Matyu 24:6 - Nobonob Baibel

⁶ Ag bannu doonna, bannu ulah nai ele dooglag. Keeke amu genab bekkulag, amge doyeg! Ag aib ottaippig! Keeke amu bekkulagnab, amge wan haen malak iitta.

Matyu 24:6 Referans Kwoze

Luk 21:9

Ag bannu doonna, amu ag aab ikki ikki ag ahan ban hettebnu nai ele dooglag. Keeke amu genab bekkulagnab, amge doyeg! Ag aib ottaippig. Wan haen malak iitta,” awa aum.

Jon 14:1

Amu Jesus nai tuɗitta aum. “Ag oolag uug aib dayom. Ag Kayaknu oolagppa genab doona, ag dahilnu ele oolagppa genab doyeg!

2 Tesalonaika 2:2

Ag, “Naɗi uɗikkunu deɗ aakku malom,” nai amu dooppignu amu, laa nug, “Da propet nai mehuqiqi dootteb,” mattia, tuɗitta nai amu mattie ag nai amu dooppigtai, o iitta danab laa nug, “Kayak ippuniɗom ele amu da ippuanadttem,” mattia, tuɗitta nai amu mattie ag nai amu dooppigtai, o iitta laa nug, “Pol aɗi ag uɗug laa yaan meeg dahilppa uɗie, nai imu amuppa dayom,” mattia, tuɗitta nai amu mattie ag nai amu dooppigtai, amge nai amunu amu ag aib ottaippig, dabmak ele ootot aib dayom.

Jon 14:27

Da maɗoɗ awe ii gopa. Iitta! Da maɗoɗ ag madattem. Ge, da dahil maɗoɗ ag madattem. Wan imuppan maɗoɗ am laa, da amubia ii madattem amunu, ag oolag uug aib qeum. Ag aib baɗappig.

Sam 112:7

Danab anam, nug nai uug ele uɗieb dookku amu, nug ii baɗama; Iitta. Nug Yawenu ooppa genab dootte amunu, nug ooppa maɗoɗ daatte.

Matyu 24:14

Amu danab ah oh dooglagnu ag Kayaknu ɗo maɗoɗnu Nai Ena wan atu ohppa mehuqppeg, danab ah dooppeg, geha haen amuppa gog tak haen bekku.

Luk 21:19

Ag ɠagattag daaglagppa, ag bauklel hanhannu aoglag!

Aisaia 12:2

Genab, Padal ii maknu ehanittak oh da aomi amu, Kayak Nug ehanittak amu oh diig daatte; da nuhignu oolppa genab doye, da geha ii baɗapa. Aɗinu? Yawe, ao Yawe, Nug am ɠagattag dahil. Nug uɗat ena hette, diig amunu da gamag ahak ahi edattem; Nugib dahil Padal ii maknu ehanittak daye, da padal ii memi.” Ag laib laib geha anam ahi ettaglag.

Luk 22:37

Aɗinu? Kayak naippa nai laa yaak daatte. Nai amuam inam. ‘Ag Nug danab nau ele laippu qagmaadkkulag.’ Nai amu daatte amunu, da ag amelagppa attem; keeke amu geha dahilppa bekkuoitte. Ao genab, nai oh Kayak naippa dahilnu daatte amu gemu meu okkunu tette,” awa aum.

Matyu 26:54

Amge da anam heppi amu, Kayak nai attem genab bekku? Kayak nai nug imu bekkunu atte amu, nug anamib bekku,” awa aum.

Esekiel 21:28

Amu Yawe Nug nai tuɗitta aum. “Amu na, danab bekka, na dimppa aɗi bekkunu nai anan, na Naɗi Yawe Nug Amon danab ah, ahilag awa awa qettak nai naunabnu ele inam atte, na amunu inam a! ‘Qep elab laa daatte! Ge, qep laa daatte. Danab nug qep amu nuhig gaɗappanu eeɗa awa, nug eppegppa danab ah aqakkunu aakku daatte. Qep amuam danab ah ele eleleppanab aqakkunu babaitta malak daatte. Anam daatte, amu qep ⌊dahil⌋ am amemɗiag awaknu elelenab daya, amemɗi bia amemɗiag aotte.

Jeremaia 47:6

Ag gaanna, ⌊kekeɗ ag Yawenu qep elab bia daatteb dabmena, qep elab nai doolo bia qep elab amegppa⌋ akkulag. “O Yawenu qep elab, na hik ii aottem. Na danab ah aqadkkutnu ii uuttem; amu haen gane laa ele ukkeb, na hik aon, aqaknu uɗat uukkut? Na eɗun, gaɗan nahip-ppa nona daye! Ao, na toettan, manin daye!” aon akkulag.

Aisaia 7:4

Aria aa goya teya, na King Ahas amegppa inam appe doyaɗ! ‘Aram dilag king Resen, amu Israel dilag king Peka ele aa am aab ewa ukka, qauhkkunu ha, kahugib ahatte, aa amubia daattep amunu, na doye! Na ahilahnu aib ottaime! Ahilahnu aib baɗame! Ahilahnu na ebehin aib bodoettom! Laa amu, Aram danab, ahilag King Resin, amu Remalia bekka Peka ele, ag Juda, ahilagnu oo nauhak huanaknab doon oitteb, amge na doye! Na oo nauhak huanaknab ahilagnu aib ottaime! Oo nauhak huanaknab ahilagnu na aib baɗame! Oo nauhak huanaknab ahilagnu na ebehin aib bodoettom!

Matyu 2:3

Aon aeg amu, King Herot nug nai amu doya ottaie, Jerusalem danab ah oh ele ottaippig.

Revelesen 6:4

Da dooi amu hos kokoɗ doum. Danab nug hos amu attan dayom, amu ag nug ɠagattag, ɠagattag amuppa nug wanppa danab oh dilagppanu maɗoɗ kobol amu eɗua aweb, ag akka danab ah laa aqappeg mauhkkulagnu, ɠagattag amu medappig. Amunu nug uɗat amu hekkunu qep okkai elab medappig.