Matyu 6:9 - Nobonob Baibel

⁹ Am anam amunu, ag inam unuqitteg! ‘Ig Mamenig, na hab attan daattem. Na heppe, ig danab oh ig na onin am oppiaawak daatte dootu!

Matyu 6:9 Referans Kwoze

Revelesen 4:11

“O Naɗi, ihinig Kayak, Na keeke ohnab heme. Nahip doyakppaib na keeke oh he beppig. Gemu keeke amu oh nahip doyakppaib ele iikku daatteb amunu, binag amahlak oppiaawak, ɠagattag, binag ele nahip-ppa daakkunu, na elele daattem.” Ag anam aegeg anidmi.

Rom 8:15

Anam amunu, haen ag Kayak Ouɗi aoppig, ag ouɗi laa, ouɗi amu nug he, nuhikkud ag begbeg maɗi nid ahilkad okkai baɗadna oitteb bia oitteb, ag ouɗi laa amubia ii aoppig. Iitta. Ag Kayak Ouɗi aoppig amu, Nug he, ag Kayak bekkod daatteb. Kayak Ouɗi Nug he, ig “Mame, Mame,” aot attem.

Esekiel 36:23

Ag Israel ag heeg, da onil wan laalappa danab ah dilag neekkakppa hamu bia dayom, gemu ele daatte. Anam amunu da heppi, danab oh ag da onil okkai, oppiaawak daatte dooglag. Ag Israel ag heeg, da onil danab amu dilag neekkakppa nauhak dayom, gemu ele daatte, amge da Yawe, da ag Israel, da ahilagppa da am oppiaawak daattem ippunadppi, wanppan wan ohppan danab ag da oppiaawak daattem anidna, ag dooglag, da am Yawe.’ ” Naɗi Yawe Nug anam atte.

Malakai 1:11

Aɗinu? ⌊Da ahilag mana mettak ii aopanu uug laa ii doottem.⌋ Aam bedeppan ukka aam nodeppa da onil am binag ele daakku. Da onil am binag ele daakku amunu, danab ah ag kalu danab ile muttuɗig enanag bette, amu doɗ tutukku ele manan, da meɗaglag,” Yawe Nukka Ɠagattag Oh Ele Nug anam atte.

Sam 111:9

Nug nuhikkud danab ah qagaiettakppanu eɗua uhuqak ha mattom. Ao, Nug nuhig nug tituana nai qakkak nai, Nug nai amu hanhan daakkunu meum. Yawe Nug oppiaawak daatte. Danab ah ag nuhignu ebehilag oh bodoetta le mette.

Aisaia 64:8

O Yawe, ig am anam aakku daattem, amge na ig Mamenig daattem. Na waa keeke hak danab bia daattem, ig am wan, waa haknu, ig amubia daattem. Na ig oh heigme.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Galesia 4:6

Gemu ag Kayak bekkod daatteb amunu, Kayak Nug Bekka Jesusnu Ouɗi me, Nug ig oonigppa dayaya ehanikke, ig Kayak amegppa, “Mame, Mame!” attem.

Aisaia 6:3

Amu engel-serep amu ag oh anen anen, ag laa anen anen ag agakka nug amegppa ag inam aon enana daappig. “Yawe Nukka Ɠagattag Oh Ele, Nug oppiaawak, Nug oppiaawak, Nug oppiaawak. Yawe Nukka Ɠagattag Oh Ele, Nug oppiaawak ele. Nuhig binag amahlak oppiaawak ele am wan oh elele mettom daatte,” aon enan daappig.

Revelesen 5:12

Daanna ag ahi inam qalan edappig. “Sipsip Nag, ag anukka qeeg mauhom ele, Nug ɠagattag, enub, doyak dabmak ena ele, ebehi, binag amu binag amahalak oppiaawak ele, onig okkai ele aokkunu onig awom daatte,” anana edappig.

Nehemaia 9:5

Ag anam heeg, Lewi buɗubppan mana mettak danab iitta, ag oolagppan laa onilag Jesua, Katmiel, Bani, Hasapnea, Serebia, Hodia, Sebania, Petahia ele, ag appig. “Ag oh ahan hippaidna daan, ag Yawe, ahilag Kayak, ag Nug binag meig! Nug hanhan daatte. Nug digmak iitta, batak ele iitta,” appig. Ag anam awona, ag tuɗidna, Yawe amegppa appig. “O Yawe, na binan amahlak oppiaawak ele, amu danab ag na onin dabmenan humappeg, attannab, itittak ena oh, binag mak oh eɗittak daakkunu oonig daatte,” aon appig.

