Matyu 4:23 - Nobonob Baibel

²³ Jesus Nug danab amu onilagppa ewowa, Nug Galili wan ohppa oiyaya, Nug Juda dilag nai doyak lakka nai ippuanatta, Kayaknu ɗo maɗoɗnu Nai Ena mehuqa, Nug oɗe oh, aria keeke nau danab ah beɗulag heeg nauhom, Nug amu oh danab ah aqappig ele bappalattom.

Matyu 4:23 Referans Kwoze

Matyu 9:35

Aria, Jesus Nug ukka, aab nakok okkai ohppa, amu aab nakok ele ohppa oiyaya, Nug Juda dilag nai doyak lakka nai ippuanatta, Kayaknu ɗo maɗoɗnu Nai Ena mehuqa, Nug oɗe oh, aria keeke nau danab ah beɗulag heeg nauhom, Nug amu oh bappalattom.

Mak 1:39

Nug anam ana, Nug aha, Galili wan oh talilitta oiyaya, Nug Juda dilag nai doyak lakka nai mehuqaqa, ouɗi nau danab beɗulagppa daappig ele lamattom.

Aposel 10:38

dimppa Kayak he, nuhig Ouɗi Nug Jesus, Nasaret ted, Nug ooppa ambe, ɠagattag okkai ele mettom amunu, Nug Galili appa digma, aabaab oiyaya, danab ah ehanatte, danab oh Satan he ena ii daappig ele amu, Nug bappalatte, ag eɗun ena daappig. Aɗinu? Kayak Nug ele daapiɗ,” awa aum.

Luk 7:22

Amunu Jesus Nug ahilah nai amu eɗua nob ma amelahppa aum. “Aa goya, gemu aa aɗi anidpiɗ, aɗi daulahppa doopiɗ ele aakkude Jon amegppa apeɗ doyaɗ! Danab ag amelag gaɗuak ag eɗun neegtteb, baelag nau autaut oitteb amu, ag ena oitteb, gaɗalag oɗe nau ele amu, oɗe amu iitta mette, daulag ituak amu, ag eɗun nai dootteb, danab mauhppig ele, ag eɗun bau daatteb, amu daɗek danab ag Nai Ena dootteb.

Matyu 11:5

Amelag gaɗuak ag eɗun neegtteb, baelag nau autaut oitteb amu, ag ena oitteb, gaɗalag oɗe nau ele amu oɗe amu iitta mette, daulag ituak amu ag eɗun nai dootteb, danab mauhppig ele, ag eɗun bau daatteb, amu daɗek danab ag Nai Ena dootteb.

Matyu 13:54

Nug appag diigppa ukka, nug Juda dilag nai doyak lakka digma, danab ah amelagppa Kayak nai mehuqom. Nai mehuqe, ag dabmak kuɗum aona appig. “Doyak dabmak ena ele imu, kobol danab hekkunu elele iitta haknu ɠagattag ele amu, imu oh amu, Nug adeppanu awom?

Mak 1:21

Aria, ag Jesus dim lamitteg, ag oh ahan Kaperneam goppig. Gona daanna, Nug Sabat deɗppa Juda dilag nai doyak lakka appa ta, Kayaknu nai ippuanattom.

Sam 103:3

Nug dahil hipunin oh uhuqa meɗa, dahil oɗe ele qe iitta mette.

Rom 10:15

Amu laa ag mehuqak danab laa ii otialadna maadppeg gokkulag amu, ag attem hena, nai mehuqkkulag? Kayak naippa, nai daatte bia. “Danab laa nug uɗia, danab ah amelagppa nai ena maditte, danab ah laa oh dilag neekkakppa amu, danab amu nug enanag hette anidtteb,” awa atte.

Luk 8:1

Haen laa dimppa Jesus Nug ukka, aab nakok okkai, aab nakok ele laalappa oiyaya, Kayaknu ɗo maɗoɗnu Nai Ena mehuqa, danab ah ippuanattom. Nuhikkud ippunittak awak danab 12 ag Nug ele oiyegeg,

Mak 6:2

Ag gona tena daanna, Sabat deɗppa Nug Juda dilag nai doyak lakka ta, digma Kayaknu nai ippuanattom. Ippuanatte amu danab ag doona, dabmak kuɗum aona appig. “Danab imuam attemun? Aun danab imu doyak dabmak ena ele imu oh mettom? Nug attem ha kobol danab haknu elele iitta laala hette?

Matyu 24:14

Amu danab ah oh dooglagnu ag Kayaknu ɗo maɗoɗnu Nai Ena wan atu ohppa mehuqppeg, danab ah dooppeg, geha haen amuppa gog tak haen bekku.

Matyu 12:9

Awowa Jesus Nug aben amu uua aha, ahilag nai doyak lakka ukkom.

Jon 18:20

Oɗ mette amu Jesus Nug oɗeppa awa inam aum. “Da Juda danab ah qagmettebppa, ag amelagppa miag atiakppa nai mattimi. Da nai doyak lag kuɗumppa, amu mettid lag ooppa ele ippunittak maadttami. Da lokkumakppa laa ii mehuqttami.

Luk 13:10

Aria, Sabat deɗppa Jesus Nug ahilag nai doyak lag ooppa danab ah nai ippuanattette,

Luk 9:11

Ukkaeg dimppa, danab ah kuɗumnab ag amu doon, ag dim lamidna gona, gumidna waeg, Jesus Nug ag ele laippu dayaknu ooppa eleleib doya, Nug Kayaknu ɗo maɗoɗnu nai amelagppa mehuqaqa, oɗe danab amu he ena daappig.

