Matyu 25:12 - Nobonob Baibel

¹² Ag anam appig amge nug aum. ‘Da genab ag amelagppa attem, da ag ii doyadttem,’ awa aum.” Jesus Nug anam aum.

Matyu 25:12 Referans Kwoze

1 Korint 8:3

Amge danab nug Kayaknu oo mauhtte ele, Kayak Nug danab amu epeɗia, nuhignu tituanom.

2 Timoti 2:19

Amge Kayak Nug ukku aɗom amu, ukku amuam ɠagattag eppom daatte. Ukku amuppa nai inam daatte. “Naɗi Nug nuhikkud danab ah doyadtte.” Nai laa ele inam daatte. “Ag oh, ag Naɗi onig diitteb, ag kobol nau dimetteg!”

Jon 10:27

Sipsip dahilad amu, ag da baal dootteb. Da ag doyadttem, amu ag da dim lamiɗtteb.

Jon 9:31

Ig doottem, Kayak Nug hipunin danab oɗelag ii dootte, amge danab aun nug genab tutukku hak danab daatte, nug Kayak oo attem niitte amu hette ele amu, Kayak Nug nug oɗe dootte.

Sam 5:5

Beɗuppa tak danab ag na noomppa ii daamna. Ao, na danab ag kobol nau hetteb ele, na ahilagnu nau ninig ele doottem.

Sam 1:6

⌊Nau hak danab ag anam aakku daaglag.⌋ Aɗinu? Yawe Nug genab tutukku hak danab ah atognoadtte, amge nau hak danab ag padal mekkulag.

Galesia 4:9

amge gemu ag Kayak dooppig (da Kayak Nug ag doyadtte alom am ena) amunu, aɗinu ag eɗun bittumttum gona, wan imuppan ɗonu hik aqeeqe, ag eɗun uɗat nob iitta, hamu begbeg maɗi nid uɗat hekkulagnu hetteb?

Habakuk 1:13

Amge, O Yawe, na laa nug eheɗ hette ele anidna, ‘Am nai iitta,’ o, ‘Elele hette,’ na keeke amubia iinab dabmettem. Ao, na kobol nau ohnu uun autna autnanab aottem. Anam amunu, diig aɗinu na danab ag kobol naunab laa hekkulagnu henana, ag laa amelagppa nai ena mattinna, ag dimppa kobol nau hekkulagnu dabmetteb ele amu, diig aɗinu na ag paha bu ii madattem? Ge, nau hak danab ah ag genab tutukku hak danab eheɗ hattana, ahilkad keeke aon oitteb, amu diig aɗinu na nau hak danab ag amu hemananu ahilag ib hee, keldoak ii daatte amu, da ool ii maidtte.

Matyu 25:11

Dimppa ah makkun dabmak iitta ele ag ele uɗippig. Uɗin appig. ‘Naɗi, naɗi, od matulna mekke!’ aon appig.

Matyu 25:13

Jesus Nug anam ana amu, Nug nai tuɗitta aum. “Anam daakku amunu, ag dabmenan dayeg! Aɗinu? Da eɗuen uɗikkulnu haen amu, ag deɗ, haen ele ii dootteb,” awa aum.

Luk 13:25

Lag mameg nug aha, lag od maneb amu ag uɗina, dimittim daanna od qeqalnana, inam unuqkkulag. ‘Naɗi od matulna mekke!’ aon akkulag. Amu geha nug ag amelagppa akku. ‘Da ag ii doyadttem, ag adeppanu uɗippig?’