Matyu 9:18 - Nobonob Baibel

¹⁸ Jesus Nug anam nai mattieye, ikki danab laa Jesus gumitta uɗia, Nug noobppa gateg qaun o aum. “Nid ahin dahil nug geha iikku mauhom, amge na gona, eppenppa aɗappe, nug eɗua bau daakku,” awa aum.

Matyu 9:18 Referans Kwoze

Matyu 8:2

Dim lamittegeg, danab laa nug gaɗa oɗe nau ele, nug Jesus noobppa ukka, gateg qaun o, Jesus amegppa aum. “Naɗi, na oot heeb, na heppe, oɗe dahil iitta mekkunu amu, na elele daattem,” awa aum.

Luk 13:14

Amge Juda dilag nai doyak lagnu ikki danab nug Jesus Sabat deɗppa Nug ah amu he ena dayom, nug amunu oo nauhe, nug danab ah amelagppa aum. “Deɗ eblaih laippu ele am uɗat haknu daatteb amunu, ag danab nug oɗe ahilag heeb ena daaglagnu dayeb, aria ag uɗat deɗppaib uɗina, ehanittak amu aoglag. Amge Sabat deɗppa amunu aib uɗippig,” awa aum.

Jon 11:32

Maria nug ukka, Jesus aben amuppaib dayeye anttom. Antta, nug guguitta wana, Jesus baegppa gateg qaun o, gomela, nug amegppa aum. “Naɗi, na ippa daalom amu Lasarus ii mauhlo,” awa aum.

Matyu 9:24

Jesus anam anatta amu, Nug aum. “Ag ahan ukkeg! Nid ahin ii mauhom. Iitta. Nug niitte,” awa aum. Awa a amu, ag Nug imidppig,

2 King 5:11

Elisa he, danab amu nug ukka, anam a, Naman nug nai amu doya, nug oo nauhe, nug Elisa laug uua aha ugakka, nug inam aum. “Dahil dabmak am inam dayom. Da goppi, propet amu nug dimittim da gukkuiɗa doa aniɗeb daaɗa, nug Yawe, nuhig Kayak, nug Nug unuqitta, eppeg da beɗul laih oɗe ele amu attan bahieb ukkeb, eɗua aweb dokku. Nug anam heeb, oɗe beɗulppa iitta meeb, da ena daalom. Amge iitta.

Aposel 13:15

Juda dilag nai doyak lagnu ikki danab ag ɗo nai yaak amu propet dilag yaak ele ebqewona, dimppa ag Pol, Barnabas ele dilah nai meeg ukke oɗ matan appig. “O lainti, nai laa danab ah ɠagattag aqaglahnu dayeb amu, aria mehuqpeɗ dooglag,” aon appig.

Jon 11:25

Anam a amu Jesus Nug aum. “Da am eɗua hibaittaknu diig, bauklel hanhannu diig ele. Laa nug dahilnu ooppa genab dootte ele nug mauhkku, amge nug bauklel aokku;

Luk 18:18

Aria, Juda dilag ikki laa nug Jesus inam oɗ mettom. “Ippunittak danab ena, da attem heina da bauklel hanhannu aokkul?” awa aum.

Luk 7:2

Amu Rom danab laa, nug ban daup 100 dilag ikki amu, nuhig maɗi nid laa, nuhignu oo huan hette ele, nug oɗe ma mauhkkunu heum.

Matyu 28:17

Gona, appa ag Nug anidna, nug noobppa dup nona binag meppig, amge laala ag oolagppa dabmak aɗit ele dayom.

Matyu 17:14

Aria ag gona, danab ah kuɗum noolagppa teppig. Teeg amu danab laa nug Jesus toppa ukka, gateg qaun o aum.

Matyu 15:25

Jesus Nug anam a amu, ah nug uɗia, Jesus noobppa gateg qaun o, “Naɗi na da ehaniɗkkutnu oɗ medattem!” awa aum.

Matyu 14:33

Ulah toette, uub attan daappig ele ag Jesus noobppa dup nona binag mena appig. “Genab na am Kayak Bekka,” aon appig.

Matyu 20:20

Haen amuppa Sebedi wau nug bekoɗ, Jems, Jon ele, ag Jesus gumidna gona, anilah nug Jesus noobppa gateg qaun o, keeke laanu oɗ medakkunu heum.

Matyu 8:25

Nug niieye, nuhikkud ippunittak awak danab ag Nug gumidna gona maɗettan appig. “Naɗi, ig mauhmatanu, na ehanikke!” aon appig.

Matyu 9:17

Laa ele danab nug grep leppu bau, doɗ gaɗa nippud alagppa ii inatte. Nug anam helo amu, grep leppu nug eɗua, wain baaba, titiɗa heebeb, doɗ gaɗa nippud alag nug ɠagattag eppom, okkai mekkunu elele iitta amunu nug aoɗeb, wain amu doɗ gaɗa nippud ele oh iitta mekkulah. Anam amunu, grep leppu bau am doɗ gaɗa nippud bauppa inaeg, aa oh elele daattep,” awa aum.

Matyu 9:19

Nug anam a amu, Jesus nug ele ukkaeheh, nuhikkud ippunittak awak danab ele oh goppig.

Aposel 28:8

Ig appa daautut, Pablius mameg nug beɗu gakkaɗak oɗe amu hioɗak oɗe naunab ele niieye, Pol nug gumitta wana, Kayak unuqittowa, eppeg qaɗeppa me, ena dayom.