Nahum 1:12 - Nobonob Baibel

¹² Amge Yawe Nug inam atte. “Laa kuɗum ag Niniwe ehanadkkulagnu nai qakkan malappig. Ao, ag ahilkad daup am huanak, amge da heppi, ag nena qena, nauhkkulag. O Juda danab ah, da hei, ag uug maotteb, amge da baula uug ii madapa.

Nahum 1:12 Referans Kwoze

Joel 2:19

Yawe Nug anam dookku amunu, Nug nuhikkud danab ah amelagppa inam akku. “Da heppi, ee, wain bau, olip goɗen ele elelenab daappeg, ag ee elelenab lakkulag. Haen laala da hei, danab ah wanppan wan laalappanu ag, ag Israel ahilagnu, ‘Keeke hamunab,’ dooppig amu, da baula anam ii hepa; iitta.

Revelesen 7:16

Anam amunu, ag geha baula enug ii aqama, le ele baalag ii diima. Aamnu gakkaɗak, aria gakkaɗak nau laala ele ii aqama.

Nahum 1:15

O Juda danab ah, ag qaukoppa neekkeg! Appanu laa nai ena awa uɗitte. Nug ahilag wanppa maɗoɗ daaglagnu nai awa uɗitte. O Juda danab ah, ag ahilag qagmak gamag ahak ele haenppa, ag gamag ahak ele daan, ag Yawe amegppa aɗi keeke genab hekkulagnu nai anan qagappig amu, ag anam heig! Aɗinu? Nau hak danab ag baula ahilag wanppa ban hekkulagnu ii temana. Iitta. Da heppi, nau hak danab ag nauhna autna aona, padal mekkulag.

Daniel 11:10

Nug eɗua ukkeb, dimppa nug bekkod ag ahan, ag daup huanaknab qagmaadna, ag ahan, le ui wa ukka, laa heeb iitta mekkunu elele iitta bia gona, ag wan yau uɗitteppanu daatte dilag aab aɗ ɠagattagnab daatte batak gona tekkulag.

Aisaia 51:22

Naɗi Yawe, ahilag Kayak, Nug hettoɗiakppa ahilag ehanittak daatte amu, Nug atte. “Antteg! Da kap laa, wain kap amuppa daatte, wain amu he, danab nauhtte ele amu, da kap amu ag eppelagppanu eɗue aomi. Ag eheɗ heeg, da oppoɗil be, bu mattami, amu bu mattak amuam wain nau kap-ppa daatte bia, amge ag baula wain amu ii lamana. Am malak.

Aisaia 37:36

Yawe Nug anam aum dimppa nuhig engel nug aha ukka he, Asiria dilag daup daappig ele, ag oolagppanu danab 185,000 ag mauhppig. Ag mauheg, wagɗe buttua laa ahan, danab gaɗalag amu huanaknab niiegeg anadppig.

Aisaia 31:8

Amu Yawe Nug atte. “Asiria ag mauhkkulag, amge ag danab dilag qep-ppa ii mauhma. Ao, qep laa heeb, Asiria ag mauhkkulag, amge qep amuam danabnu qep iitta. Ahilkad nid danab ag oolkkulag, amge ag uug ii qe-eɗidmana. Ao, laa ag ag aɗualadna maadppeg, daden madna, diin gona heppeg, ag danab ɗo waappa kingnu uɗat haknuib daaglag.

Aisaia 30:19

Amu danab ah ag Sion daaglag. Ge, ag Jerusalem appa daaglag. Amu ag ⌊Sion danab ah, ag Sion daatteb amu, ag appa⌋ daanna, ag baula ii gaamna. Ag Yawe unuqidppeg, Nug ahilag unuqittak amu doya, Nug oo bodoette enanag maɗoɗ ele hak kobol dim lamitta, ehanadkku. Nug unuqittak ahilag doya, pahanab, haen amuppanab Nug nob ena madakku.

Aisaia 17:14

Tueb, baɗak eheɗ nau! Ii wagkkaɗebeb, padal mak aakkuib! Kayak Nug heeb, laa ag eheɗ heignana, ihinkad keeke aotteb dilagppa anam bekku. Ao, Kayak Nug heeb, aun aɗi ag iqan, ihinkad keeke aoglagnu hetteb dilagppa anam bekku.

Aisaia 7:20

Am haen amuppa Naɗi Nug geha Asiria dilag king, ⌊ag nug ehanatteb, padal ii memananu dabmena, ɗo naɗi nug medappig,⌋ Nug nug le Yupretis heqo laihppanu awa heeb, nug geha Naɗinu resa bia dayaya, Juda beɗulkad uɗig hoikku. Nug ikkilag uɗug hoya, akkaɗilag hoya, baelag uɗig ele oh hoikku.

2 King 19:37

Nug appa dayaya, deɗ laa nuhig kayak hambuppuak onig Nisrok, nug nuhig mettid lag appa, nug noobppa dup noa binag meeme, nug bekoɗ aɗit, Adramalek, Sareser ele, aa qep elabppa aa mamelah qeeh mauhom. Mauhe, bekoɗ aa oolya, wan laa onig Ararat, aa appa goya daapiɗ. Aa appa daapiɗ amu, Senakerip bekka laa onig Esarhadon, nug mameg abenab awa, Asiria dilag king ba dayom.

2 King 19:35

Yawe Nug anam aum dimppa, nuhig engel nug aha ukka he, Asiria dilag daup daappig ele, ag oolagppanu danab 185,000, ag mauhppig. Ag mauheg, wagɗe buttua laa ahan, danab gaɗalag amu huanaknab niiegeg anadppig.

Eksodas 12:12

Tuqan amuppa amu, da geha Isip wanppa oiyeye, Isip danab ah dilag nid ⌊danab⌋ tatamnu oh, amu doɗ nalkad ⌊dawai⌋ tatamnu oh ele aqakkul. Amuppa amu, da kayak hambuppuak oh Isip dilag amu, da ag bu okkai madakkul. Da am Yawe.

Aisaia 10:16

⌊Keeke danab eppegppa daatte ele, keeke amu aha, danab aɗatte aben ii aotte, amge Asiria dilag king nug anam hekkunu hette⌋ amunu, Naɗi, Nug Yawe Nukka Ɠagattag Oh Ele, Nug heeb, oɗe nau nuhikkud daup ɠagattag aqeb, ag beɗulag aakku nauhkku. King amu nug ɠagattagnab, amge aab ewewe, ⌊ad keeke iitta mette,⌋ amubia Yawe Nug heeb, nuhig ɠagattag iitta mekku.