Matyu 6:6 - Nobonob Baibel

⁶ Amge haen na unuqidttem, na lag ooppa nona, od manona, na Mamen, Nug miag atiak ii daatte, na Nug unuqidppe, Nug keeke miag atiak iitta oh anidtte ele amu, Nug nob ena na medakku.

Matyu 6:6 Referans Kwoze

2 King 4:33

nug lag ooppa noa, od manom. Nug nid nakok amu eleib lag ooppa daayya, aria Elisa nug Yawe unuqittom.

Matyu 14:23

Nug anam a amu, ag ahan ukkaegeg, Jesus Nug danab ah amelagppa, “Enad ukkeg,” awowa, Nug nukka unuqidkkunu qaukoppa nakok ta dayom. Ta dayeye, aam no, amu Nug nukka qauko amuppa dayom.

Aisaia 65:24

Am inam bekku. Ag unuqiɗkkulagnu ii digmeppig haenppa da ehanadkkul. Ao, ag unuqiɗppeppeg doyen, ehanadkkul.

Aposel 9:40

Ag anam heeg amu Pita nug he, danab ah oh dimittim ukkaeg amu nug gateg qaun o, unuqittowa eɗua ah gaɗa amu neekkitta, nug aum. “Tabita na ahe!” awa aum. Awa a, aakku ah ameg oppate nug neekka, Pita antta, aha heɗep na dayom.

Aisaia 26:20

O danab ah dahilad, ag laulag ooppa nona, od maneg! Ag lokkumna haen nakokib oppoɗi bak haen imu iitta mekkunu ameg meig!

Sam 34:15

⌊Aɗinu?⌋ Yawe Nug laa ag kobol genab tutukku hetteb ele, Nug ag dabmatta atognoadtte. Ao, Nug ahilag unuqittak doya, ag ehanadtte.

Aposel 10:9

Aria, danab ewam ag ukkaegeg ⌊uudo, ibppa niiona, ahan ukkaegeg,⌋ aam ameg tutukku aokkunu heehe Jopa guguittegeg, Pita nug lag koɗokko uɗem ukkakppa unuqidkkunu teum.

Matyu 6:4

Na anam heppe amu, nahip oo doyak uɗat lokkumakppa dayebeb, na Mamen, Nug keeke lokkumak oh anidtte, Nug nob ena eɗua medakku.

Epesus 3:14

Da Kayaknu dabmak amu dabmein, da amunu Mame noobppa gatel qaun ottem.

Rom 8:5

Danab ag oo alagnu kobolppa oitteb, ag oo alagnu keekenu dabmak anuqak aotteb, amge danab ag Kayak Ouɗinu kobolppa oitteb, ag am Kayak Ouɗinu kobol, ag amunu dabmak anuqak aotteb.

Aposel 10:30

Awa a aria Kornilius aha, nug keeke nuhigppa be anttom amunu mattia inam aum. “Keeke anidmi amu gemu deɗ waɗele iikku ukkom am inam. Da laulppa dayeye, da tueb, aam ameg ewamppa haen gemu inam iikku bia aakku da unuqittitti, danab laa, nuhig lamen am amahlaknab ele, nug da noolppa hibaitta

Jon 1:48

Anam a amu, Nataniel Jesus oɗ mettom. “Attemun na da dooiɗme?” awa oɗ mettom. Nataniel anam a amu, Jesus oɗeppa awa aum. “Pilip nug na oninppa eum, haen amu ii nak da na ad fig waappa dayeye anidmi,” awa aum.

Jon 20:17

Nug anam a amu, Jesus aum. “Na da aib aɗailme, da Mame toppa ii gomi. Amge na da oɗel aona, da lailad gumadna gona, amelagppa inam a! ‘Da, da Mamel, Nug am ag Mamelag ele, da dahil Kayak, Nug am ahilag Kayak ele, da Nug gumitte gottem,’ ” awa aum.

Prowerb 25:22

Na anam hekkut dayeb, nug oo eɗukkunu ehanidkkut; amu Yawe Nug na nob ena medakku.