Matyu 5:18 - Nobonob Baibel

¹⁸ Da genab ag amelagppa attem. Hab wan ele ii qettoɗak haenppa, haen aa daapepeɗ, ɗonu nai huppu nagnag laa, huppu laa oh dilag okkai am imu eɗidtte, huppu amu nuhig uɗat gogppa ii tak dayeb amu, huppu nagnag amu iinab qettoɗma.

Matyu 5:18 Referans Kwoze

Luk 16:17

Geha dimppa hab wan ele amu iitta mekkulah, amge Kayaknu ɗo nai, nuhig huppu laippu laa amu iinab qettoɗma.

Aisaia 40:8

Gikkiɗah bunaɗtte, bala nena qetteb, amge ihinig Kayaknu nai am hanhan daatte.” Baag anam anana, am da anam akkulnu aum.

1 Pita 1:25

amge Naɗinu nai am hanhan daatte.” Amu laa ag Nai Ena ag amelagppa mehuqppig amu, nai amuam nai amu aakkuib.

Mak 13:30

Da genab ag amelagppa attem. Danab ah haen imunu oh iinab mauhadppeg, geha keeke amu oh bekku.

Aisaia 51:6

Ag danab ah ag amelag human, hab anidna, ag honap wan ele antteg! Aɗinu? Qinob dimppa hab nug aab kah iitta mette bia iitta mekku. Ao, wan ele am alag ma, iitta mekku. Ge, danab ah wanppa daatteb amu, ag qabuttid mauhtteb bia mauhkkulag. Keeke oh anam iitta mekku, amge dahil danab ehanatte, padal ii metteb kobol amu, kobol amuam hanhan daakku. Ao, genab tutukku hak kobol dahil am iitta ii mema.

Revelesen 20:11

Da amu anttena amu, da imu ele anidmi. Da sia king okkainab, hakkab ele, amuppa Kayak Nug heɗep na dayeye anidmi. Wan imu, hab ele nug noobppanu ooleh, aben laa aa daaglahnu ii dayom.

Sam 102:26

Na hatame, amge aa iitta mekkulah. Ao, aa am iitta mekkulah, amge na amu hanhan daakkutib. Ge, aa geha lamen alag mette bia, alag meya, iitta mekkulah. Na geha danab nug lamen baolitte, amubia na hab wan ele baoliatppe, laa daaglah. Gemu daattep amu, aa iitta mekkulah.

Jon 5:19

Juda okkai ag amunu eheɗ dooppig amunu, Jesus Nug amelagppa inam aum. “Genabnab genab, da ag amelagppa attem. Kayak Bekka da, dahil dabmakppa keeke laa ii hettem. Iitta. Da Mamel he anidmi amu, da ele anamib hettem. Keeke oh Mama hette amu, Nug Bekka da, da ele hettem.

Matyu 17:20

Aeg amu Jesus Nug ag amelagppa aum. “Ahilag ooppa genab doyak am iitta bia amunu ag elele iitta. Da genab ag amelagppa attem, ahilag ooppa genab doyak nakokib dayeb, ad mastet aeg bia amu, ag keeke okkai hekkulagnu elele. Ao, ooppa genab doyak ahilag nakokib anam dayeb amu ag qauko umunu, ‘Na ahan laih uppa wa!’ appeg amu, geha wakku. Amunu ag aɗi hekkulagnu daatte amu ag hekkulagnu elele.

Matyu 16:28

Da genab ag amelagppa attem. Danab laala gemu ippa hippaidna daatteb ele, ag paha ii mauhmana. Iitta. Tatam ag Danab Bekkalag da, dahil ɗo maɗoɗ ele awen nebippi, ag mauhkkulag,” awa aum.

Matyu 13:17

Amu ele da genab ag amelagppa attem. Kayaknu propet kuɗum amu genab tutukku hak danab aɗi ele ag keeke gemu ag anidtteb ele imu anidkkulagnu oolag huana heum, amge ag laa ii anidppig. Ag nai gemu ag dootteb amu, ag amu dooglagnu oolag huana heum, amge ag ii dooppig.

Matyu 10:23

Amunu haen danab aab okkai laappanu ag eheɗ hadappeg amu, ag oolna, aab okkai laappa ukkeg! Da genab ag amelagppa attem, ag Israel oh dilagppa uɗat hena ii malappeg, Danab Bekkalag da, da eɗue uɗikkul.

