Matyu 5:22 - Nobonob Baibel

²² Amge da ag amelagppa attem. Danab laa nug layagnu oo nauhkku dayeb, nug hettoɗiakppa daakku. Danab laa nug layag amegppa, ‘Na am genabnab danab kaaka,’ akku amu, nug hettoɗiak okkai onig Sanhidren, appa daakku. Amge laa nug layag amegppa, ‘Na am genabnab genab danab nau,’ akku amu, nug mua laa oh eɗattak, padal mak abenppa gokkunu hette.

Matyu 5:22 Referans Kwoze

1 Jon 2:9

Aun laa nug, “Da amahlakppa daattem,” awa atte, amge nug layagnu nau ninig ele dootte amu, nug gatatuppa daatte.

Jems 3:6

Amu ig lemaɗunig nug am aab aɗu bia. Nug beɗunig laih laala oh gamagppa Satan eppeg bia daatte. Danab lemaɗu nug danab beɗu oh dubuttid medatte, amu nug danab beɗuppa kobol aab gakkaɗak bia hette amunu, oiyak oh nuhig am ena ii bette. Danab lemaɗu, ⌊nug anam hette ele amu,⌋ nuhig diig am Satan.

Taitus 3:2

ag danab laa baeg ii qemananu, ag maɗoɗ kobol, laa dilag dabmettak kobol ele hekkulagnu, ag danab ah oh noolagppa ag akka ag onilkad qeppeg nekkunu appe doyeg!

Matyu 10:28

Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg!

Matyu 18:35

Anam amunu ag lailagnu eheɗ hak oolag ohppa uhuqna ii medappeg amu, da Mamel, hab aabppa daatte, Nug ele ahilagppa anamib hekku,” awa aum.

1 Pita 3:9

Amu na layap nug nahip-ppa laa eheɗ heeb amu, na aib nob mena nuhigppa eheɗ heme. O iitta nug nai eheɗ laa nahipnu ab amu, na aib nob mena nai eheɗ nuhignu ame. Iitta. Na Kayak Nug itittak ena medakkunu unuqitte! Aɗinu? Ag itittak ena aoglagnu Kayak Nug ag anam hekkulagnu onilagppa eum.

Rom 12:10

Amu ag lailkad ena daaglagnu oolag mattan, ahilagnu oolag mauhaɗ! Ag oh nug binag mettak elelenab heig!

1 Pita 2:23

Danab ag nuhignu nai eheɗ appig, amge Nug nai eheɗ ahilagnu nob ii meum. Nug guittak awom, amge nuhig guittak amunu Nug ag nob nau aoglagnu ii aum. Jesus Nug amu ii heum, me Nug Kayak, epeɗiakppa keeke oh eleleppaib epeɗidtte amu, Nug nukka Nug beɗu oh Nug eppegppa meum.

Matyu 18:21

Jesus Nug nai amu mattia male amu, Pita nug Jesus gumitta doa aum. “Naɗi, da layal nug dahilppa hipunin heeb amu, da hipunin nuhig gane batak uhuqen medakkul? Da haen eblaih aɗit ele uhuqen medakkulte?” awa oɗ mettom.

Sam 109:3

Ag da taliliɗna daanna, ag dahilnu nau ninig ele doon, ag nai nau atteb. Ag diig laa iitta, ag da hamu niɗaglagnu banel uɗitteb.

Sam 37:8

Aib oo nauhak doome. Aib oppoɗi bak heppe ootppa beum. Aib ootppa hik nittak doome. Amuam heeg, danab ah ag nau hetteb.

Jut 1:9

Ag anam hetteb, amge engel dilag ikki laa Maikel, nug am okkainab, laa nug kobol ag hetteb bia hekkunu elele daalo am nugbia, amge nug amu ii heum. Iitta. Nug kobol ena laa heum. Haen nug Satan ele, aa aun nug Moses gaɗa aokkunu panioɗya, nai aeh ona aeh do heya heya amu nug Satannu baeg qak nai laa mattiaya beɗuppa ii yom. Iitta. Nug inam aum. “Naɗi Nug na daut batakkunu ool daatte!” awa aum.

