Matyu 8:29 - Nobonob Baibel

²⁹ Aa uɗiya, huanak eya apiɗ. “Kayak Bekka, na ihinihppa attem hekkutnu hettem? Guittak haen ihinih ii uɗiom, amge na paha guittak nau metakkutnute uɗime?” eya apiɗ.

Matyu 8:29 Referans Kwoze

Mak 1:24

“Jesus, Nasaret ted, na ig attem heigkkutnu uɗime? Na heppe, ig nauhkkunignu uɗimete? Da na dooidttem; Laa Kayaknu Oppiaawak Ele, amuam na aakkuib,” awa aum.

Luk 4:34

“Jesus, Nasaret ted, na ig attem heigkkutnu uɗime? Na heppe, ig nauhkkunignu uɗimete? Da na dooidttem; Laa Kayaknu Oppiaawak Ele, amuam na aakkuib” awa aum.

Jems 2:19

Na am ootppa genab inam doottem, “Kayak laippuib daatte.” Amu ena, amge ouɗi nau ag ele anam oolagppa genab doon, ag eheɗ nau baɗan hahaɗtteb.

Mak 5:7

Nug gateg qaun o amu Jesus Nug ouɗi nau, danab amuppa dayom ele, Nug nug amegppa, “Danab amu uuidna ukke!” awa aum. Nug anam aum amunu danab amu nug baag okkainabppa ewa aum. “Jesus, na Kayak Attannab Laa Oh Eɗattak Bekka. Na da attem heiɗkkutnu hettem? Na Kayak onigppa nahip nai ɠagattag qena, na da guittak nau ii meɗamnanu akkutnu oɗ medattem!” awa eum.

Luk 8:28

Danab amu nug Jesus antta ewa, wanppa Jesus baegppa na qe, Jesus Nug ouɗi nau danab amuppa dayom ele, Nug nug amegppa, “Danab amu uuidna ukke!” awa aum. Nug anam aum amunu danab amu nug baag okkainab ele ewa aum. “Jesus, na Kayak Attannab Laa Oh Eɗattak bekka. Na da attem heiɗkkutnu hettem? Na da guittak nau ii meɗamnanu oo doyak ele oɗ medattem!” awa eum. Haen kuɗum ouɗi nau nug danab amu aɗeɗe, danab ag nug gumanna, eppeg, baeg ele senppa qagttappig, amge nug sen pakkua awe, ouɗi nau nug nug awa aɗe, laih atu taɗakppa gottom.

2 Pita 2:4

Kayak Nug engel hipunin heppig ele amu he, ag iite padal meppig? Yo, Nug geɗatta he, aben eheɗppa noppig. Nug aben gatatu ele amuppa qakkalattom daatteb. Amu ag epeɗiak haen ameg men daatteb.

Matyu 4:3

Enug qeeqe amu, eheɗ haknu oo eeɗak danab nuhigppa beum. Ba amu nug aum. “Na Kayak Bekka daattem dayeb amu na appe, men imu eɗua bret baɗ!” awa aum.

Jon 2:4

Nug anam a amu, Jesus Nug amegppa aum. “Anai, imuam i ihinih ohnu keeke iitta, amge da kobol danab hekkunu elele iitta, amu hekkulnu haen iite doum?” awa aum.

Luk 4:41

Ele amu Jesus Nug he, ouɗi nau ag danab ah uuadna, “Na amu Kayak Bekka,” ana enan goppig. Amge ag Nug dooppig, Nug am Kristus amunu, Nug ag baula mattimnanu ag amelagppa, “Aib!” a, ag oɗelag qamutppig.

2 Samuel 16:10

Nug Dawit amegppa anam aum, amge King Dawit nug nob ma aum. “O Seruia bekoɗ, ahilah dabmak am dahil ele laippu iitta. Yawe Nug danab amu amegppa, ‘Wana, Dawit eheɗ laa awaknu anak waappa dayaknu nai a!’ aum dayeb, diig amunu ele nug hette dayeb amu, aun laa nug nuhignu, ‘Aɗinu na anam hettem?’ anaknu elelete? Iitta. Laa iitta,” awa aum.

