Matyu 27:12 - Nobonob Baibel

¹² Nug anam a amu, mana mettak danab okkai, amu Juda dilag ikki danab ele ag nuhignu nai yaan heeg, Nug nai nob laa ii meum.

Matyu 27:12 Referans Kwoze

Matyu 26:63

Nug anam aum, amge Jesus Nug nai nakok laa ii mattiom. Aria, baula mana mettak ikki danab Nug amegppa aum. “Da Kayak bauklel onigppa da na amenppa attem. Na nai genab tutukku a! Na genab Kristus, Kayak Bekkate o iitta?” awa aum.

Aisaia 53:7

Laa ag nug eheɗ hettan, guittak medappig, amge nug nai laa ii mattiom. Ao, danab nug sipsip qekkunu omala, qaaknu abenppa ugekke, sipsip ii gaatte amu, amubia nug eheɗ ag nuhigppa heppignu nai laa ii mattiom. Ge, danab nug sipsip nag uɗig otaɗeɗe, sipsip nug ii gaatte, amubia ag nuhignu nau heppignu oɗe qamuta, toetta dayom.

1 Pita 2:23

Danab ag nuhignu nai eheɗ appig, amge Nug nai eheɗ ahilagnu nob ii meum. Nug guittak awom, amge nuhig guittak amunu Nug ag nob nau aoglagnu ii aum. Jesus Nug amu ii heum, me Nug Kayak, epeɗiakppa keeke oh eleleppaib epeɗidtte amu, Nug nukka Nug beɗu oh Nug eppegppa meum.

Aposel 8:32

Amu nug Kayak nai laih laa ebqeum amu iikku. “Danab nug sipsip qekkunu omala, qaaknu abenppa ugekke, sipsip ii gaatte amu, amubia nug eheɗ ag nuhigppa heppignu nai laa ii mattiom. Ao, danab nug sipsip nag uɗig otaɗeɗe, sipsip nug ii gaatte, amubia ag nuhignu nau heppignu oɗe qamuta, toetta dayom.

Matyu 27:14

A amu, Jesus Nug nai laippu laanu Pailat oɗeppa ii awom. Anam he amu, Pailat nug dabmak kuɗum awom.

Matyu 27:13

Nug anam heehe amu, Pailat nug Jesus amegppa aum. “Ag na eheɗ kuɗum hemenu atteb amu, na amu iite doottem?” awa aum.

Luk 23:9

Amunu Herot nug keeke kuɗumnu Jesus oɗ mettom, amge Jesus Nug oɗmak amu oh eɗua nob laa ii meum.