Matyu 7:11

amunu, ag nau aɗi ag genab keeke ena ag nid ahilkad mattaglagnu dootteb dayeb, genabnab ag Mamelag, hab attan daatte, Nug danab ag Nug unuqidppeg, Nug keeke ena ag madakku.

Aisaia 63:16

Anam, amge o Yawe, na am ig Mamenig. Abraham nug ig ii dooiglo. Ge, Israel nug ihinignu, “Imu, ag am da buɗulad iitta,” alotai. Amge O Yawe, na am ig Mamenig. Na nakka aakkuib, na anukkanu uɗie, gemu ele, na qagaiettakppanu eɗua uhuqaknu ehanittak ihinig daattem.

Sam 72:18

Ig Yawe Kayak binag metu! Nug am Israel dilag Kayak. Nugib keeke okkai ena ena hette.

Matyu 26:29

Amge da ag amelagppa attem, da wain geha iikku lattem imubia baula paha ii lapa. Iitta. Dimppa Mamanu ɗo maɗoɗ ooppa da ag ele baula lakkunig,” awa aum.

Matyu 23:9

Am wan imuppa ag laanu, ‘Mama,’ aib appig. Ag Mamelag laippu aakkuib amu Nug hab aabppa daatte.

Matyu 5:16

Amubia ag dahilad daatteb ele, laala ag ahilag kobol ena anidna, ag ag Mamelag, hab attan daatte amu, Nug binag mekkulagnu, ag ahilag amahlak danab amelagppa amahalaɗ!

2 Stori 20:6

nug inam aum. “O Yawe, ig mamenkad aɗi dilag Kayak, na hab attan daattem. Na wan anen anen dilag okkai daattem. Ɠagattag oh na eppenppa daatte. Na ebehin ele. Auntai laa nug na eɗidkkunu elele iitta.

Luk 15:18

Amu da attem hekkul? Da gemu ahe eɗue, mame toppa ukken, am da nug amegppa inam akkul. “Mame, da Kayak nuhigppa, nahip-ppa ele hipunin hemi.

Sekaraia 14:9

Amu Yawe Nug wan atu oh dilag king daakku. Haen amuppa amu, Yawe Nugib danab ah oh dilag dabmakppa Kayak daakku. Danab ah oh ag Nug noobppa dup nona binag mekkulag.

1 King 8:43

amu Yawe, geha wan laihnu danab ah ag ig nahipad danab ah Israel, ig na dooittutut, amu ig nahipnu ebehinig oh bodoetta le mette, amubia ag na dooidkkulagnu, ag nahipnu ebehilag oh bodoetta le mekkunu, geha wan laihnu danab ag lag imu, da hemi amu, lag amuam na laut, na onin aguppa daatte ele dooglagnu, na dayak aben nahip, amuam hab aab, na appa daanna, na wan laihnu danabnu unuqittak doon, nug na aɗi hekkutnu oɗ medatte amu, na amu hekkutnu oɗ medattem.

Habakuk 2:14

Aɗinu? Le yuppa ambak daatte, amubia wan atu ohppan danab ah ag Yawenu binag amahlak oppiaawak ele anidna dooglag.

Esekiel 38:23

Da amu heine, da heppi, danab ah ag da onil ɠagattag ele daattem, da oppiaawak daattem ele anidkkulag. Da heppi, wanppan wan digdig danab ag da dooiɗkkulag. Da keeke amu oh heppi, ag dooglag, da am Yawe.” Yawe Nug anam atte.

1 Stori 17:24

Na amu hekkutnu diig am, na anam heppe, nai na anan qakkame am ɠagattag daya, meu oobob, na onin am hanhan binag ele daakku; am ele, danab ag, ‘Yawe Nukka Ɠagattag Oh Ele, Nug Israel danab ah gumadtte, Nug am Israel dilag Kayak!’ aon akkulag. Laa amu da Dawit, nahip maɗi nid amu, da buɗulad ag hanhan na noomppa king daaglag.

2 Samuel 7:26

Na amu hekkutnu diig am, na anam heppe, am na onin hanhan binag ele daakku. Na anam heppe, danab ag, ‘Yawe Nukka Ɠagattag Oh Ele, Nug am Israel dilag Kayak, Nug ag gumadtte!’ aon akkulag. Laa amu, da Dawit, nahip maɗi nid amu, da buɗulad ag hanhan na noomppa king daaglag.

