Matyu 27:52 - Nobonob Baibel

⁵² Boumak aben laala ele matulatte, Kayaknu danab ah oppiaawak ele kuɗum anukka mauhadppig amu Kayak he, ag eɗun hippaidppig.

Matyu 27:52 Referans Kwoze

Aisaia 26:19

Ig anam daamut, amge ⌊O Yawe, nahipad⌋ huu mauhna, moɗppa daatteb, ag geha eɗun ahaglag. Ag beɗulag eɗua, bau ahakku. O ag danab ah, ag matmatppa niitteb amu, ag eɗun, bau ahan gamalag ahebeb, ag eig! Aɗinu? Yawe Nug heeb, tuqan baito wan qaɗaiettakppa na, leppu mette, gikkiɗah bau bette, amubia ag moɗppa daatteb ele, ag eɗun ahaglag.

1 Tesalonaika 4:14

Ig Jesus Kristus mauhowa, eɗua hibaittomnu oonigppa genab doottem amunu, ig Kayak Nug heeb, laala ag Jesusnu oolagppa genab doona mauhppig amu, Jesus ag ele omalatteb uɗiglagnu ele oonigppa genab doottem.

1 Korint 15:20

Amge anam iitta. Kristus Nug mauhe, Kayak Nug genabnab he, Nug eɗua hibaittom. Nug datta ee tatam oɗue digmen aotteb, amubia Nug danab mauhak amu, Nug ag oolagppanu Nug tatam anuqa eɗua hibaittom.

Daniel 12:2

Kuɗumnab, ebqaknu iitta huanaknab moɗppa niitteb ele, ag eɗun ahaglag. Laa ag bauklel hanhannu aoglag; laa ag uɗa nak nau, laa noolagppa keeke hamunab doyak ele hanhannu aoglag.

Aisaia 25:8

Naɗi Yawe Nug geha mauhak amu heeb iitta meeb, geha mauhak amu ahilagppa ii bema; hanhan anamib daakku. Nug geha danab ah oh amelag leb amu oppieb, iitta mekku. Amu Nug geha danab ah nuhikkud wan ohppa uɗa nak nau guittak ele ahilagppa daatte amu heeb, iitta mekku. Yawe Nug anam mattiom daatte amunu, am anam bekku.

1 Tesalonaika 5:10

Nug ig ehanigkkunu mauhom amunu, ig bau daagnig o iitta ig mauhkkunig amu, ig Nug uɗikku amu, ig Nug ele bauklel haen oh daagnig.

1 Korint 15:51

Antteg! Da nai tonak daatte ag amelagppa iikku otule, miag madittem. Ig Kristen oh amu ii mauhmata. Iitta! Kristen aun aun ag gogtak haenppa trampet gayebeb, bau daanna, ag ii mauhmana. Ag am ii mauhmana, amge ig oh, mauhak am ii mauhak ele, haen amuppa Kayak heeb, ig baolignig. Yo, ig pahanab, paha paha amuhpapaɗ qak bia, Kayak heeb, ig baolignig. Trampet amu gayebeb, Kayak Nug heeb, danab mauhppig ele amu ag beɗulag laa, beɗulag amu ii nauhma, beɗulag amu ele eɗun hippaidkkulag. Amu ig laa, ig haen amuppa bau daagnig ele amu, Kayak heeb, ig ele baolignig.

Hosea 13:14

Da geha ehanittak okkaippa ag moɗnu qagaiettakppanu uhuqadkkul. Ao, da mauhaknu qagaiettakppanu eɗua uhuqak hein madakkul. Da anam heppi, danab ah ag akkulag. ‘O Mauhak, na attem heppe, danab ah ag oɗe nau danab kuɗum aqe mauhtteb ele digdig amu aon mauhkkulag? O Boumak Aben, na attem heppe, danab ah ag nauhkkulag?’ aon akkulag. Haen amuppa da ag ehanadkkulnu dabmettem amu, dabmak amuam iinab baolima.

1 Korint 11:30

Diig amuppa ag oolagppa danab ah kuɗum ag ɠagattag iitta, laa kuɗum ele ag oɗe aona, laala mauhadppig.

Aposel 7:60

Nug unuqitta anam awowa, nug gateg qaun o, nug huana ewa aum. “Naɗi na ahilag hipunin imunu nob ii mattamna oɗ medattem.” Stiven nug anam ewowa, nug mauhom.

2 King 13:21

Amu deɗ laa Israel laala ag danab mauhak gaɗa amu boumona, haen amuppa ag Moap danab amu laala uɗieg anadna, ag danab mauhom gaɗa amu buɗieg, moɗ Elisa ebehi niitte, amuppa noum. Amu haen danab mauhom gaɗa noa ukka, Elisa ebehi aɗe amu, danab mauhom amu nug eɗua bau ma, baegppa aha hibaittom.

Jon 11:11

Jesus nai amu mattia mala am Nug aum. “Ig lainig Lasarus nug niiom daatte, amge da ukken maɗedakkul,” awa aum.