Matyu 6:2

Anam amunu, haen na daɗek danab ehanadttem amu, na hambuppuak danab ag nai doyak lakka, o iitta ib manppa ele danab ah ag binalag mekkulagnu hetteb, amubia ag muttub ele daɗek danab aib ehanadppig. Ag lokkumakppa heig! Da genab ag amelagppa attem. Hambuppuak danab, ag anam hetteb amu, ag ahilag hak amunu nob ena oh aakku aon malappig.

Matyu 5:26

Meitteb amu, da genab ag amelagppa attem. Na maniguittakppa daanna, nahip eheɗ hak nob ohnab eɗun medappe, ag od matulppeg, dimittim dokkut.

Sam 119:152

Anukkanab, da nid bau dayeye, da dakka da nahip ɗo ihuhuittette, da nahip ɗo am hanhan daakku anidmi.

Jon 21:18

Jesus Nug anam ana, Nug nai tuɗitta aum. “Da genabnab genab na amenppa attem. Haen na nid bau daanna, na nakka matagiɗ imuanppa takkana, aben na nakka gokkutnu oot dayom amu na amuppa gottame. Amge dimppa haen na kaino mena amu, na eppen humappe, laa nug na matagiɗ imuanppa tagitta, aben na gokkutnu oot ii daatte, amuppa omaitteb gokkut,” awa aum.

Jon 16:23

Jesus Nug anam ana, Nug nai tuɗitta aum. “Geha deɗ amuppa ag keeke laanu da iinab oɗ meɗamna. Da genabnab genab ag amelagppa attem. Mama Nug aɗi keeke ag da onilppa Nug oɗ medappeg amu, Nug ag madakku.

Jon 16:20

Da genabnab genab ag amelagppa attem. Wanppan danab ah wannu kobol dim lamadtteb ele ag oolag gamag ahakku, amge geha ag dahilad daatteb amu, ag naɗi gaaglag; ag oo doyak ele gaaglag. Ag geha oolagppa oo doyak okkai aon daaglag, amge ahilag oo doyak am eɗueb, ag maɗoɗppan gamag ahak dooglag.

Jon 14:12

Da genabnab genab ag amelagppa attem. Laa nug dahilnu ooppa genab dootte ele, nug uɗat da hettem imu, nug ele hekku. Nug uɗat da hettem ele amu, nug uɗat dahil amu eɗittak, okkainab ele hekku. Aɗinu? Da geha Mame toppa gokkul.

Jon 13:38

A amu Jesus oɗeppa awa aum. “Na genab dahil aben aona mauhkkutte? Da genabnab genab na amenppa attem. Na tuqan imuppa, na dahilnu, ‘Da Nug ii doottem,’ aon, haen ewam batak akkut. Na haen ewam anam appe, geha matuk dawai nug gaakku,” awa aum.

Jon 13:16

Da genabnab genab ag amelagppa attem. Maɗi nid nug okkai nuhig ii eɗidtte. Nai awa ukkak danab nug danab nug me gotte ele, nug nug ii eɗidtte.

Jon 12:24

Genabnab genab da ag amelagppa attem. Wit aeg nug qaɗu bekkunu wanppa ii na qekku, aeg nug ele ii nauhkku amu, aeg nug aakkuib daatte, amge nug wanppa na qa nauhkku dayeb amu, nug bau ba, meu huanak otte.

Jon 10:7

amunu, Jesus Nug nai laa mattiaya aum. “Da genabnab genab ag amelagppa attem. Da am ⌊hab aabppa ukkaknu⌋ od oɗe, sipsip ag aɗ ooppa nokkulagnu od oɗeppa notteb, amubia.

Jon 10:1

Jesus Nug nai amu mattia mala, Nug nai imu ele mattiom. “Da genabnab genab ag amelagppa attem. Danab laa nug sipsipnu aɗ odppa ii notte, nug aɗ leta notte ele, danab amu nug am yab danab, amu yab danab naunab ele.

Jon 8:58

Anam aeg, Jesus ag oɗelagppa awa aum. “Da genabnab genab ag amelagppa attem. Abraham ii dayom haenppa da daami, gemu daattem, butti aɗi daakkul,” awa aum.

Jon 8:51

Da genabnab genab ag amelagppa attem, laa nug dahil ippunittak nai awa dim lamidkku dayeb amu, nug iinab mauhma,” awa aum.

Jon 8:34

Anam aeg am Jesus Nug aum. “Da genabnab genab ag amelagppa attem. Aun laa nug hipunin hette amu, nug am hipuninnu begbeg maɗi nid daatte.

Jon 6:53

Anam aeg amu, Jesus amelagppa aum. “Genabnab genab da ag amelagppa attem. Ag Danab Bekkalag da, da teppul tiil ele lakkulagoitte. Iitta dayeb amu, bauklel hanhannu ag oolagppa ii daama.