1 Jon 3:10

Anam amunu, ig kobol imuppa aun nug am Kayak Bekka, aun nug am Kayak Bekka iitta, nug Satan bekka daatte, amu ele doottem. Am inam. Aun nug kobol tutukkuppa ii oitte amu, nug Kayak Bekka iitta. Am laa nug layagnu oo ii mauhtte, nug ele Kayaknu iitta.

Aposel 17:18

Amu nug anam heehe, aria doyak danab ameg aɗit daappig, ag nug ele aeg ona aeg doum. Doyak danab ameg laa amu ag doyak onig Epikuriannu doyak, ag amunu nai aɗappig, laa amu ag doyak onig Stoiknu doyak, ag amunu nai aɗappig. Doyak danab amu ag oolagppa laala Polnu inam appig. “Danab umu nug aɗi nai mauhnoak maditte?” Aegeg, Pol nug Jesusnu Nai Ena, Nug mauhakppanu eɗua hibaittomnu ele mattiom amunu, laa ag appig. “Nug aab laappan dilag kayak, ig ii doottem ele, amunutai nai mehuqtte,” aon appig.

1 Tesalonaika 4:6

ag Kristen ag gappai kobol, mauhnoak oiyak, oo ahak kobol, keeke amu oh hena, lailkad buppualadnana, laanu ah ele ii aomnanu Nug oo daatte. Ig anukka kobol nau amunu nau aomnanu nai mattat, amelagppa mattimut, amu amubia Naɗi Nug danab anam hetteb ele amu nob nau madakku.

Mak 14:55

Pita nug appa dayeye amu, lag ooppa mana mettak danab okkai, amu Juda dilag hettoɗiak okkai onig Sanhidren, amunu danab ele, ag oh Jesus qeppeg mauhkkunu nai laa nuhigppa yaaglagnu madippig, amge ag laa ii anidppig.

Matyu 26:59

Pita nug appa dayeye amu, lag ooppa mana mettak danab okkai amu Juda dilag hettoɗiak okkai onig Sanhidren, amunu danab ele, ag oh Jesus qeppeg mauhkkunu nai hambuppuak laa nuhigppa yaaglagnu madippig, amge ag laa ii anidppig.

Duteronomi 15:11

Wan ag aoglag amu, amuppa haen oh laa ag oolagppa am daɗek daaglag. Diig amunu da haknunab anak nai ag Israel laala, ag daɗek daatteb amu ag ehanadkkulagnu attem.

Jon 11:47

Mattieg amu, mana mettak danab okkai, amu ɗo gumak danab-Parasia ele ag Juda dilag hettoɗiak okkai onig Sanhidren, amunu danab oh qagmaadna appig. “Ig attem hekkunig? Danab imu Nug Kayak dabmettaknu kobol danab haknu elele iitta kuɗum hette.

Revelesen 20:14

Aakku ⌊Kayak Nug⌋ Hades, mauhak ele aab amegppa buɗialate nopiɗ. Aab ameg amuam mauhak ebqak 2.

Aposel 7:37

Amu Moses nugib aakku, nug nai imu Israel amelagppa aum. ‘Kayak Nug geha ahilagppanu danab laa da bia nug propet daakkunu epeɗia meeb, ahilagppa gokku,’ awa aum.

Luk 12:5

Amge ag aun baɗidkkulagnu amu, da ag ippunadkkul. Laa nug danab qeeb mauheb, buɗieb padal mak abenppa gokkunu ɠagattag ele amu, ag nuhignu baɗeg! Ao, da ag amelagppa attem, ag nuhignu baɗeg!

Matyu 5:44

Amge da ag amelagppa attem. Ag ahilkad kekeɗnu ag oolag mauhaɗ! Amu aun laala ag ahilagppa eheɗ hadatteb amu, ag Kayak ahilagnu unuqitteg!

Matyu 5:34

amge da ag amelagppa attem. Na keeke laa hekkutnu anana, na nai nahip amu keeke laa onigppa ɠagattag aib qettame. Iittanab. Na hab onig aon, nahip nai aib ɠagattag qettame. Aɗinu? Amuam Kayaknu aben.

