Matyu 9:23 - Nobonob Baibel

²³ Ena daye amu, haen Jesus Nug ukka, ikki danab laug ooppa noa, Nug laa dumuttum iwalppig, danab ah kuɗum laa mahittak kobol heegeg ele anattom.

Matyu 9:23 Referans Kwoze

2 Stori 35:25

Josaia nug anam mauhe, propet Jeremaia nug ahi oo doyak ele laala danab ah ag ahi ettan, Josaia dabmekkulagnu yaalattom. Nug ahi amu anam yaalatte, gemu, ⌊nai imu yaak haenppa⌋ ele, danab ah ag ahi edatteb ele ag danab ah Josaia dabmekkulagnu ahi amu ettaladtteb. Israel wanppa ag hanhan mauhak haenppa ahi amu edatteb. Ahi amuam buk laa, danab mauhtteb haenppa danab ah ahi amu edatteb ele amu, ahi amuam buk amuppa yaalattak daatteb.

Aposel 9:39

Aria Pita nug ahe, danab amu ele oh goppig. Haen nug ukka te, ag nug omaleg lag oo attan amuppa te amu, ah qab appanu ag oh uɗin, Pita talilidna daanna, gaanna ag lamen digdig Dorkas ii mauhom haenppa ha mattom amu ippunidppig.

Luk 7:32

Ag am nid naunau ee oɗiak abenppa daanna, ameg laa amu ameg laa amelagppa enana, ‘Ig ahilagnu dumuttum iwalmut, amge ag ahi ii edappig. Ig ahi oo doyak ele ettamut, amge ag ii gaappig,’ atteb amubia hetteb.

Matyu 11:17

‘Ig ahilagnu dumuttum iwalmut, amge ag ahi ii edappig. Ig ahi oo doyak ele ettamut, amge ag ii gaappig,’ atteb amubia hetteb.

Jeremaia 16:6

Danab onig ele, danab onig iitta ele Juda wan ohppa mauhkkulag. Laa ag danab ah mauhkkulag ii boumadmana, Ag mauhak dilagnu ii mahina, oo doyak kobol laala ele amu dilagnu ii hemana.

Esekiel 24:17

Nug mauheb amu, na nuhignu qinonob baatppaib aiqakkak he! Nuhignu aib mahime. Na igippan lamen aib uɗame, baeg gaɗa ele aib uɗame. Na laa ag laa mauhomnu mahiak hekkulagnu iɗulag laih akkabɗulag ukka amelag batak haut-tteb amu, na amubia aib heme. Danab ag laa mauhomnu ee latteb amu, na ee amu aib lame,” awa aum.

Aposel 20:10

Pol nug noa, nid bau amu guguitta ona, gomela nid oɗakkia, nug aum. “Ag aib baɗappig, nid imu bau daatte,” awa aum.

Revelesen 18:22

Babilon, nahip-ppa danab ag heegeg, harpnu oqotti, ahiettaknu oqotti, dumuttum iwalaknu oqotti, trampet iwalaknu oqotti ele amu baula nahip-ppa ii daama. Nahip-ppa amu, danab nug aɗi uɗat laa haknu doyak okkai ele laa ii daama, amu laa nug ee aeg ganuaɗaknu mennu oqotti ele baula nahip-ppa ii dooma.