Matyu 4:12 - Nobonob Baibel

¹² Amu Jesus Nug Jon maniguittakppa meppig doya, Nug aha, Galili ukkom.

Matyu 4:12 Referans Kwoze

Mak 1:14

Aria, haen amu male, Herot Antipas nug Layattak Jon maniguittakppa me dayeye, Jesus Nug aha, Galili ukka, Nug Kayaknu Nai Ena mehuqom.

Luk 3:20

Daug bate amu Herot nug daug batak nai amu doya, nug kobol nau nuhig amu tuɗitta, Jon awa, maniguittakppa meum.

Matyu 14:3

Amunu diig am Herot, Pilip ele, aa eamag, amu Herot nug Pilip wau Herodias aɗitta awe, Jon nug Herot amegppa aum. “Na nug wau aome, amuppa na ɗo tippalme, kobol amuam ena iitta,” awa aum. Nug anam awa attom amunu, Herot nug Jon hippala, maniguittakppa meum.

Jon 3:24

Amuam Herot Antipas nug Jon ii maniguittom, haen amuppa beum.

Luk 4:14

Aria, Satan nug Jesus oo eeɗa male, Kayak Ouɗinu ɠagattag Jesus nuhigppa ambak dayeye, Jesus eɗua, Galili ukke, nuhignu nai amu ukke, appanu oh dooppig.

Mak 6:17

Amu Jon nug maniguittakppa ii dayom haenppa amu, Herot nug Pilip, aa eamag amu, nug Pilip wau Herodias aɗitta awom. Awe amu Jon nug Herot amegppa, “Na nug wau aome, amuppa na ɗo tippalme, kobol amuam ena iitta,” awa attom amunu, Herot nug a, nuhikkud daup danab ag gona, Jon aɗan, aon gona, maniguittakppa meppig.

Jon 4:54

Jesus Nug Judanu Galili uɗia, Nug Kayak dabmettaknu kobol danab haknu elele iitta ebqak aɗit aakku heum.

Jon 4:43

Deɗ aɗit amu uue, Jesus aha, Galili ukkom, amge appag diigppanab ii ukkom. Aɗinu?

Luk 4:31

Amu Jesus Nug aha, Galilinu aab Kaperneam appa ukka, amuppa nug Sabat deɗppa nai ippuanattom.

Matyu 11:2

Mehuqeqe, Jon nug maniguittak ooppa dayaya, Kristus uɗat oh heum doya amu nug nuhikkud ippunittak awak danab ⌊aɗit⌋ maate, aa nuhig oɗmak aoya, Jesus toppa gopiɗ.

Luk 23:5

Nug anam aum amge ag tuɗidna ɠagattag appig. “Nug Juda laih ohppa danab ah amelagppa biig yaak nai mattie, ag ahilag dabmak manin ii daatte. Nug kobol amu Galilinu digme uɗia, ippa ele he beum,” aon appig.

Jon 1:43

Wagɗe deɗ amuppa Jesus Nug Galili gokkunu dabmaama, Nug Pilip, nug am Betsaida ted, nug Andru, Pita ele, ag oh appalag laippu amu, Jesus Nug nug mattia antta amu nug amegppa aum. “Na da dim lamiɗe!” awa aum.

Jon 2:11

Aria, Jesus Nug amu heum amu, amuppa Nug Kayak dabmettaknu kobol danab haknu elele iitta, kobol amu hekkunu digma heum. Nug Galilinu aab Kana appa anam ha, amuppa Nug Nug binag amahlak oppiaawak ele he miag atie, nuhikkud ippunittak awak danab ag nuhignu oolagppa genab dooppig.