Matyu 3:17

Kayak Ouɗi anam ne amu, baag laa hab aabppanu aum. “Imuam da bekkal, da nuhignu ool mauhtte. Nuhignu ele da oolppa enanag doottem,” ewa aum.

Obadaia 1:10

Amu Yawe Nug inam atte. “Aɗinu ag Edom danab, ag anam aoglag? Diig am iikku. Ag ag lailkad Israel danab ah guittak nau mauhnoak madappig. Ag amu heppig amunu, uɗa nak ag tonatta daakku. Ao, geha ahilkad kekeɗ ag ag oɗoɗadppeppeg, ag nauhna autna aoppeg, hanhan anamib daakku.

Prowerb 14:16

Danab doyak dabmak ena ele nug Yawenu ebehi oh bodoetta le me, nug kobol nau hekkunu uua oitte; amge danab nug Kayak dab-ii-maama ii dim lamidtte ele nug am oppoɗi paha paha beebe, kobol mauhnoak, dabmak iitta ele hette.

Sam 7:4

Am da laa, nug dahilnu ooppa maɗoɗ dootte ele amu, da nuhigppa nau hak laa hemi dayeb, o dahil kekeɗ, nug dahilnu eheɗ laa ii heum, da nuhig keeke yab aomi dayeb amu, da aakku beɗulppa aab ele daattem.

Genesis 37:4

Josep awakkud ag mamelag nug Josepnu oo mauhak okkainab dootte, ahilagnu doyom eɗittak doyegeg, ag Josepnu nau ninig ele doon, nug ele nai ena ii madittappig.

1 Jon 5:16

Laa nug layag hipunin hette anidtte, amge hipunin am he, danab mauhtte, amu iitta ele antta amu, nug layagnu Kayak unuqitteb, Kayak Nug heeb, nug layag bau daakku. Nai amuam hipunin nug he, danab ii mauhtte amunuib, amge hipunin laa nug he, danab mauhtte ele amu, da ag amunu unuqidkkulagnu ain ii attem.

Jems 2:20

Na danab dabmak tutukku iitta! Kobol ena hak ooppa genab doyakppa ii betteb dayeb, ooppa genab doyak amuam keeke hamu daatte. Da amu nai imuppa ippunidkkul.

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

Hibru 5:9

Jesus Nug uug amu oh mawom amuppa Nug mana mettak ikki danab daakkunu elelenab mettom, amu Nug danab oh nuhig nai dim lamidtteb ele amu, Nug am ahilag ehanatta eɗua diiak hanhannu diig beum daatte.

1 Korint 6:10

o aun aɗi ag yabhak kobol hetteb, o aun aɗi ag baubau awaknu hik qak kobol dim lamidtteb, o aun aɗi ag le ɠagattag laeg, kaaka aqatte, o aun aɗi ag baeg qak nai maditteb, o aun aun aɗi ag nai ittag ele mattinna yabhoi hak danab daatteb amu, danab ah amu ag oh Kayaknu ɗo maɗoɗ ooppa ii daamna.

1 Korint 6:6

Ag akka ag epeɗiak amu helob, amge iitta ag lailkad dilagppa nug yaak naippa hetteb amu, ag hettoɗiadkkulagnu ag danab Kristusnu oolagppa genab ii dootteb ele, ag ag noolagppa hettoɗiadtteb.

Aposel 5:27

Ag anam ana, diin uɗin heeg, hettoɗiak okkai onig Sanhidren, amuppan danab noolagppa hippaidna daaegeg, mana mettak ikki danab nug amelagppa aum.

Jon 15:25

Am ahilag ɗoppa yaak niitte amu elele medatte. Nai amu inam. ‘Ag dahilnu diig iittappa nau ninig ele dooppig.’

Jon 8:48

Awa a amu Juda ag Jesus oɗeppa aon appig. “Ig nahipnu genab attem. Na Samaria ted, ootppa hahail ele,” aon appig.

Jon 7:20

Nug anam a amu, danab ah ag Nug amegppa appig. “Ouɗi nau laa na beɗunppa daatte. Aun nug na nitteb mauhkkutnu hette?” aon appig.

