Matyu 9:2 - Nobonob Baibel

² Ukka, appa dayeye, danab laala ag lailag oɗe ele, nug baeg eppeg mauhak ele, ag nug qaɗaqaɗppa maon, Jesus toppa uɗippig. Uɗieg, Jesus Nug ooppa genab doyak ahilag antta, Nug oɗe danab amegppa aum. “O nan, na ootppa ɠagattag doye! Nahip hipunin oh amu da uhuqe medattem,” awa aum.

Matyu 9:2 Referans Kwoze

Matyu 9:22

Lauɗitte amu, Jesus Nug eɗua neekka antta, amegppa aum. “O aɗel, na ootppa ɠagattag doye! Na ootppa genab doome amunu, na ena daattem,” awa aum. Awa a, haen amuppaib ah nug ena dayom.

Jems 2:18

Anam, amge danab laa nug, “Na amu ootppa genab doottem, da amu da kobol ena hettem,” awa akkutai. Amge anam iitta. Na ooppa genab doyakppanu uɗat ii hekkut dayeb, na attem hena, nahip ooppa genab doyak ippuniɗkkut? Da amu, da dahil ooppa genab doyakppanu uɗat, da amuppa dahil ooppa genab doyak na ippunidkkul.

Aposel 19:12

Danab ag takkaknu lamen laala, amu lamen qatti laala ele akkan uɗin, Pol beɗu amuppa lauɗittona, dimppa ag amu aon oɗe danab gumadna gona, beɗulagppa maatteg, danab oɗe ele ena daappig. Ouɗi nau ele amu uuadna goppig.

Jon 21:5

Am Jesus Nug ag oɗ mattom. “O nid, ag kakai laa aoppigte?” awa aum. Anam a amu ag, “Iitta,” aon appig.

Matyu 8:10

Awa a amu, Jesus Nug amu doya, Nug ottaia dabmak kuɗum awawa, Nug danab ah Nug dim lamidppig, ag amelagppa inam aum. “Da genab ag amelagppa attem. Da Israel danab oolagppa, ooppa genab doyak imubia amu, da laa ii anidmi

Matyu 4:24

Bappalattette, ag Jesusnu Siria wan ohppa mattieg, danab ah oɗe digdig ele diin uɗippig. Laala ag beɗulagppa guittak okkai dooppig, amu aria, laala ag beɗu mauhak ele, amu laala ag ebehilag mauhak ele. Anam amu, Nug amu oh bappalattom. Aria, laala ag ouɗi nau ele amu, Nug ouɗi nau amu lamattom.

Rom 5:11

Amuib iitta, ihinig Naɗi Jesus Kristus Nug he, ig Kayak ele oonig laippu ele daattem amunu, uɗat nuhig amuppa gemu ig Kayaknu maɗoɗppan gamag ahak doottem.

Aposel 14:9

Nug Pol nai mattie doyeye, Pol nug tutukku danab amu neekkitta, nug nuhig ooppa genab doyakppa eɗua ena daakkunu elele anttom

Jon 16:33

Da nai imu ag dahilppa maɗoɗ aon daaglagnu elele daaglagnu amelagppa ami. Wan imuppa amu ag uug anidkkulag, amge ag uug aib aqom! Aɗinu? Da wan imuppanu ɠagattag eɗidmi,” awa aum.

Matyu 9:6

amunu, ag Danab Bekkalag da, da wan imuppa hipunin uhuqen madakkulnu ɠagattag ele, ag amu dooglagnu amu, da heppi aha gokku,” awa aum. Jesus Nug anam ana, Nug eɗua oɗe danab amegppa aum. “Na ahan, qaɗaqaɗ nahip aon, lakka ukke!” awa aum.

Matyu 8:16

Aria, aam no, uudoowo, danab ag ahan, danab kuɗum ouɗi nau ele omaladna, Jesus toppa goppig. Ukkaeg, Jesus Nug laa ouɗi nau ele amu, Nug oɗeppaib anakppa, ouɗi nau lamattatta, oɗe danab oh ele amu bappalattom.

Aisaia 44:22

Ag hipunin heppig, amge da hei, ulah lombig ye ukka ii daatte, amubia da ahilag hipunin oppii ii daatteb. Ao, ag hipunin heppig, amge aam he, buttuanu buttuɗai iitta mette, amubia da uhuqen mattai, hipunin ahilag ii daatteb. Da ag hipuninnu qagaiettakppanu eɗua uhuqak hein mattami amunu, ag dahilppa eɗun uɗieg!” Yawe Nug anam atte.

Jon 2:25

Nug danab dilag dabmak, diilag ele oh doyatta malom amunu, Nug danab laippu laa nug danab dilag dabmaknu, diilagnu ele Nug amegppa akkunu duttunak laa ii doyom. Iitta!

Mak 5:34

Nug anam a amu Jesus Nug aum. “O aɗel, na ootppa genab doome amunu, oɗe nahip iitta meum. Na maɗoɗ ele ukke! Na oɗe amunu guittak baula ii doomna,” awa aum.

Mak 1:32

Aria, tueb amu aam no, appan danab ag ahan, oɗe danab oh, amu danab ouɗi nau ele oh omaladna, Jesus toppa goppig.

Eklisiastis 9:7

Am gemu amu, Kayak Nug na gamag ahak doon, ee, wain ele nahip lakkutnu oo hette amunu, na gona, oo gamag ahak ele nahip ee, wain ele la!

Matyu 6:12

Laa hipunin megappig, ig uhuqta mattamut, amubia na hipunin ihinig uhuqna megakkutnu na unuqidttem.

Matyu 9:5

Aɗi nai am anaknu uug iitta? Hipunin uhuqa mettaknu nai, amute am uug iitta, o, iitta, aha tappa ukkaknu nai, amutai am uug iitta. ⌊Amu oh iitta. Danabib am aɗit oh hekkunu elele iitta⌋

Matyu 14:27

Huanak eppig, amge Jesus Nug pahanab amelagppa aum. “Ag ɠagattag dayeg! Ag aib baɗappig. Imu daib,” awa aum.

Mak 6:50

Ag oh anidna, eheɗ nau baɗappig amunu, ag eeg, Jesus Nug paha ag amelagppa aum. “Ag ɠagattag dayeg! Imu daib, aib baɗappig,” awa aum.

Mak 10:49

Nug anam eewo, Jesus Nug doya amu Nug baeg ya, hibaitta dayaya, danab ah amelagppa aum. “Ag onigppa eppeg doaɗ!” awa aum. Nug anam a amu ag danab ameg gaɗuak ele amegppa appig. “Na oot gamag ahaɗ! Na Nug gumidna gokkutnu aum amunu na ahan wa!” aon appig.

Aposel 23:11

Ag anam heeg, deɗ amu tuqan amuppa Naɗi Nug Pol guguitta hibaitta dayaya nug aum. “Na hippaidna ɠagattag daye! Na aib baɗame! Na dahil nai Jerusalem mehuqme, amubia na dahil nai Rom appa mehuqkkut.” Naɗi Nug anam awa aum.