Matyu 26:58 - Nobonob Baibel

⁵⁸ Ag Jesus aɗan omalna teegeg amu, Pita nug dim lamattom, amge nug nakok piɗe dim lamattom. Dim lamatta, nug mana mettak ikki danab laugnu haɗap giginppa ukkom. Nug appa ukka, nug haɗap-ppa no, lag mamegnu daup ele daappig. Nug kobol aɗi hebeppeg, amu anidkkunu dayom.

Matyu 26:58 Referans Kwoze

Jon 7:32

Danab ah kuɗum ag Jesusnu anam mattiegeg, mana mettak danab okkai amu ɗo gumak danab-Parasia ele ag danab ah nai kuɗum mattiegeg doona, ag ahilag daup laa Jesus aɗaglagnu maatteg uɗippig.

Jon 18:25

Saimon Pita nug aab uɗikka dayeye, ag nug oɗ medappig. “Na ele nuhig ippunittak awak danab laatai?” aon appig. Anam aeg amu nug aum. “Da iitta,” awa aum.

Jon 7:45

Anam heeg am daup ag eɗun, mana mettak danab okkai am ɗo gumak danab-Parasia ele gumadna ukkaeg, ag appig. “Attem hena, ag Nug ii aɗan aon uɗippig?” aon appig.

Matyu 5:25

Aria, haen danab laa nug hettoɗiakppa meidkkunu heebeb amu, na heppe, aa oolah paha babaitteɗ! Aa ibppa goyaya, na anam he! Iitta amu, nug na epeɗiak danab noobppa meidkkutai. Meitteb, epeɗiak ikki nug hettoɗiaknu daup laa eppegppa meitteb, daup amu nug na maniguittakppa meidkkutai.

Matyu 26:3

Haen amuppa mana mettak danab okkai amu Juda dilag ikki danab ele, ag oh mana mettak ikki danab onig Kaiapas nug laug enanagppa qagmeppig.

Luk 22:54

Jesus Nug nai amu amelagppa ana male, ag Nug aɗan aon goppig. Ag Nug aon, mana mettak ikki danab laugppa ukkaegeg, Pita nug nakok piɗe dim lamatta ukkom.

Jon 19:6

Anam a amu mana mettak danab okkai, ahilkad daup ele ag Jesus anidna, huanak ena appig. “Ad emaitakppa atule! Ad emaitakppa atule!” aon appig. Anam aeg amu Pailat nug aum, “Ag akka aon, ad emaitakppa atuleg! Da am nuhigppa ɗo tippalak laa ii anidmi,” awa aum.

Aposel 5:22

Ag aeg, daup ag maniguittakppa goppig, amge totol danab 12 ag appa ii daappig anidna, ag eɗun qagmeppigppa gona, ag keeke attem attem anidppig amu aeg dooppig.

Aposel 5:26

Danab amu anam a doona, ban daup ikki anuqak, amu nuhikkud ban daup ikki laa ele ag gona diippig, amge ahilagnu eheɗ laa ii heppig. Aɗinu? Ag baɗan inam akka akka appig. “Ig ag makkuɗadpput amu, danab ah ag ig menppa iqaglagtai,” aon appig.