Matyu 7:2 - Nobonob Baibel

² Aɗinu? Ag laa dilagppa epeɗiak kobol attenppa epeɗiadppeg amu, ag epeɗiak kobol amuppa aoglag. Ag lailkad dilagnu aɗi melemelppa keeke hetteb, ag melemel amuppaib geha keeke aoglag.

Matyu 7:2 Referans Kwoze

Jems 2:13

Aɗinu? Danab laa nug layagnu oo gai-iitta doya oo metta ehanittak kobol ii dim lamidtte, nug layag eheɗ heumnu nob nau medatte, nug nob nau amu medakkunu ii uutte amu, Kayak Nug danab amu hettoɗiakppa nob nau medakku. Amge danab laa nug layagnu oo gai-iitta doya oo metta ehanidtte, nug hipuninnu nob nau ii medatte amu, nug geha hettoɗiakppa nob nau ii aoma. Oo gai-iitta doya oo metta ehanittak kobol am nob mettak kobol eɗidtte!

Mak 4:24

Aria, Jesus Nug baula aum. “Ag aɗi dootteb amu, ag daulag human, tutukku doyeg! Ag lailkad dilagnu aɗi melemelppa keeke hetteb, ag melemel amuppaib geha keeke aoglag. Ag amu aona, ag baula ele tuɗittak aoglag.

Luk 6:38

Ag danab keeke madappeg amu, laa ag eɗun ag keeke mattaglag. Ag keeke ambeeb, ye noak dayeb, baubau ineb amba gokkaɗebeb aoglag. Ag lailkad dilagnu aɗi melemelppa keeke hetteb, ag melemel amuppaib geha keeke aoglag,” awa aum.

Obadaia 1:15

Aɗinu ag anam ii helob? Da, Yawe, dahil deɗ naɗi am miag uɗiom daatte. Deɗ amuppa da wanppan wan ohnu danab ah epeɗiadkkul! Ag Edom, ag laa dilagppa heppig amu, amubia ahilagppa bekku. Ao, ag aɗi eheɗ heppig amu, eheɗ hak amuam eɗua, ag qaɗelagppa daakku.

Revelesen 18:6

Ag nuhig kobol nau amunu dabmena, nob nau elelenab eɗun metteg! Nug kobol nuhig nau qagme, kuɗumnab beum, amubia ag tuɗidna, ag nuhig nob nau qagmena kuɗumnab metteg! Nug laa dilagnu le nau kap-ppa kaboliom bia, ag le naunab tuɗidna, kap amuppa kabolina, kuɗum metteg!

2 Korint 9:6

Amge ag imu tutukku anidna doyeg! Danab nug ee tumu kuɗum ii ebatte, nug ee kuɗum ii aotte. Aria danab nug kuɗum ebatte, nug kuɗum aotte.

Ikki Danab 1:7

Ag amu heeg, dimppa Adoni Besek nug aum. “Da king 70 ele ban heta eɗatte, ag eppelkad tanig, amu baelkad tanig ele otaɗadmi. Da amu hein malai amu, ag ee huppu dahil balal waappanu amu lappig. Gemu Kayak Nug da ahilagppa heminu noob meɗom,” awa aum. Am Juda, Simeon danab ele ag nug aon Jerusalem ukkaeg, nug appa mauhom.

Jeremaia 51:24

Ag ⌊Israel buɗub⌋ da ag amelagppanab heppi, Babilon danab ohnab ag Sionnu eheɗ aɗi aɗi hena, nob aoglagnu daatteb amu, kekeɗ ag nob amu ag mattaglag,” Yawe Nug anam awa atte.

1 Samuel 15:33

Agag nug anam dabmeum, amge Samuel nug aum. “Na qep elabppa hee, nid anilkad kuɗum ag nid iitta daappig, amubia na anin nug ah oolagppa nid iitta daakku,” awa aum. Nug anam awowa, nug Gilgal appa, Yawe noobppa Agag makkuɗe mauhom.

Sam 109:17

Nug laa dilagnu, ag eheɗ laa awaknu anak waappa daaglagnu akkunu oo mauhom amunu, na nug eheɗ laa awaknu anak waappa daakkunu akkutnu oɗ medattem. Nug laa itattak ena medakkunu uuom amunu, na nug itittak ena ii medakkutnu unuqidttem.

Aisaia 33:1

Na laa, na hee, laa nauhtteb, laa ag na heitteg ii nauhme amu, nahipnu am gadonnab gadon. Yo, na laa hambuppualadna, nahip nai ag amelagppa ame ii dim lamidttem; laa ag nahipnu anam ii heppig ele amu, nahipnu am gadonnab gadon. Na laa heppe nauhkkulagnu uuppe, danab laa ag na heidppeg nauhkkut. Ao, na laa hambuppualadna, nahip nai ag amelagppa anana, ii dim lamidkkutnu kobol uuppe, laa ag hambuppuidna, na amenppa nai mattinna, ii dim lamidkkulag.

Jeremaia 34:17

Nug anam atte amunu, Yawe Nug ele inam atte. “Ag dahil nai ii dim lamidppig. Ag laa, ag ag ele tiilag laippu, ahilkad maɗi nid daatteb amu, ag uhuqatteg, ag uhuqak aon, hamu ii daatteb. Iitta! Ag ag waalagppa ahilkad maɗi nid daatteb amunu, ag da dahil nai ii dim lamidppig ele, da ag uhuqak laa madakkulnu hettem. Uhuqak amuam ag qep elabppa mauhkkulag. Uhuqak amuam ag oɗe nau danab kuɗum aqe mauhtteb, ag amuppa mauhkkulag. Uhuqak amuam ag enugppa mauhkkulag. Amu da heppi, wan ohppa danab ah ag ahilagnu oolagppa uuaknab dooglag.

Matyu 6:14

Jesus Nug anam ana, Nug nai tuɗitta aum. “Doyeg! Ag danab ah laa dilag hipunin ahilagppa hetteb uhuqna madappeg amu, ag Mamelag, hab aabppa daatte, Nug hipunin ahilag ele uhuqa madakku.

Eksodas 21:24

Amu laa nug laanu ameg heeb nauhkku dayeb, ag nug ameg heppeg nauhaɗ! O nug laanu aeg heeb qiikku amu, ag nug aeg heppeg qiiaɗ! O nug laanu eppeg heeb nauhkku dayeb amu, ag nug eppeg heppeg nauhaɗ! O nug laanu baeg heeb nauhkku dayeb amu, ag nug baeg heppeg nauhaɗ! O nug laanu gaɗa kuhakku dayeb amu, ag nug gaɗa kuheg! O nug laanu gaɗa otaɗkku dayeb amu, ag nug gaɗa otaɗeg! O nug laa beɗu laih adekkuppa heeb, hin qekku dayeb amu, ag heppeg, nug gaɗa anamib hin qaɗ!

Ikki Danab 5:27

Jael baegppa Sisera na qa, padal ma, aguppa niiom. Ge, Jael baegppa Sisera na qa, padal meum. Sisera nug na qa, padal meum, amuppaib nug aakku mauhak niiom.

2 Samuel 21:5

King Dawit nug anam oɗ matte, ag nob mena appig. “Saul nug ig Gibeon danab ah ohnab mauhkkunig, ig laippu laa Israel wanppa ii daamanu dabmak awowa aha, eheɗ iqom