1 Pita 1:17

Ag Kayak, Nug danab oh melemel laippuppa ahilag hak anen anenppa epeɗiadtte amu, ag Nug unuqidnana, Nug onig diin Mame atteb amunu, ag haen imuppa aab diig danab iitta daanna wan imuppa oitteb amu, ag nuhignu ag ebehilag oh bodoetta le meeb, ag Nug onig binag metteg!

1 Timoti 6:16

Nug nukka aakkuib ii mauhtte; hanhan daatte. Amahlak ig gukkuidta gokkunignu elele iitta ele amu Nug amuppa daatte. Danab laippu laa ele Nug ii anttom, laa anidkkunu ele elele iitta. Nug binag amu nuhig ɠagattag haen oh ele nuhigppa dayeɗ! Amu genab.

Luk 15:21

Ootuqitte amu bekka nug mameg amegppa aum. ‘Mame, da Kayak nuhigppa, nahip-ppa ele hipunin hemi amunu, gemu da na dahilnu, “Na am nid dahil,” aon akkutnu elele ii daattem,’ awa aum.

Luk 2:14

“Kayak Nug attannab daatte; ig Nug binag amahlak oppiaawak ele metu! Wanppanu danab, ag nuhignu daatteb amu, ag maɗoɗ mattom,” aon appig,

Aisaia 66:1

Yawe Nug atte. “Hab aab am sia king dahil, wan am da bael maknu balal nakok daatte. Anam daatte amunu, ag lag laa, da aguppa daakkulnu hekkulagnu elelete? Ag aben laa da aguppa hik awe daakkulnu hekkulagnu elelete? Iitta.

Matyu 6:14

Jesus Nug anam ana, Nug nai tuɗitta aum. “Doyeg! Ag danab ah laa dilag hipunin ahilagppa hetteb uhuqna madappeg amu, ag Mamelag, hab aabppa daatte, Nug hipunin ahilag ele uhuqa madakku.

Matyu 6:6

Amge haen na unuqidttem, na lag ooppa nona, od manona, na Mamen, Nug miag atiak ii daatte, na Nug unuqidppe, Nug keeke miag atiak iitta oh anidtte ele amu, Nug nob ena na medakku.

Matyu 5:48

Anam amunu, ag Mamelag, hab aabppa daatte amu, Nug qa oppiaawak daatte, amubia ag qa oppiaawak dayeg!

Lewitikas 10:3

Aria, Moses, Aron amegppa aum. “Yawe Nug anukka imunu inam aum. ‘Laa ag da gukkiɗna uɗitteb amu, ag da oppiaawak daattem doon, gumiɗna dokkulagoitte. Am danab ah oh, ag da binal okkai ele daattem doon oiglagoitte’ awa aum.” Moses nug anam a, Aron nug bakkum dayom.

Galesia 1:1

Da Pol, da am Jesusnu totol danab. Da am danab dilag totol iitta. Laa ele amu, danab laa nug da Jesusnu totol uɗat hekkulnu ii meiɗom. Iitta. Jesus Kristus amu ig Mamenig Kayak, Nug Kristus moɗppanu bau maɗettom ele amu, Nug ele, aa aakkuib da meiɗpiɗ.

Jon 20:17

Nug anam a amu, Jesus aum. “Na da aib aɗailme, da Mame toppa ii gomi. Amge na da oɗel aona, da lailad gumadna gona, amelagppa inam a! ‘Da, da Mamel, Nug am ag Mamelag ele, da dahil Kayak, Nug am ahilag Kayak ele, da Nug gumitte gottem,’ ” awa aum.

Matyu 26:42

Jesus Nug anam ana, Nug eɗua ukka, baula unuqitta aum. “O Mama, da le kap imunu ii lakkulnu amu, na ib laa anidkkutnu elele iitta dayeb, na nahip dabmak aakkuib dim lamitte!” awa aum.

Aisaia 37:20

Ag kayak hambuppuak amu dilagnu anam heppig amunu, O Yawe, ihinig Kayak, na wan atu ohppan danab ah ag na, O Yawe, na nakka, na Kayak daattem dooglagnu, na ig Asiria dilag king eppegppanu awigppe, ig ena daagnignu od medattem.” Hesekaia nug anam unuqittom.

Rom 1:7

Amu da Pol, da ag Rom danab, Kayak ahilagnu oo mauhe, ag nuhikkud danab ah oppiaawak ele daaglagnu onilagppa eum ele amu, da ahilagnu yaattem. Kayak, ig Mamenig, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu ool daatte.

Matyu 10:29

Ag dootteb, danab ag ai naunau aɗit men doɗo nagnagppa daden metteb, amge ag Mamelag Nug ai amunu laa wanppa na qekkunu dabmaknab ii aotte dayeb amu, laa ii na qette.