Mak 15:1

Aria, wagɗe buttuanab amu, mana mettak danab okkai, Juda dilag ikki danab, ɗo mehuqak danab amu Juda dilag hettoɗiak okkai onig Sanhidren, amunu danab ele ag oh qagmena, Jesus mauhkkunu nai qakkona, Jesus eppeg muɗippa qakkana, aon gona, Pailat eppegppa meppig.

Matyu 25:41

Aria, laa nanehppa daatteb ele, da ag amelagppa akkul. ‘Ag laa ag eheɗ laa awaknu anak waappa daatteb amu, ag uuiɗna ukkeg! Ag aab aɗu ii qauha, hanhan eotte ele, Naɗi Nug Satan, amu nuhikkud engel ele dilag heum amu, ag amuppa ukkeg!

Matyu 23:33

Ag danab nau, mat nau bia! Kayak Nug ag hettoɗiakppa maatteb, ag padal mekkulag. Ag attem hena amu ii anidmana?

Matyu 23:15

O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Wan laappanu danab nug Juda kobol aokkunu ag uɗat okkainab, hik aqeeqe hetteb. Heegeg, danab amu nug Juda kobol awa, nug ahilag kobol nau kuɗum ag hetteb, amu eɗittak haaha, ag padal maknu ibppa daatteb, amge nug am padal maknu ibppanab daatte.

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Matyu 12:24

Amge haen ɗo gumak danab-Parasia ag amu doon, ag inam appig. “Umu Nug ouɗi nau ikkilag Belsebub, Nug nuhig ɠagattagppa aakkuib ouɗi nau lamadtte,” aon appig.

Matyu 10:17

Ag dahilad amu, ag wan imuppan danab dilag dabmeig! Danab laa amu ag ag hettoɗiakppa maadna, nai doyak lag ooppa bu qaun eleppa eheɗ mataɗadkkulag.

Obadaia 1:12

Ag uug ag lailkad Juda dilagppa beum haenppa, ag amelag guhigppa ii neekkadlob am ena, amge ag anam neekkadppig. Ao, kekeɗ ag heeg, ag lailkad Juda danab ah nauhppig, ag Edom, ag gamag ahak ii doolob am ena, amge ag gamalag ahom. Uug amu Israel dilagppa be, ag Edom ag akka akka ag onilag ii humalob am ena, amge ag anam heppig.

Daniel 3:19

Satrak, Mesak, Abetnego ele ag anam aeg, Nebukatnesar nug oppoɗi be ameg kokoɗ eppe, nug nuhig dabmak nid ewam dilagnu am eɗua, nug danab uɗat amu gumappig ele ag heppeg, aab ewak huan ewom ele amu, aab amuam huanak naunab nau heppeg eokkununab aum.

Daniel 3:13

Ag Nebukatnesar amegppa anam aeg, Nebukatnesar nug oppoɗi huan be, ameg kokoɗ eppe, nug laa ag Satrak, Mesak, Abetnego ele omaladna dokkulagnunab a, laa ag, ag omaladna uɗippig.

Gayak Nai 3:52

Laa ag da diig iittappa kekeɗ meɗappig amu; ag hikan danab ai qekkunu maditteb bia da mattiɗppig.

Jeremaia 17:11

Danab laa nug laa dilagppa kobol eheɗ ha, en okkai aotte, nug am ai patris ai laanu oppa tona makkultte, nug amubia daatte. Nug enub ele haen elab ii daama. Iitta. Ai laan oppa patris makkulom ele, ai amu ag paha patris uuna, hagagaɗna gokkulag, amubia enub amu iitta mekku amunu, danab nug en kobol amuppa awom ele, laa ag nuhignu nug am danab Kayak dab-ii-maama ii dim lamidtte ele dooglag.” Yawe Nug anam awa atte.

Prowerb 18:6

Danab nug Kayak dab-ii-maama ii dim lamitte ele nug he, laa nug ele naippa nug mehqak hetteb. Ao, nug oɗeppa aɗi atte amu he, danab ah ag nug makkuɗkkulagnu hetteb.

Sam 92:6

Am danab ah ag dabmak pehettak ii aon oitteb ele ag imu ii dootteb. Ao, danab ah ag Kayak dab-ii-menan ii dim lamidtteb ele ag dabmak imunu diignu doyak tutukku laa iitta.

