Matyu 28:9 - Nobonob Baibel

⁹ Aa anam ukkaeheh amu, antte! Jesus aa uɗalti teum. Nug ta amu Nug, “Buttua ena,” awa aum. Jesus anam a amu aa Nug gukkuidya waya, baeg aɗaya, aa dup noa binag mak hepiɗ.

Matyu 28:9 Referans Kwoze

Matyu 28:17

Gona, appa ag Nug anidna, nug noobppa dup nona binag meppig, amge laala ag oolagppa dabmak aɗit ele dayom.

Matyu 14:33

Ulah toette, uub attan daappig ele ag Jesus noobppa dup nona binag mena appig. “Genab na am Kayak Bekka,” aon appig.

Jon 20:28

Nug anam a amu, Tomas oɗeppa awa aum. “Na dahil Naɗi! Na dahil Kayak!” awa aum.

Luk 24:52

Nug anam he, ag maɗoɗppan gamag ahak naɗi ele Nug binag mena, ag eɗun Jerusalem goppig.

Jon 12:3

Ee lanana, Maria nug leppu muttuɗig enanag, uug nuhig 350 gram, nuhig daden okkai ele amu, nug amu awa, Jesus baeg gokkaɗ qettowa, ikki uɗugppa Nug baeg oppiom. Ag leppu amu bala laa onig nad, amuppaib heppig. Anam he, leppunu muttuɗig lag amu oh tona malom.

Luk 7:38

Jesus baegppa, guguitta dimugppa hibaitta gayaya dayom. Ameg leb gokkaɗa, Jesus baegppa ne amu, ikki uɗugppa oppiaya, Jesus baeg ootuqittowa, leppu muttuɗig enanag ele Jesus baeg gokkaɗ qettom.

Revelesen 3:9

Iikkud antte! Da heppi laa ag, ‘Ig am Juda,’ aon atteb, amge ag am Juda tutukku iitta, ag am Satannu daupib, ag geha na noomppa dup nokkulag, da nahipnu ool mauhtte ele dooglag.

2 Korint 13:11

O lailad, da gemu nai bagqein, da ag humadttem. Ag tutukku elelenab bena daaglagnu dabmak aon oiyeg! Ag da nai attem imu doona, ag dabmak laippu aɗan, oolag laippu mena, maɗoɗ dayeg! Ag anam heppeg amu Kayak, Nug oo mauhak diig, oo maɗoɗ diig ele daatte, Nug ag ele oh daaglag.

Jon 20:19

Aria, mettid digmakppanu deɗ, deɗ amuppa gatatu ne, Jesusnu ippunittak awak danab ag Juda dilag okkai baɗadna, lag ooppa od lok qak ele daaegeg, Jesus uɗia tula, ag oolagppa hibaitta, ag amelagppa aum. “Ag maɗoɗ ele dayeg!” awa aum.

Luk 1:28

Gabriel nug Maria gumitta noa, humitta aum. “O ah makkun, na maɗoɗ ele daye! Naɗi Nug na itittom. Nahip itittak ena am ah laa oh dilag itittak ena eɗidtte. Nug na ele daattep,” awa aum.

Aisaia 64:5

Danab ah ag oolag gamag ahe, ib tutukku dim lamidtteb, ag nahip ib daulagppa doowo oitteb ele amu, na ag ehanadkkutnu uɗittem. Amge ig nahip ib uuta, ig tuɗidta, ihinig ib mattat gota, hipunin hemut amunu, na oot nauhom. Amu ig na ippunppa ii gokkunig dayeb amu, attemu ig padal mematanu ehanittak aognig?

Matyu 23:7

amu ee oɗiak abenppa ele danab ah ag humadkkulagnu, ahilagnu, ‘Ippunittak danab,’ akkulagnu ele oolag mauhtte,” awa aum.

Matyu 28:8

Engel anam a amu ah aɗit aa baɗapiɗ, amge maɗoɗppan gamag ahak okkainab ele dooya, moɗ uuya, nuhikkud ippunittak awak danab amelagppa akkulahnu qaiqaɗ gopiɗ.

Matyu 28:10

Aa anam heeh amu, Jesus Nug aa amelahppa aum. “Aa aib baɗapiɗ! Aa goya, da lailadnab amelagppa apeɗ doona, ag Galili gona, appa da aniɗeg!” awa aum.