Matyu 27:54 - Nobonob Baibel

⁵⁴ Amu ban daup 100 dilag ikki nug, amu daup laa ag nug ele daanna Jesus guman daappig, ag mim ne, keeke laala oh ele beeg anidna, baɗak eheɗ nau doon appig. “Genab, danab imu Nug Kayak Bekka!” aon appig.

Matyu 27:54 Referans Kwoze

Mak 15:39

Jesus mauhe, ban daup 100 dilag ikki nug Jesus noobppa dayom, nug Jesus attem mauhom antta, nug aum. “Genab, danab imu Nug Kayak Bekka!” awa aum.

Matyu 27:36

Amu dimppa ag Jesus gumana, appa daappig.

Matyu 27:43

Nug Kayaknu ooppa genab dootte amunu, Kayak Nug nuhignu oo heeb amu, geha iikku Nug ehanittaɗ! Aɗinu? Nug aum, ‘Da Kayak Bekka,’ ” aon appig.

Aposel 27:43

Ag anam heppig, amge ban daup 100 dilag ikki nug Pol ehanidkkunu oo ha, ag anam ii hemananu ana, nug danab oh laa ilog mak doodppig ele ag tatam uubppanu oolna, yuppa ilog men gona, yu ihippa gokkulagnu aum.

Aposel 27:1

Ag nai mattin, ig Itali wannu aab okkai Rom gokkunignu dabmak awona, ag Pol nug, amu maniguittak danab laala ele, ag ban daup 100 dilag ikki onig Julius, nug gumadkkunu nug eppegppa meppig. Nug am ban daup dilag huu laa onig Sisarnu huu, nug am amunu laa.

Aposel 23:23

Aria, ban daup ikki anuqak nug nai amu doya, nug ban daup 100 dilag ikki aɗit onilahppa e doeh, amelahppa aum. “Aa ban daup 200 diiya, danab 70 hosppa gokkulagnu ele diiya, ban daup 200 laa ag ban aɗatteb ele diipeɗ bappaidna, ag tuqan nain kilok amu Pol omalna Sisaria gokkulag.

Aposel 21:32

Nug doya, paha aha, ban daup 100 dilag ikki laala amu daup laala ele diie, ag qaiqaɗ Pol Juda ele gumadna noeg, haen Juda ag ban daup dilag ikki anuqak, daup ele noppig anadna, ag Pol baula ii makkuɗppig, uuppig.

Matyu 8:5

Amu haen Jesus Nug ukka Kaperneam te amu, ban daup 100 dilag ikki laa nug uɗia, Jesus ehanidkkunu inam oɗ mettom.

Matyu 4:3

Enug qeeqe amu, eheɗ haknu oo eeɗak danab nuhigppa beum. Ba amu nug aum. “Na Kayak Bekka daattem dayeb amu na appe, men imu eɗua bret baɗ!” awa aum.

Revelesen 11:13

Anam amu, haen amuppanab mim okkai laa ne, aab okkai amuppa lag 10 oolagppa laippu nauhom, lag 10 laa oolagppa laippu nauhom, amu aab okkai ohppa anamib beum. Amu danab 7,000 mim amuppa mauhppig. Laa oh bau daappig ele ag baɗak eheɗ nau dooppig. Baɗak eheɗ nau doon, ag Kayak binag amahlak oppiaawak ele medappig.

Rom 1:4

Nug doa, ad emaitakppa mauhe, Kayak Ouɗi Nug nuhig ɠagattagppa he, Nug eɗua hibaittom, amu amuppa Kayak Ouɗi Nug he, Jesus Nug am Kayak Bekka miag atia malom; Nug am Jesus Kristus, ihinig Naɗi.

Aposel 23:17

Pol nug nai amu doya amu, nug ban daup 100 dilag ikki laa onigppa e do, nug aum. “Na nid bau imu omalna, ban daup ikki anuqak toppa goppe, nug nai laa ab dookkunu atte,” awa aum.

Aposel 10:1

Aria, iitta aɗi danab laa Sisaria dayom, onig Kornilius. Nug ban daup 100, onig Itali daup, nug amu dilag ikki dayom.

Aposel 2:37

Ag nai mattie doona, nai amu ag oolagnab yom amunu, ag ahan, Pita, amu totol danab 11 ele ag amelagppa inam appig. “O ig lainkad, geha ig attemtai hekkunig?” aon appig.

Jon 19:7

Pailat anam a amu ag appig. “Ig ɗo ele, amu ihinig ɗoppa amu Nug mauhkkuoitte. Aɗinu? Nug, ‘Da am Kayak Bekka,’ aum,” aon appig.

Luk 22:70

Jesus anam a amu, ag oh appig. “Aakku amunu na am Kayak Bekkate?” aon appig. Aeg amu Nug amelagppa aum, “Ag anam atteb,” awa aum.

Matyu 27:40

“Na, na am Kayaknu mettid lag loppaɗna, eɗun deɗ ewamppaib hekkutnu ame amu, na Kayak Bekka daattem dayeb, na nakka na ehanidna, na beɗun uhuqna, na ad emaitakppanu nee!” aon appig.

Matyu 26:63

Nug anam aum, amge Jesus Nug nai nakok laa ii mattiom. Aria, baula mana mettak ikki danab Nug amegppa aum. “Da Kayak bauklel onigppa da na amenppa attem. Na nai genab tutukku a! Na genab Kristus, Kayak Bekkate o iitta?” awa aum.

Matyu 27:51

Nug mauhom, haen amuppa Kayaknu mettid lag ooppa, lamen naɗi aiheg dayom attannu kattiɗa ukka, honap noa, aɗit meum. Anam amu, wan uɗale, men ele aoɗppig.