Luk 5:17

Deɗ laa Jesus Nug danab ah nai ippuanattatta dayeye, ɗo gumak danab-Parasia amu ɗo mehuqak danab ele, ag Galilinu aab ohppanu, Judanu, amu Jerusalemnu ele uɗin daaegeg, Jesus Nug nai mehuqom. Naɗinu ɠagattag am Jesus Nug oɗe danab heeb ena daaglagnu ele nuhigppa dayom.

Mak 6:6

Ag oolagppa genab ii dooppig amunu, Nug dabmak kuɗum awa, Nug aab amuppanu aha, aab laalappa ukka, Kayak nai mehuqom.

Mak 3:10

Diig aɗinu danab ag Jesus hautkkulagnu heppig? Jesus Nug oɗe danab kuɗum bappalattom amunu, deɗ amuppa ele oɗe danab kuɗum danab ah oolagppa daanna, Jesus gumidna wana, Nug beɗu aɗaglagnu wagai meppig.

Mak 1:14

Aria, haen amu male, Herot Antipas nug Layattak Jon maniguittakppa me dayeye, Jesus Nug aha, Galili ukka, Nug Kayaknu Nai Ena mehuqom.

Sam 74:8

Ag amu hewona, ag ihinignu, “Ig hepput, ag nauhna autna aoglag!” dabmeppig. Ao, ag ihinig wanppa aben oh ig na Kayak, ig na binan memut ele amu, ag amu oh amotatteg eon malappig.

Aposel 20:25

Ag doyeg! Anukka da ag oolagppa oiyeye, da Kayaknu ɗo maɗoɗnu nai amelagppa mehuqmi, am gemu da doottem, ag oh da iɗul baula ii anidmana.

Aposel 18:4

Ag uɗat amu henana, Pol nug Sabat deɗ ohppa amu Juda dilag nai doyak lakka noono, nug ag ele nai mattina, nug heeb Juda amu Grik ele ahilag dabmak amu eɗun, ag Jesusnu oolagppa genab dooglagnu oolag yom.

Jon 6:59

Jesus Nug Kaperneamnu nai doyak lakka appa danab ah ippuanattatta, nai amu mattiom.

Luk 10:9

Aab amuppan oɗe danab amu, ag heppeg ena daappeg, ag amelagppa, ‘Kayaknu ɗo maɗoɗ aakku ahilagppa miag doum daatte,’ aon aig!

Luk 6:17

Amu Jesus Nug nuhikkud totol danab ele ag oh nona gona, Nug wan uɗem enappa hibaitta dayom. Nuhikkud ippunittak awak danab kuɗumnab, amu danab ah kuɗumnab laa, ag Judanu, Jerusalemnu amu, aab okkai aɗit Tair Saidon ele, amu dilah wanppanu ele oh uɗieg daappig.

Matyu 14:14

Ag anam heeg, haen Jesus ukka eeɗa, danab ah kuɗumnab ag gona daaegeg anatta, Nug ahilagnu oo bodoetta le me, ahilkad danab ah oɗe ele bappalattom.

Matyu 13:19

Haen danab laa nug Kayaknu ɗo maɗoɗnu nai doya, oo ii maidtte amu, Satan nug paha he, Kayak nai nug ooppa dayom iitta mette. Ee aeg ibppa nena qeppig ele amu, nai amu anam ippunigtte.

Matyu 3:2

Nug nai mehuqaqa inam aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Jon 7:1

Keeke amu oh dimppa Jesus Nug laih Galili appa ukka oiyom. Juda wanppanu Juda okkai ag Nug qeppeg mauhkkunu heppig amunu, Nug wan amuppa oiyaknu uua aha ukka, Galili appa oiyom.

Luk 20:1

Am deɗ laa Jesus Nug Kayaknu mettid lag ooppa danab ah nai ippuanattatta, Nug Nai Ena amelagppa mehuqeqe, mana mettak danab okkai amu ɗo mehuqak danab am Juda dilag ikki danab ele ag Jesus gumidna gona,

Luk 4:14

Aria, Satan nug Jesus oo eeɗa male, Kayak Ouɗinu ɠagattag Jesus nuhigppa ambak dayeye, Jesus eɗua, Galili ukke, nuhignu nai amu ukke, appanu oh dooppig.

Luk 6:6

Deɗ laa, Sabat deɗppa, Jesus Nug Juda dilag nai doyak lakka noa, danab ah nai ippuanattatta, danab laa eppeg naɗiap mauhak ele appa dayeye anttom.

Luk 7:21

Haen amuppanab Jesus Nug danab ah kuɗum ag oɗe digdig ele amu he ena daaegeg, Nug ouɗi nau kuɗum lamattatta, ameg gaɗuak kuɗum Nug he, ag amelag oppate ag neegppig.

Luk 9:60

Anam a amu Jesus Nug oɗeppa awa aum. “Uuppe! Mauhak aɗi, ⌊ag danab dahil uɗat haknu dab-ii-metteb ele amu,⌋ ag mauhak lailkad boumatteg! Amge na gona, Kayaknu ɗo maɗoɗnu nai mehuqe!” awa aum.

Luk 16:16

Ɗo nai, amu Kayaknu propet nai ele, anukka danab ag amu mehuqegeg uɗie uɗie, Layattak Jonnu haen batak; amu Layattak Jonnu haenppa uɗie, gemu ele amu ag Kayaknu ɗo maɗoɗnu Nai Ena mehuqtteb. Amu danab oh ag Kayaknu ɗo maɗoɗ amu ooppa nokkulagnu wagai metteb.

Aposel 28:31

Nug baɗak iitta ele Kayaknu ɗo maɗoɗnu nai, Naɗi Jesus Kristus, nug nuhignu nai ele danab ah ippuanattatta mehuqom. Nug anam heehe, danab laa nuhignu aib ii aum.