Jon 6:47

Genabnab genab da ag amelagppa attem. Aun nug dahilnu ooppa genab dootte ele, nug bauklel hanhannu ele awom daatte.

Jon 6:32

Aeg amu Jesus Nug amelagppa aum. “Da genabnab genab ag amelagppa attem. Moses nug hab aabppanu bret ii mattom, amge da Mamel, Nug amu hab aabppanu bret genab ag madatte.

Jon 6:26

Anam aeg amu Jesus oɗelagppa awa aum. “Da genabnab genab ag amelagppa attem. Ag Kayak dabmettaknu kobol danab haknu elele iitta da hemi amu, ag amu anidppig, amge ag diig amunu da ii mattiɗna uɗippig. Iitta. Ag bret laeg, oolag dittiom amunuib uɗippig.

Jon 3:11

Genabnab genab da na amenppa attem. Keeke ig doottem ele amu, ig amunu mehuqttem, keeke ig anidttem ele amu, ig amunu madittem, amge ihinig mattiak amu ag ii aotteb.

Jon 3:5

Nikodemus anam a amu, Jesus oɗeppa awa aum. “Genabnab genab da na amenppa attem. Danab nug leppa, amu Kayak Ouɗippa ele menuak ii aokku amu, nug Kayaknu ɗo maɗoɗ ooppa nokkunu elele iitta.

Jon 3:3

A amu Jesus oɗeppa awa aum. “Da genabnab genab na amenppa attem. Danab nug bau menuak ii aokku amu, nug Kayaknu ɗo maɗoɗ ii anidma,” awa aum.

Jon 1:51

Jesus Nug anam ana, Nug nai baula ele tuɗitta aum. “Da genabnab genab ag amelagppa attem, geha hab aab obateb, Kayaknu engel ag Danab Bekkalag da, da gumiɗna nenan tebeppeg anadkkulag,” awa aum.

Luk 23:43

Nug anam a amu Jesus Nug amegppa aum. “Da genabnab na amenppa attem. Gemu na da ele i oh Paradisppa daagnih,” awa aum.

Luk 18:29

Anam a, Jesus Nug ag amelagppa aum. “Da genab ag amelagppa attem. Danab aun nug Kayaknu ɗo maɗoɗnu ha amu nug laug, nug awakkud, amakkud, nug anig mameg, nug bekkod, aɗekkud ele uuatta, da dim lamiɗtte amu, nug geha haen imuppa hamu ii daama. Iitta.

Luk 18:17

Anam ana, Nug amelagppa aum. “Da genab ag amelagppa attem. Danab nug Kayaknu ɗo maɗoɗ nid nakok aotte amubia ii aokku amu, nug Kayaknu ɗo maɗoɗ ooppa iinab noma,” awa aum.

Luk 13:35

Antteg! Ag ⌊Jerusalem daatteb amu, ag⌋ appalag am geha uɗ ba, aab dakkeɗ bia daakku. Da ag amelagppa attem. Ag da baula paha ii aniɗmana. Iitta. Ag, ‘Laa nug Naɗi onigppa uɗitte amu, ig Naɗi Nug itidkkunu oonig daatte,’ awona, ag da eɗun aniɗkkulag,” awa aum.

Luk 12:37

Am danab okkai nug uɗia, nuhikkud maɗi nid ag ii niippeg anadkku, aria maɗi nid amu, ahilagnu am ena. Da genab ag amelagppa attem. Geha danab okkai nug nukka lamen tutu matagiɗ ele takkowa, nug ab, maɗi nid amu ag balalppa daappeg, nug nukka ag ee madakku.

Mak 14:30

Pita nug anam a amu Jesus Nug oɗeppa awa aum. “Da genab na amenppa attem. Gemu tuqan imuppanab, matuk dawai haen ebqak aɗit ii gayeb, na dahilnu, ‘Da Nug ii doottem,’ aon, haen ewam batak akkut,” awa aum.

Mak 14:25

Da genab ag amelagppa attem. Da wain geha iikku lattem imubia baula paha ii lapa. Iitta. Dimppa da Kayaknu ɗo maɗoɗ ooppa dayeye da baula lakkul,” awa aum.

Mak 14:18

Aria, ag gona tena, balalppa ee lanana, Jesus Nug aum. “Da genab ag amelagppa attem. Ag oolagppanu laippu laa, nug da ele geha iikku ee lattep amu, nug da kekeɗ eppelagppa meiɗkku,” awa aum.

