee madakkunu doɗ laa qeum. Nug ee huan teɗppa meum. Ao, nug teɗppa ee elele meum. ⌊Niniwe anam bia heum, amge gemu am anam iitta.⌋

Nahum 2:12 Referans Kwoze

Jeremaia 51:34

⌊Juda danab ah ag akkulag.⌋ “Amu ig Juda amu, Babilon dilag king Nebukatnesar nug doɗ layag qe mauhe latte, nug ihinignu anambia heum. Ig nug eppegppa daattem. Nug he, ig kaaka daattem. Nug he, ig hinai, ooppa keeke ii inak, ig amubia daattem. Makkai okkai laa doɗ toppua gotte, amubia Nebukatnesar awikke, ig nug eppegppa daattem. Nug makkai doɗ beɗu enanag latte, nug amubia ig Juda, ihinig keeke enanag awe, nug eppegppa daatte. Nebukatnesar nug he, ig ig wanenigppa ii daattem.

Sam 17:12

Ag am laion laa enug qak doya, doɗ laa qa lakkunu daatte amu, ag amubia daatteb. Yo, ag am laion bau laa lokkuma dayaya, doɗ laa qa lakkunu ameg ma daatte bia daatteb.

Namba 23:24

Danab ah ag laion anig laa ahe anidna baɗatteb amu, Israel danab ah, ag am laion amu laa bia. Yo, danab ah ag laion laa niiom ahe anidna baɗatteb amu, Israel danab ah ag am laion amubia. Laion ag doɗ laa qena lawona, ag hik aotteb. Genab, laion ag doɗ laa qena lawona, ag toettan daatteb amu, Israel ag anam daatteb.” Balam nug anam awa aum.

2 Samuel 17:8

Na doottem. Na mamen, amu nuhikkud daup danab ele ag am ban haknu doyak danab. Ag bea anig, laa nug bea amu nakkud diie, bea anig amu paha ban huana hette, ag ban anam bia hetteb. Keeke laa ele amu, na mamen nug haen kuɗum banppa dayom, nug ban haknu kobol oh doya malom. Nug heeb, gemu tuqan imu nuhig daup danab oh ag ele ii niimna.

Nahum 2:11

Laion ag nalkad teɗppa ee mattaeg latteb. Laion dawai, laion anig ele aa teɗppa ukkaeheh, nalti am baɗak laa iitta ele appa daatteb. Anukka Niniwe anam bia daye, appan danab ah ag baɗak iitta daappig, amge gemu am attemun? Gemu anambia iittanab iitta.

Nahum 2:13

⌊Amu bekkunu diig am⌋ Yawe Nukka Ɠagattag Oh Ele Nug inam atte. “Niniwe danab ah, da ahilag hak amunu eheɗ doyeye ool ii madattem. Da heppi, ahilag bannu karis eon, iitta mekkulag. Da heppi, kekeɗ ag nid bau ahilkad qep elabppa aqappeg mauhkkulag. Da heppi, ag baula wanppan laa, laion hetteb bia, guittak ii mattamna. Ag baula wan laappan danab ele ban hena eɗadna, ahilag wan aoglagnu nai awa ukkak danab maadppeg ii gomana.” Yawe Nug anam awa atte.