Sam 69:4

Danab ah kuɗum, ahilag ebqak amu da ikkil uɗug ikkilppanu eɗittak daatteb, ag oolagppa dahilnu diig iittappa nau ninig ele dootteb. Genab, da eheɗ heminu ag atteb ele amu, da ii hemi, amge kekeɗ dahilad ag hambuppuna, da eheɗ heminu atteb. Ag ɠagattag daana, da iuppeg mauhkkulnu hetteb. Da ahilag keeke laa yab ii aomi, amge ag da yab aomi anana, duttuniɗna, da keeke amu yab aolom bia nob mekkulnu hetteb.

Sam 49:10

Amuam genab. Aɗinu? Ig oh anidttem. Danab Kayaknu ii dabmena ii dim lamidtteb, kaaka danab ele, ag oh mauhtteb, amge ig ele anidttem, danab ah doyak dabmak ena ele, ag ele mauhtteb. Ag oh mauhna, ahilag en uun ukkaeg, laa ag en amu aotteb.

Sam 35:19

O Yawe, dahilad kekeɗ dilagppa da eheɗ laa ii hemi, amge ag da eɗilkkulagnu hetteb. Anam amun na uuadppe, ag anam hemananu unuqidttem. Ao, danab ag dahilnu diig iittappa nau ninig ele dootteb, ag heppeg, da nein qekkulnu hetteb. Anam amu, na uuadppe, ag heppeg da nein qepanu oɗ medattem.

Sam 25:3

Danab ag nahipnu oolagppa genab dootteb amu, kekeɗ ag ii eɗadtteb, amge danab ag doonna, laa naunab hambuppuidtteb amu, ag uɗa nak aotteb.

Sam 14:1

Am danab ag Kayak dab-ii-menan ii dim lamidtteb ele ag akka ag oolagppa, “Kayak laa ii daatte,” atteb. Danab amu ag diilkad ena iitta, kobol ag hetteb am kobol uɗig wak ele. Auntai laa ena ii hette!

Nehemaia 5:8

da anuqak danab, Juda dilag ehanittak anuqak danab ele amelagppa ami. “Ig lainkad laa, ag am Juda danab ah, ag daɗeknab daaeg, laa heeg, iitta aɗi laa ag ahilkad maɗi nid daaglagnu daden maadppig amu, ig ahilagppan eɗut diignignu ahilkad okkai men doɗo mattaut heeg, ig maɗi nid maɗi ah ele amu ag aɗualadppig ele laala aakku eɗut diimut. Ig men doɗo amu haknu elele aɗat anidmut amu, ig anam hemut. Amge ag anuqak danab, ag Juda dilag ehanittak anuqak danab okkai ele, ag eheɗ henana, ag ig uɗat okkai amu eɗuta hekkunignu hetteb. Ag heeg, maɗi nid daaglagnu gotteb, ig laa men doɗo epput, ag eɗun uɗiglagnu daatte,” awe ami. Da nai amuppa yaalatti, ag oɗelag qamutna daappig. Ag nai laa iitta.

2 Stori 16:10

Propet danab nug anam a, Asa doya, nug nuhignu oo nauhom. Nug oo huana nauhom amunu, nug Hanani maniguittakppa me dayom. Amu haen amuppa Asa nug eheɗ laa ele ha, nug Juda danab laala, ag nug waappa gai-iitta daappig amu, nug ag eheɗ hattom.

1 King 21:4

Jesril danab Nabot nug anam, “Da mamelad aɗi aulag wan ii medapa,” aum amunu, Ahap doya, nug amya, nug eɗua laugppa Samaria ukka, nuhig niiak abenppa niiaya, oo eɗue, gilil daatteppa ukke niiom; ee lanak uuom.

2 Samuel 16:7

Simei nug nai nau amu mattiaya, ewa aum. “Na qe mauhak danab, na ahan ukke! Na danab hamu, nahip-ppa ena laa ii daatte.

