Matyu 5:14 - Nobonob Baibel

¹⁴ Ag amu wanppanu amahlak. Aab laa nug qaukoppa daatte amu, nug lokkumak ii daatte; laa lokkumkkunu elele iitta.

Matyu 5:14 Referans Kwoze

Jon 8:12

Aria Jesus haen laappa baula danab ah amelagppa nai mattiaya aum. “Da am wanppan amahlak daattem. Aun laa nug da dim lamiɗkku amu, nug gatatuppa ii oima. Iitta. Nug bauklelnu amahlak ele daakku,” awa aum.

1 Tesalonaika 5:5

Ag oh am amahlak bekkod. Yo, ag am amun bekkod. Ig am tuqan danab, o gatatu danab iitta.

Prowerb 4:18

Amu genab tutukku hak danab ippulag am digmakppa ena daatte, gamagppa enanag daatte, batakppa am enanagnab daatte; am aam haɗaedette, amahlak nakok nakok wanppa daye ukke, aam be, amahlak naɗi daatte, amubia daatte.

Jon 12:36

Ag amahlak ele daanna, ag amahlaknu oolagppa genab doyeg! Ag oolagppa genab dooglag amu, ag amahlak bekkod daaglag,” awa aum. Jesus nai amu awowa uuatta, ag amelagnu lokkumom.

2 Korint 6:14

Laa nug Jesusnu ooppa genab dootte ele, nug laa, Jesusnu ooppa genab ii dootte ele, nug nug ele layamnab aib dayom. Amu elele iitta. Aɗinu? Genab tutukku hak kobol, amu nau hak kobol ele aa oh laippu ouaqataknu elelete? Amahlak amu gatatu ele oh laippu ouqettepte?

Jon 5:35

Jon nug amu lam amahaltte bia, nug amahlak ag mattom. Matte, ag haen tutu amunu oolag ena daye, gamag ahak dooglagnu ena dooppig.

Revelesen 1:20

Na da eppel naɗiap-ppa hoɗoppai eblaih aɗit ele anidme, lam maknu balal eblaih aɗit ele, ele anidme amu, amunu diig am inam. Hoɗoppai eblaih aɗit ele am Kristen tamaniak eblaih aɗit ele, amu dilag ikki danab. Lam maknu balal eblaih aɗit, amuam Kristen tamaniak eblaih aɗit amu aakku,” awa aum.

Jon 9:5

Da wan imuppa dayeye, da wanppan danab ah amahlak madattem,” awa aum.

Revelesen 2:5

Na tatam daame, amuppanu na qakppa daattem amu, na dautppa doaɗ! Dautppa dob, oot eɗueb, hak nahip tatam heme ele amu baula he! Na oot ii eɗukkut dayeb, da nahip-ppa ukken, lam maknu balal nahip amu abenppanu eɗue aokkul.

Esekiel 5:5

Amu Naɗi Yawe, Nug inam atte. “Imuam Jerusalem. Da hei, aab imuam wan oh oolagppa gamagppanab daye, wan laala Jerusalem talilidna daatteb.