Jut 1:6

Aria, keeke laa amu, engel laa ag maɗi ahilag Kayak nug ag amu hekkulagnu ehah mattom amu, ag amuppaib daaglagnu oolag ii daye, okkainab daaglagnu dabmena, ahilag dayaknu aben uuppig. Ag uuppig amunu, Kayak Nug haen ohnu qakkalatta, maniguittak gatatu eleppa maattom daan, hettoɗiak deɗ naɗippa epeɗiak aoglagnu ameg metteb.

Aposel 16:17

Nug Pol ig ele dim lamikkakka amu, nug inam ewa aum. “Danab imu amu, ag am Kayak Attannab Laa Oh Eɗattaknu maɗi nid! Kayak Nug attem ha, ig eɗua awikkaknu ib babaittom ippunigtteb,” awa aum.

Mak 3:11

Amu danab laala ag ouɗi nau ele ag Nug anitteg, ouɗi nau ag heegeg, danab amu ag Jesus noobppa nena qena, wanppa niiegeg, ouɗi nau danab beɗulagppa daappig ele, ag eppig. “Na Kayak Bekka,” aon appig.

1 King 17:18

Aakku ah nug Elaiya amegppa aum. “Kayaknu danab, na aɗinu dahilppa kobol imu heme? Na uɗin heppe, Kayak Nug dahil hipunin eɗua daugppa dob heeb, nid dahil imu oɗe awa, mauhkkunu uɗimete?” awa oɗ mettom.

2 Samuel 19:22

Nug anam a, Dawit nug aum. “O Seruia bekoɗ, ahilah dabmak, am dahil dabmak ele laippu iitta. Gemu aa da uug meɗattep. Ig gemu hepput, Israel oolagppa danab laa mauhkku am enate? Iitta! Gemu da king daattem doottem amunu, laa nug ii mauhma,” awa aum.

Joel 3:4

Ag Tair, Saidon amu Pilistia danab ah ele, ag dahilnu aɗi nai laal elete? Ag da keeke laanu nob nau meɗaglagnu hettebte? Ag anam hekkulagnu hetteb dayeb amu, ag dabmeig! Da pahanab ahilag hak nau dahilppa heppig amu, da amunu nob nau ag madakkul.

Ikki Danab 11:12

Jepta anam hewowa, nug nai awa ukkak danab maatte, Amon dilag king gumidna gona appig. “Ig aɗi laa eheɗ hemut amunu, ag ban hekkulagnu banenig uɗippig?” aon appig.

2 King 3:13

Ag nona, nuhigppa teeg amu, Elisa nug Israel dilag king amu antta, nug amegppa inam aum. “Na aɗinu da gumiɗna uɗime? Na mamennu propet nug anukka gumatta gottom, am na aninnu propet nug anukka gumatta gottom amu, na amu gumadna golom,” awa aum. Elisa nug anam a amu, Israel dilag king nug Elisa amegppa aum. “Na amubia amananu oɗ medattem. Aɗinu? Yawe Nug nukka ig king ewam imu Moap dilag king eppegppa meikka qagmeikkom,” awa aum.

2 Stori 35:21

Josaia nug nuhikkud daup ele ag anam heeg, Neko nug nai awa ukkak danab maatte, Josaia gumidna wana, Nekonu nai inam nug amegppa appig. “O Juda dilag king, da na ele am nai iitta. Ii oonihppa uug laa ii daatte. Da na haen imuppa banen ii uɗittem. Iitta. Da wan laa ele, da ag ele ban hettem amu, da ag banelag gottem. Kayak Nug da imu paha hekkulnu da amelppa aum amunu, na tuɗidna, Kayak ele ban aib heme. Nug da ele daattep amunu, na nahip hak ii uukkut amu, Nug heeb, na nauhkkut.” Ag nai amu Josaia amegppa aeg doyom.

Matyu 8:30

Anam aeh daaeg, bo ameg naɗi laa nakok uma ee lanan daaegeg,