Matyu 5:44 - Nobonob Baibel

⁴⁴ Amge da ag amelagppa attem. Ag ahilkad kekeɗnu ag oolag mauhaɗ! Amu aun laala ag ahilagppa eheɗ hadatteb amu, ag Kayak ahilagnu unuqitteg!

Matyu 5:44 Referans Kwoze

Rom 12:14

Danab laa ag ahilagppa eheɗ heppeg amu, ag itittak ena ag matteg! Ao, ag itittak ena mattana, ag aib amu dilag, ag eheɗ laa awaknu anak waappa daaglagnu appig.

1 Pita 3:9

Amu na layap nug nahip-ppa laa eheɗ heeb amu, na aib nob mena nuhigppa eheɗ heme. O iitta nug nai eheɗ laa nahipnu ab amu, na aib nob mena nai eheɗ nuhignu ame. Iitta. Na Kayak Nug itittak ena medakkunu unuqitte! Aɗinu? Ag itittak ena aoglagnu Kayak Nug ag anam hekkulagnu onilagppa eum.

Luk 23:34

((Ag anam heeg, Jesus Nug unuqitta aum. “Mame, na ahilag hipunin imu uhuqna matte! Ag hetteb imu amu,, ag pehettak ii doona hetteb,” awa aum.)) Amu daup amu ag nuhig lamen aoglagnu otina, ameg waɗele mewona, aun nug ameg atten aokku amu, ag om yaakppa hena aoppig.

1 Pita 2:23

Danab ag nuhignu nai eheɗ appig, amge Nug nai eheɗ ahilagnu nob ii meum. Nug guittak awom, amge nuhig guittak amunu Nug ag nob nau aoglagnu ii aum. Jesus Nug amu ii heum, me Nug Kayak, epeɗiakppa keeke oh eleleppaib epeɗidtte amu, Nug nukka Nug beɗu oh Nug eppegppa meum.

Aposel 7:60

Nug unuqitta anam awowa, nug gateg qaun o, nug huana ewa aum. “Naɗi na ahilag hipunin imunu nob ii mattamna oɗ medattem.” Stiven nug anam ewowa, nug mauhom.

2 King 6:22

Nug anam oɗ meum, amge Elisa nug inam amegppa aum. “Na aib aqappe mauhppig. Na ban hettem haenppa kekeɗ aɗualadttem amu, na ii aqai mauhtteb amunu, ameg imu ele aqappe ii mauhmana. Iitta. Na ee, le ele madappe, ag ee, le ele amu lawona, dimppa ag eɗun, ahilag king gumidna gokkulag,” awa aum.

Sam 7:4

Am da laa, nug dahilnu ooppa maɗoɗ dootte ele amu, da nuhigppa nau hak laa hemi dayeb, o dahil kekeɗ, nug dahilnu eheɗ laa ii heum, da nuhig keeke yab aomi dayeb amu, da aakku beɗulppa aab ele daattem.

1 Samuel 24:17

Nug gayaya aum. “Na amu, na am genab tutukku hak danab, da eɗilak. Aɗinu? Da nahipnu eheɗ hemi, amge na am dahilnu ena heme.

Prowerb 19:11

Danab nug doyak dabmak ena ele daatte amu, doyak dabmak ena amuppa nug oo maɗoɗ ele dayak danab daatte; haen danab laa nuhigppa eheɗ he, nug eheɗ hak amu uhuqa medatte, kobol amunu danab ah ag nug binag metteb.

Jon 13:34

Amu gemu da haknunab bau ag madattem. Ag akka akka nug oo mauhak doyeg! Amu da ahilagnu ool mauhom daatte, amubia ag ele ag lailkad dilag oolag mauhaɗ!

1 Tesalonaika 5:15

Danab ag ahilagppa kobol nau laa heppeg, ag amunu eɗun nob nau aibnab meppig. Ag haen oh kobol ena, lailkad amu danab laa ele ahilagppa hekkulagnu ɠagattag dayeg!

Aposel 16:28

amge Pol nug huana ewa aum. “Na nakka aib duut ome! Ig oh iikku daattem,” awa aum.