2 Samuel 6:20

Dawit nug anam hewowa, haen nug nug baekkudppan ele itittak ena madakkunu ukke amu, Saul aɗeg Mikal nug dimittim uɗia, uɗa ta, amegppa aum. “Na king, na nakka na gemu onin memede! Na danab kaaka, dabmak iitta ele nug lamen iitta oitte, na anam bia hee, nahipad ehanittak ah dilag begbeg maɗi ah, ag na anam anidppig,” awa aum.

Genesis 37:8

Nug anam a, nug awakkud ag appig. “Nahip dabmakppa na ig gumigkkutte? Genab, na ihinig okkai daakkutte?” aon appig. Ag anam anana amu, ag tul niiak nuhignu, nug nai mattiomnu ele, ag nuhignu nau ninig ele huanak dooppig.

Duteronomi 16:18

Yawe, ahilag Kayak, Nug aab oh madakkun hette amu, ag amuppanu epeɗiak danab, amu okkai danab ele otiatteg! Ag Israel dilag huu okkai anen anen, ag anam heig! Ag otiadppeg, geha ag danab ah dilagppa epeɗiak, Israel wan ohppa nai doya mala hettoɗia epeɗia elele mettak kobol dim lamidnana hekkulag.

2 Stori 19:5

Nug anam haaha, nug Juda wanppa danab ag aab okkai ɠagattag aɗ ele anen anen amuppa epeɗiak danab daanna, ag epeɗiak uɗat hekkulagnu tituanattom.

Luk 22:66

Anam amu, aam beebe, Juda dilag hettoɗiak okkai onig Sanhidrennu danab, mana mettak danab okkai amu ɗo mehuqak danab ele ag uɗin qagmeeg, ag Jesus aon gona, ag noolagppa meeg dayom.

Aposel 4:15

Ag anam daanna amu ag Pita, Jon ele, aa Juda dilag hettoɗiak okkai onig Sanhidren, oo ag daappigppa aa uuya aben makkulak laappa goya daaglahnu aeg ukkaeh, ag attem hekkulagnu amu mattina appig.

Aposel 5:21

Engel anam a amu wagɗe buttuanab totol danab 12 ag ahan gona, Kayaknu mettid lag ooppa nona, danab ah amelagppa engel nai akkulagnu aum ele, ag nai amu danab ah ippunadppig. Amu totol danab 12 ag Kayaknu mettid lag ooppa daaegeg, mana mettak ikki danab amu nuhikkud ehanittak danab ele ag qagmena, Juda dilag hettoɗiak okkai onig Sanhidren, amunu danab, amu Israel dilag ikki danab oh onilagppa eeg, ag uɗieg, ag ahilag daup ag maniguittak lakka gona, totol danab 12 diin uɗiglagnu appig.

Aposel 6:12

Ag anam hambuppueg, danab ah, Juda dilag ikki danab amu ɗo mehuqak danab ele ag ottaina, Stivennu eheɗ dooppig. Eheɗ doyeg, ag ahan, nug aɗan, aon Juda dilag hettoɗiak okkai onig Sanhidren, appa gona,

Aposel 6:15

Ag anam hambuppueg, danab hettoɗiak okkai onig Sanhidren, appa daappig, ag oh Stiven amelkad behabe neekkidna, ag nug iɗu engel bia anidppig.

Aposel 22:30

Ag anam heeg, wagɗe deɗ amuppa daup ikki anuqak nug Juda ag Pol beɗuppa nai yaan heppig, amu diig dookkunu nug Pol senppa qagappig amu uhuqowa, nug nai me ukke, mana mettak danab okkai amu Juda dilag hettoɗiak okkai onig Sanhidren, amunu danab oh ele qagmeeg, nug Pol omala doa, ag noolagppa he hibaittom.

Aposel 23:1

Pol nug noolagppa hibaitta dayaya, hettoɗiak okkai danab daappig amu oh neekkattatta, nug aum. “O lailad, da Kayak noobppa oolppan oiyak ippunittaknu ulum ippuniɗom bia oiiyi uɗie, gemu ele oittem,” awa aum.

Aposel 24:20

Anam iitta dayeb amu haen da Juda dilag hettoɗiak okkai onig Sanhidren, amunu qagmakppa daaiyi, aɗi eheɗ laa dahilppa daatte anidppig amu danab uɗin, gemu daatteb, ag tutukku appeg doye!