Mak 14:9

Da genab ag amelagppa attem. Dimppa danab ag wan atu ohppa dahilnu Nai Ena adeppa adeppa mehuqnana, ag ah imu keeke heum amu, ag amunu madippeg doon, ag nuhignu dabmekkulag,” awa aum.

Mak 12:43

Me amu Jesus Nug nuhikkud ippunittak awak danab onilagppa e doeg, Nug ag amelagppa aum. “Da genab ag amelagppa attem. Ah qab daɗek imu nuhig men doɗo kunup-ppa meum amu, amuam danab laala meppig ele oh eɗadtte.

Mak 11:23

Da genab ag amelagppa attem! Danab laa nug Kayaknu ooppa genab doyak ele, nuhig dabmak aɗit iitta amu, nug qauko imu amegppa, ‘Na ahan yuppa ukke!’ ab amu, nug anam hekku.

Mak 10:29

Awa a amu Jesus Nug ag amelagppa aum. “Da genab ag amelagppa attem. Danab laa nug dahilnu amu dahil Nai Enanu ele ha, nug anig, mameg, awakkud, amakkud, apakkud, appinkkud, nug wau, bekkod, aɗekkud, nug laug amu nuhig dad okkai ele uuatta, da dim lamiɗtte,

Mak 10:15

Da genab ag amelagppa attem. Danab nug Kayaknu ɗo maɗoɗ nid nakok aotte amubia ii aokku amu, nug Kayaknu ɗo maɗoɗ iinab noma,” awa aum.

Mak 9:41

Da genab ag amelagppa attem. Aun nug ag anatta, ag am dahilad amunu nug da onilppa ag ehanatta, le ougib kap-ppa madatte amu, Kayak Nug danab amu nob ena medakku, Nug daug iinab atima.

Mak 9:1

Jesus Nug anam ana amu, Nug nai baula tuɗitta aum. “Da genab ag amelagppa attem. Danab laala gemu ippa hippaidna daatteb ele amu, ag paha ii mauhmana. Iitta. Tatam Kayaknu ɗo maɗoɗ ɠagattag ele beeb anidna mauhkkulag,” awa aum.

Mak 8:12

Ag hekkunu aeg amu Jesus Nug nai amunu gaɗa tuqak bia doya, Nug aum. “Aɗinu gemun danab ag da Kayak dabmettaknu kobol danab haknu elele iitta heppi anidkkulagnu oɗ meɗatteb? Da genab ag amelagppa attem. Ag gemu daatteb imu amu, ag anidkkulagnu uɗat amubia amu da laa ii hepa,” awa aum.

Mak 6:11

Amge deɗ laa ag aab laappa teppeg, aab amuppan danab ag ag ele laippu dayaknu oolagppa eleleib ii dootteb dayeb, nai ahilag ele ii dooppeg, haen ag ahan, aab amu uunna, ag aab amuppan danab ag eheɗ heppig dooglagnu, ag baelkadppanu gappud heppeg naɗ!” awa aum.

Mak 3:28

Jesus Nug anam ana amu, Nug nai baula tuɗitta aum. “Da genab ag amelagppa attem. Kayak Nug danab ah dilag hipunin oh, nuhignu amu nuhig keekenu dabittak nai ahilag oh ele uhuqa madakku,

Matyu 25:45

Appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa ii heppig amu, ag dahilppa ele ii heppig,’ awe akkul.

Matyu 25:40

Ag anam appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa heppig amu, ag dahilppa heppig,’ awe akkul.

Matyu 25:12

Ag anam appig amge nug aum. ‘Da genab ag amelagppa attem, da ag ii doyadttem,’ awa aum.” Jesus Nug anam aum.

Matyu 24:47

Da genab ag amelagppa attem. Danab okkai nug maɗi nid amu nuhig keeke ohnu ikkilag meeb daakku.

Matyu 24:2

Anam aeg amu Jesus Nug oɗelagppa awa aum. “Ag keeke amu oh anidtteb, amge da genab ag amelagppa attem, men imu laa ag loppaɗppeg, nena qena, laa nug laa qaɗeppa iinab daama. Ohnab loppaɗppeg, honap nena qekkulag,” awa aum.

Matyu 23:36

Da genab ag amelagppa attem. Keeke imu oh am danab ah gemu daatteb ele dilagppa bekku.

Matyu 21:31

Am nid aɗit amu oolahppa aun nug mameg oɗe dim lamittom?” awa aum. A amu ag appig, “Nid tatamnu,” aon appig. Ag anam aeg, am Jesus amelagppa aum. “Da genab ag amelagppa attem. Takis awak danab, amu ib baag ah ele ag Kayaknu ɗo maɗoɗ ooppa noaknu ib nakok paha neegna anidtteb; ag mana mettak danab okkai, Juda dilag ikki danab ele, ahilag neekka anttak eɗittak.

