Matyu 24:45 - Nobonob Baibel

⁴⁵ Jesus Nug anam ana, Nug nai tuɗitta aum. “Maɗi nid laa doyak dabmak ena ele, nug oo metta ii uuak kobol haaha daatte amu, nuhig okkai nug maɗi nid amu nuhikkud maɗi nid laa gumattatta, haenppa ee madakkunu uɗat medakkunu elele.

Matyu 24:45 Referans Kwoze

Matyu 25:21

Anam a amu nuhig okkai nug aum. ‘Na maɗi nid ena, na oo metta ii uuak kobol dim lamidna, uɗat enanag heme. Na keeke nakok amu dabmettan autna aome amunu da heppi, na keeke kuɗum dilag okkai daanna gumadkkut. Na doppe, da ele oonih gamag ahaɗ!’ awa aum.

Matyu 25:23

Amu nuhig okkai nug aum. ‘Na maɗi nid ena, na oo metta ii uuak kobol dim lamidna, uɗat enanag heme. Na keeke nakok amu dabmettan autna aome amunu, da heppi, na keeke kuɗum dilag okkai daanna gumadkkut. Na doppe, da ele oonih gamag ahaɗ!’ awa aum.

Hibru 3:5

Moses nug am Kayaknu danab ah tamaniak ooppa maɗi nid dayaya, oo metta ii uuak kobol dim lamitta, dimppa keeke bekkunu amu Kayak oɗeppanu awa madittom.

2 Timoti 2:2

Am nai oh dahil, da danab ah kuɗum noolagppa mattiyi doome ele amu, na danab diilag ena ele, ag am oɗe dim lamittak danab, ag laa nai amu ippunadkkulagnu elele amu, na ag amelagppa madippe doyeg!

1 Timoti 1:12

Da Kristus Jesus, ihinig Naɗi, Nug da uɗat imu hekkulnu ɠagattag meɗom amu, da Nug amegppa, “Ena heme,” awe attem. Aɗinu? Nug uɗat imu da eppelppa meeb hekkulnu elele aniɗa, Nug nukka da uɗat imunu tituaniɗom.

Revelesen 2:13

Da nahip dayak adeppa daatte amu, da doottem. Satan nug aben amuppa nug okkai daatte, amge na da onil ɠagattag aɗattem. Na dahilnu ootppa genab doottem, amu anukka Antipas, nug oo metta ii uuak kobol dim lamitta nai dahil mehuqttom ele, nug mehuqeqe, na appanppa, Satan aguppa daatte amu, appa laa ag Antipas qeeg mauhom, amge haen amuppa ele na ooppa genab doyak nahip dahilnu ii paɗame.

Aposel 20:28

Amunu ag akka ahilagnu dabmenan daanna, amu Kayaknu danab ah, Kayak Ouɗi Nug ag gumak ikki danab ahilag daaglagnu otiattom ele amu, ag amu dilag ele oh dabmenan dayeg! Ag Kristen tamaniak, Kayak Nug nukka Nug tiigppa nuhig tamaniak amu daden meum ele amu, ag nuhig tamaniak amu tutukku gumatteg!

Luk 19:17

‘Na maɗi nid ena, na uɗat enanag heme, na keeke nakoknab oo metta ii uuak kobolppa dabmettan autna aome amunu, gemu da na aab okkai 10 gumadkkutnu ɠagattag medattem,’ awa aum.

Matyu 13:52

Ag, “Yo,” aon aeg amu, Nug ag amelagppa aum. “Anam amu ɗo mehuqak danab oh, ag Kayaknu ɗo maɗoɗ ooppa noppig ele amu, ag am lag okkai mameg bia daatteb. Nug keeke maknu oo nuhigppanu keeke alag, bau ele akke do madatte,” awa aum.

Matyu 10:16

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.

Matyu 25:2

Ah makkun tanig ele amu ag dabmak tutukku iitta ele, tanig ele laa amu ag doyak dabmak ena ele.

Matyu 7:24

Amunu danab nug nai dahil imu doya dim lamidtte amu, nug danab laa doyak dabmak ena ele, nug danab laa men qaɗeppa lag ukku aɗe, men aɗa dayeye, aria dimppa nug amu attan lag heum bia daatte.

Esekiel 34:2

“Danab bekka, na dimppa aɗi bekkunu nai dahil Israel dilag gumak danab, ag sipsip gumak danab bia daatteb, Israel danab ah ag am sipsip dahilad bia daatteb amu, na ag amelagppa uug ahilagppa beeb anidkkulagnu propet nai anan, ‘Naɗi Yawe Nug inam atte,’ awona, na imu ele appe doyeg! ‘Ag Israel dilag gumak danab, ag sipsip gumak danab bia daatteb amu, ahilagnu gadonnab gadon. Ag akka ag ena daaglagnu dabmak okkai aotteb, amge ag ahilkad sipsip dilagnu ii dabmetteb. Sipsip gumak danab nug nuhikkud sipsip atognoadkkunu iite daatte?

Prowerb 14:35

King nug maɗi nid nuhig laa, nug doyak dabmak ena ele, nug nuhignu oo enanagnab dootte; amge nug maɗi nid laa, nug uɗa nak keeke laa hette amu, nug nuhignu oppoɗi bette.

Prowerb 28:20

Danab laa nug oo metta ii uuak kobol haahaib daatte, nug itittak ena kuɗum aokku; amge laa ag enulag okkai ele daaglagnu hik aqe oitteb, ag am bu aoglag.

Matyu 24:46

Aria, dimppa maɗi nid amunu okkai nug laih ukkakppanu eɗua uɗia, maɗi nid amu nug danab okkai nuhig anukka amegppa aumbia hette anidkku dayeb amu, nuhignu am ena.

Eksodas 36:4

Ag anam heegeg, danab uɗatnu doyak okkainab ele ag mettid haknu peh lag henana, keeke huanak anam anidna, ag uɗat ag heppig amu ag uun,

Rut 2:6

A amu, uɗat gumak danab nug aum. “Nug am Moap ah. Nug Naomi ele, aa Moap wanppanu uɗipiɗ.

Esekiel 46:24

Danab amu nug ippuniɗa, nug da amelppa aum. “Danab ag Yawenu mettid lag, amuppa nuhig ɗo maɗoɗnu uɗat hetteb ele amu, ag ee hak aben imu ohppa danab ah ag doɗ main Kayak mettaglag, ag iguppa ee amu maiglag, o battiglag,” awa aum.