Matyu 7:26 - Nobonob Baibel

²⁶ Amge danab nug nai dahil doya ii dim lamidtte amu, nug am dabmak tutukku iittappa keeke laa hak danab, nug danab laa ihi qaɗeppa lag ukku aɗe, ihi aɗa dayeye, aria dimppa nug amu attan lag heum bia daatte.

Matyu 7:26 Referans Kwoze

Luk 6:49

Amge danab nug nai dahil doya ii dim lamidtte ele, nug am danab laa lag hamu wanppaib he dayom bia. Nug wan ooppa men qaɗeppa lag ukku ii aɗom amunu, dimppa le ui na, lag amu duttune, pahanab na qa, loppaɗa iitta meum,” awa aum.

Jeremaia 8:9

Danab ag akka, “Ig doyak dabmak ena ele aɗattem atteb,” amge ag da, Yawe, ag dahil nai geɗidna, ii dim lamidtteb, ag am doyak dabmak ena ele genab am iitta. Ag amu hetteb amunu, ag uɗa nak nau aoglag. Ag oo uug nau qak doon, ag doɗ pelemppa teum daatte, ag amubia daaglag.

Jems 2:20

Na danab dabmak tutukku iitta! Kobol ena hak ooppa genab doyakppa ii betteb dayeb, ooppa genab doyak amuam keeke hamu daatte. Da amu nai imuppa ippunidkkul.

1 Samuel 2:30

Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.

Prowerb 14:1

Ah nug doyak dabmak ena ele, nug nug baekkudppa ɠagattag aqatte. Anam, amge ah nug dabmak tutukku iittappa hak kobol dim lamidtte ele, nug nuhig hakppa nug baekkudppan hatte nauhtteb.

Job 22:16

Danab amu ag amunu dabmena, eheɗ henana, ag mauhkkulagnu haen iittappa nauhppig. Ao, Kayak he, le ui eheɗ na, keeke ye ukka nauhtte, amubia danab amu ag nauhna autna aoppig.

Matyu 7:24

Amunu danab nug nai dahil imu doya dim lamidtte amu, nug danab laa doyak dabmak ena ele, nug danab laa men qaɗeppa lag ukku aɗe, men aɗa dayeye, aria dimppa nug amu attan lag heum bia daatte.

Matyu 7:25

Nug lag he, gu ne, ui o, ulah ɠagattagnab ele heum, amge lag amu ii na qeum. Aɗinu? Danab amu nug lag amu ukku men qaɗeppa heum.

Matyu 7:27

Lag he, gu ne, ui o, ulah ɠagattagnab ele heehe, lag amu na qeum. Amu genab nug na qa nauha auta awom,” awa aum.