Matyu 21:21

Ag anam aeg, Jesus Nug oɗelagppa awa aum. “Da genab ag amelagppa attem, ag oolagppa genab doonna, dabmak laippu ele daanna amu, ag ele da ad figppa hemi amu, ag amubia hekkulag. Am ag keeke amuib ii hemana. Iitta. Ag qauko imu amegppa, ‘Na ahan yuppa ukke!’ appeg amu, nug anam nokku.

Matyu 19:28

Nug anam a amu Jesus Nug eɗua, ag oh amelagppa aum. “Da genab ag amelagppa attem, keeke oh bau bak haenppa, Danab Bekkalag da, da sia king binag amahlak oppiaawak ele dahilppa daabppi, ag da dim lamiɗtteb ele ag sia king 12ppa daanna, Israel dilag huu okkai 12 amu gumadkkulag.

Matyu 19:23

Jesus Nug anam mattiowa, nuhikkud ippunittak awak danab amelagppa aum. “Da genab ag amelagppa attem, danab nug enub kuɗum ele nug Kayaknu ɗo maɗoɗ ooppa noaknu am uug okkai ele.

Matyu 18:18

Da genab ag amelagppa attem, keeke ag wanppa qakkaglag amu, keeke amu hab aabppa ele qakkak daakku. Aria, keeke ag wanppa uhuqkkulag amu, keeke amu hab aabppa ele uhuqak daakku.

Matyu 18:3

Nug aum. “Da genab ag amelagppa attem, ag oolag ii eɗueb, ag nid naunau ag ⌊mamelkad waalagppa⌋ daatteb bia ⌊Kayak waappa⌋ ii daaglag amu, ag Kayaknu ɗo maɗoɗ ooppa iinab nomana.

Matyu 11:11

Da genab ag amelagppa attem, danab oh ah oolkadppanu doppig elenu laa nug Layattak Jon ii eɗittom, amge danab laa nug Kayaknu ɗo maɗoɗ ooppa danab nakokib daatte, nuhig itittak ena amu Jonnu eɗidtte.

Matyu 10:42

Amu danab laa nug danab hamu onig iitta laa anidtte, amge danab hamu onig iitta amu nug da dim lamiɗtte amunu, danab laa amu nug danab onig iitta ehanitta, nug le ougib kap-ppa medatte amu, da genab ag amelagppa attem, Kayak Nug danab amu nob ena medakku. Nug daug iinab atima,” awa aum.

Matyu 10:15

Da genab ag amelagppa attem; epeɗiak haen okkaippa Sodom, Gomora ele aa nob nau aoglah, amge aab amuam nob amu eɗittak aokku.

Matyu 8:10

Awa a amu, Jesus Nug amu doya, Nug ottaia dabmak kuɗum awawa, Nug danab ah Nug dim lamidppig, ag amelagppa inam aum. “Da genab ag amelagppa attem. Da Israel danab oolagppa, ooppa genab doyak imubia amu, da laa ii anidmi

Matyu 6:16

Amu haen ag ee ohnu kud men daatteb amu, ag iɗulag aib tiguguɗom. Hambuppuak danab ag ee ohnu kud men daatteb, haen amuppa danab laa oh ag anam hetteb anidkkulagnu, ag heeg, iɗulag tiguguɗtte. Da genab ag amelagppa attem. Hambuppuak danab, ag anam hetteb amu, ag ahilag hak amunu nob ena oh aakku aon malappig.

Luk 4:24

Anam awowa amu Nug tuɗitta aum. “Da genab ag amelagppa attem. Propet appag diigppan danab amu, ag nug ii aomna.

Sam 111:8

Nuhig ɗo am hanhan daaglag; ii baolimna. Yawe Nug oo metta ii uuak kobol, kobol tutukku ele dim lamittatta, Nug ɗo amu oh meum.

Aisaia 44:26

Da dahil propet, ag am dahilad maɗi nid, da aɗi nai ag madattem amu, da hei, nai amu meu otte. Ao, da aɗi nai dahil propet oɗelagppa mettem amu, da hei, nai amu genab bette. Amu da Jerusalemnu attem, ‘Israel danab ah ag eɗun, aguppa daaglag.’ Ao, da Juda dilag aab, ‘Danab ag aab amu eɗun bappaladkkulag,’ attem. Ge! Kekeɗ ag Jerusalem, Juda dilag aab naunau ele heeg nauhppig amu, da aab amu ohnu attem. ‘Da heppi, ag ena, babaittak daaglag.’