Nahum 2:10 - Nobonob Baibel

¹⁰ Kekeɗ ag Niniwenu keeke oh aakku ban hena aoglag. Ag aon gokkulag. Ag anam hebeppeg, Niniwe danab ah ag beɗulag gai-iitta mekku. Oolagppa am ag ɠagattag laa ii doomna. Ag hahaɗppeppeg, ag iɗulag am hakkab ebakku.

Nahum 2:10 Referans Kwoze

Sam 22:14

Am danab laa nug le gokkaɗe ukkom bia, da mauhkkulnu male daattem. Da ebehilad oh am autak daatteb. Da oolppa ɠagattag iittanab. Ao, uppuh teɗ gakkaɗakppa le mette bia, da ool ɠagattag iitta daatte.

Joel 2:6

Am danab wanppan wan ohppa daatteb ele, ag tap-lokus amu anidna, ag eheɗ baɗaeg, beɗulag hahaɗtte; iɗulag ele hakkab ebatte.

Daniel 5:6

King nug amu antta, nug eheɗ baɗe, iɗu hakkab eppe, baeg eheɗ hahaɗe, gateg laih ona laih qeeqe, gateg laih uɗia, laih qeeqe, baeg laih laih oh gai-iitta meum.

Jeremaia 30:6

Oɗ mattan doye! Danab nug ah nid menutte bia nid menukkunu elelete? Iitta amunu, aɗinu da danab ɠagattag ohnab anen anen ag ah nid aokkun oo eppegppa lamuhitte bia, ag oolag lamuhieg anadttem? Aɗinu da danab ɠagattag iɗulag oh hakkab eppom anidttem.

Aisaia 24:1

Yawe Nug genab geha wan atu oh heeb nauhakib daakku. Nug geha wan tappa oɗoɗa, eɗua eɗua ma heeb, wan am geha eɗua, iɗu laanab daakku. Nug geha heeb, danab ah ag oolna, matatun gokkulag.

Aisaia 21:3

Yawe keeke amu ippuniɗaɗa, nuhig nai amu a doomi amunu, da beɗulppa guittak okkai doottem. Ao, da ah nid aoglagnu guittak dootteb bia guittak doottem. Da nai doomi am he, da nein qekkulnu hettem. Ao, keeke da anidmi am he, da dabmak huanaknab aottem.

Sepanaia 3:6

Amu Yawe Nug atte. “Da wanppan wan kuɗum hei, nauhna autna aoppig daatteb. Ao, da hei, ahilag ban haknu aben ɠagattag ele nauhppig. Da hei, ahilag aab okkainu ib amu, danab ah laa ag appa ii oitteb. Ao, da hei, appa auntai laa ii noa gotte. Ahilkad aab am nauhak daatteb. Danab o ah laa appa bau ii daatte.

Nahum 3:7

Uug naunab amu ag Niniwe, ahilagppa beeb, danab ah laa oh ag, ag guguittak dayaknu uun, oolna anen anen gona akkulag. ‘Niniwe nauhom daatte. Auntai laa Niniwe dilagnu mahikku? Da auntai laa ag oo mak madakkunu anidkkul?’ aon akkulag,” awa atte.

Jeremaia 51:62

Na ebqewona, na unuqidna inam a! ‘O Yawe, na aben imu heppe nauhkku amunu, danab o doɗ laa ippa ii daamanu ame. Na aben imu hanhan danab, doɗ ele iitta, hele-ettak daakkunu ame,’ unuqidnana akkut.

Aisaia 14:23

Da geha heppi, Babilon am geha ɗu beeb, hipunai ag Babilon daaglag. Da geha heppi, Babilon oh padal ma, iitta mekku.” Yawe Nukka Ɠagattag Oh Ele, Nug anam atte.

Josua 2:11

Haen ig ag king aɗit, ahilti danab ah ele dilagppa heppig doomut amu, ag Israel, ahilagnu amu, ig baɗak okkai doota, ooppa ɠagattag doyak ihinig iitta meum. Aɗinu? Yawe, ahilag Kayak, Nug hab aabppa Kayak daatte, ippa wanppa ele Kayak daatte.

Genesis 1:2

amu wan nug iɗu iitta dayeye, appa keeke laa ele ii daye, gatatu, le eleib tona dayeye, Kayak Ouɗi Nug ⌊wan heeb, keeke bau daatte ele wanppa daaglagnu elele daakkunu⌋ boppala dayom.

Josua 7:5

Ai danab ag Israel lamadnana, ag aabnu aɗ odppanu ukka, lag keeke, haknu men awaknu abenppa batak, ag lamadnana gona, ag Israel danab 36 aqaeg mauhppig. Ai danab ag anam heeg, Israel ag oolagppa ɠagattag doyak ahilag iitta meum.

Jeremaia 8:21

Da ele tiinig laippu ag aakku guittak naɗi okkai aon malappig amunu, da oolppa ele guittak okkai naɗi doottem. Da mahiak okkai hettem. Da antten, ameg iɗuak doottem.

Jeremaia 49:23

Damaskus danab ah dilagnu amu, Yawe Nug inam atte. “Danab ah Hamat, Arpat ele daatteb, ag oo uug nau qak dooglag. Aɗinu? Ag nai uug ele aakku dooglag. Ag nai amu doon, ag dabmak kuɗum aon, gai-iitta daaglag. Ag oolag maɗoɗ ele ii daama. Iitta. Ag oolag am yu nug hanhan noa gotte, eɗua bette, ag oolagppa anambia dooglag.

Esekiel 21:7

Na anam mahin gaappe, Israel laa ag ‘Aɗinu na anam hettem?’ oɗ medappeg, na inam appe doyeg! ‘Kayak Nug kobol laa uug naunab ele bekkun daatte am da amelppa aum amunu, da inam hettem. Kobol laa beeb, danab ohnab ag dabmak ɠagattag iitta ele daappeg, ag eppelkad ele gai-iitta mekkulag. Ag oolagppa ɠagattag dayaknu dabmak laa iinab dayeb, ag gatelkad am eɗun, le bia daaglag. Kobol amuam genabnab genab bekku.’ ” Naɗi Yawe Nug anam atte.

Esekiel 31:15

Amu Naɗi Yawe Nug inam atte. “Deɗ da hei, danab mauha moɗppa notte bia, ad amu na qa, moɗppa niiom amu, deɗ amuppa da hei, le qeppuɗin betteb ag danab daaloblob ag mahilob. Da hei, le naunau, le okkai ele ad amu talilidna goppig ele amu, ag baula amuppa ii goppig. Ad na qeum amunu da hei, Lebanon wan ohppa gatatuib dayeye, ad laa oh bunaɗppig.