Matyu 8:1 - Nobonob Baibel

¹ Jesus Nug nai mattia malowa, Nug qauko nakok attanppanu no, danab ah huanak Nug dim lamidppig.

Matyu 8:1 Referans Kwoze

Matyu 8:18

Aria, haen Jesus Nug danab ah kuɗum ag Nug oo mettan talilidppig ele antta, Nug ippunittak awak danab nuhikkud amelagppa aum. “Ig le ameg mataɗta laih uppa gotu!” awa aum.

Matyu 4:25

Jesus Nug anam heehe, danab ah huanak Galilinu, Dekapolisnu, Jerusalemnu, Judanu amu Jodan le laih wan atu oh elenu Nug dim lamidppig.

Luk 5:15

Nug anam aum, amge Jesus Nug keeke heumnu nai amu ukke, ag tuɗitteg ukke, oh doona, danab ah kuɗumnab ag ahan, Jesusnu nai dooglagnu, Nug oɗe ahilag bappaladkkunu ele uɗippig,

Mak 3:7

Jesus Nug anam he amu, Nug nuhikkud ippunittak awak danab ele ag ahan, aab amu uun, Galili le amegppa ukkaegeg, danab ah kuɗumnab Nug dim lamidna uɗippig. Ag Galilinu,

Matyu 20:29

Jesus Nug nai amu mattia male, ag ahan Jeriko uuglagnu aab daugppa ukkaegeg, danab ah kuɗumnab ag Jesus dim lamidppig.

Matyu 19:2

Jesus ugekke, danab ah huanak ag Nug dim lamidna ukkaeg, Nug aben amuppa oɗe danab bappalattom.

Matyu 15:30

Appa dayeye, danab ah huanak ag danab baelag nau autaut oitteb, amelag gaɗuak, ebehilag kaliak, oɗetup amu oɗe danab laala kuɗum ele, ag amu oh omaladna uɗin, nug baegppa maatteg, bappalattom.

Matyu 12:15

Am Jesus Nug nai amu doyom amunu, Nug aha, aab amu uua ukkom. Ugekke, danab ah kuɗum ag Nug dim lamittegeg, Jesus Nug oɗe danab ah oh bappalatte, ena daappig.

Matyu 7:29

Aɗinu? Nug ahilag ɗo mehuqak danab nai ippunadppig bia ag ii ippuanattom. Iitta. Nug danab nug anam hekkunu ehah ele, Nug amubia nai ippuanattom.

Matyu 8:2

Dim lamittegeg, danab laa nug gaɗa oɗe nau ele, nug Jesus noobppa ukka, gateg qaun o, Jesus amegppa aum. “Naɗi, na oot heeb, na heppe, oɗe dahil iitta mekkunu amu, na elele daattem,” awa aum.