Matyu 27:22 - Nobonob Baibel

²² Ag anam aeg amu, Pailat nug aum. “Amge da Jesus, nuhignu laa ag Kristus atteb amu, nuhignu da attem hekkul?” awa aum. Nug anam a amu, ag oh appig. “Ad emaitakppa atule!” aon appig.

Matyu 27:22 Referans Kwoze

Aposel 13:38

Amunu, O lailad, ag doyeg! Ig Jesusnu uɗat okkai, amuppa ig hipuninnu uhuqa mettaknu nai ag amelagppa mehuqttem.

Aisaia 49:7

Yawe, Nug am Israel, ahilag qagaiettakppanu eɗua uhuqaknu ehanittak daatte, Nug Israel dilag Kayak Oppiaawak Ele amu, Nug nuhig maɗi nid, laa ag nuhig danab amunu oolagppa ena iinab dootteb, nuhig danab amu Nug wanppan okkai dilag maɗi nid daatte amu, Nug nug amegppa atte. “King ag na anidna, ag ahaglag. Danab okkai laa ag na anidna, ag dup nona, gomelna daaglag,” awa atte Ag amu hekkulagnu diig am, Yawe Nug nuhig diignu oo metta ii uuak kobol dim lamidtte; Nug aɗi hekkunu atte amu, Nug hette, ag amu anidkkulag. Ao, ag amu hekkulagnu diig am, ag Yawe, Nug Israel, ahilag Kayak Oppiaawak Ele, ag Nug na tituanittom amu, ag Nug anam heum anidkkulag.

Mak 14:55

Pita nug appa dayeye amu, lag ooppa mana mettak danab okkai, amu Juda dilag hettoɗiak okkai onig Sanhidren, amunu danab ele, ag oh Jesus qeppeg mauhkkunu nai laa nuhigppa yaaglagnu madippig, amge ag laa ii anidppig.

Matyu 27:17

Am danab ah kuɗum ag qagmeeg amu, Pailat nug ag oɗ mattom. “Ag maniguittak danab aun uhuqe madakkulnu oolag daatte; Barabas o Jesus? Ag nuhignu Kristus aon atteb,” awa aum.

Matyu 1:16

Jakop bekka am Josep. Josep amu, nug Maria gamu. Maria nug Jesus menuom. Jesus Nug am Kristus.

Sekaraia 11:8

Da anam dayeye, kalam laippuppa da sipsip gumak danab nau ewam lamadmi. Da anam heiyi ukkom, amge sipsip amu, ⌊ag am Israel danab ah,⌋ ag dahilnu ag oolagppa uuaknab dooppig amunu, da ahilagnu bahil yom.

Job 31:31

Dahilad danab laa nug deɗ laa, ‘Ihinig okkai Job, nug danab amu he, enug qeeqe eɗua ukkom,’ alolob, ⌊da Kayak eppegppa eheɗ aolom am elele, am tutukku⌋. Amge anam iitta. Aɗinu? Dahil od am aab diig danab iitta dilagnu matulakib dayom amunu, ag uɗin, niiaknu aben iitta daan, ag dimittim ib giginppa niiglagnu dabmeegeg, da hei, ag da laulppa niippig. Ag dimittim ii niippig.

Matyu 27:21

Anam, gawana nug baula, “Danab aɗit imu oolahppanu da aun uhuqe ag madakkul?” oɗ matte amu ag, “Barabas,” aon appig.

Matyu 27:23

Ag anam eppig, amge Pailat nug oɗ mattom. “Aɗinu? Nug aɗi eheɗ heum?” awa aum. Nug anam aum, amge ag huanak ena appig. “Ad emaitakppa atule!” appig.

Jon 4:25

Jesus anam a amu, ah nug Jesus amegppa aum. “Da Mesaia uɗikkunu daatte doottem; Nug am Kristus. Nug uɗia, keeke oh ig danab ah ippunigkku,” awa aum.

Aposel 13:28

Ag eheɗ hak laappa Nug qeppeg mauhkkunu laa ii anidppig, amge ag Pailat nug hamu qeeb mauhkkunu eppig.