Matyu 27:60 - Nobonob Baibel

⁶⁰ Nug itowa, nuhig moɗ bau menppa babaittom amuppa meum. Mewowa, men okkai laa buɗibɗib mette ukka, moɗ oɗe qehakkom. Nug anam hewowa amu, nug ukkom.

Matyu 27:60 Referans Kwoze

Aisaia 53:9

Nug nau hak danab oolagppa mauhom, amge danab enub ele boumtteb, amubia ag nug boumppig. Ag heeg, nug mauhom, amge nug laa dilagppa eheɗ laa ii heum, oɗeppa nai hambuppuak ele ii dayom.

Matyu 28:2

Ukkaeheh am mim okkai neum. Aɗinu? Naɗinu engel laa hab aabppanu na, moɗppa ukka, men buɗibɗib mette ukke, ameg kola, men amu qaɗeppa heɗep na dayom.

Matyu 27:66

Nug anam a, ag gona, hag maknu epponak keeke laa menppa mewona, ban danab laa maatteg, moɗ amu guman daappig.

Jon 20:1

Sabat amu ukka male, mettidnu deɗ digmakppa Maria, Makdala ted, nug buttuanab gatatu ele moɗppa ukka, men naɗi moɗ ameg qehakkom amu, laa nug men amu buɗibɗib mette ukka, moɗ amegppa ii dayeye anttom.

Luk 24:2

Ag gona, men naɗi moɗ ameg qehakkom amu laa nug buɗibɗib mette ukka, moɗ amegppa ii daye anidna,

Genesis 50:5

“Da mamel nug mauhak haen nuhigppa da amelppa inam aum. ‘Da mauhkkul hettem amunu, na da Kanan wanppa, boumak aben da bappaidmi ele, na appa boumiɗkkutnu nahip nai ɠagattag qena, appe doyei!’ awa aum. Nug anam aum amunu, da dahil nai ɠagattag qein, da anam mattimi amunu, da anam hekkulnu ool daatte. Na appe, da ukke, Kanan wanppa da mamel boumoya, da eɗuen uɗikkul.” Josep nug anam awa atte,’ aon aeg!” Josep nug ag Paro amegppa anam akkulagnu ag amelagppa anam awa aum.

Aisaia 22:16

‘Sepna, na ⌊hee, maɗi nid nahip ag men oɗe enanag⌋ nahip boumak aben daakkunu aoeg, nahip boumak aben aakku heppig. Ao, na gaɗan aben ⌊enanagppa⌋ daakkunu na ⌊hee, danab ag⌋ men oɗe amu hoieg ukke daatte. ⌊Amge⌋ na ippa aɗin daattem? Ippa na laipad laa elete, amunu na nahip boumak aben anam iikku bappaidme?’ ” awa aum.

Matyu 27:59

Ag Josep mettaeg, nug Jesus gaɗa awa, linen lamen dubuttid iittappa itom.

Jon 11:38

Aria, Jesus aakku anam baula oo hik boppane, Nug moɗ guguitta waum. Moɗ amuam men oɗe laa, amu ag men laa buɗibɗib metteg ukke, men oɗe qehagppig.

Jon 11:41

Jesus anam a, ag men oɗe ameg matulppig. Matuleg, Jesus hab attan neekkakka aum. “Mame, na unuqittak dahil doome amu da amunu, ‘Ena heme,’ awe attem.

Jon 19:41

Amu dad laa, ag Jesus ad emaitakppa atulppig ele, aben amu guguittak, appa dayom. Dad amuppa men oɗe bau, anukka danab gaɗa amuppa laa ii meppig ele, amuppa dayom.