Matyu 24:39 - Nobonob Baibel

³⁹ Ag amu henana, hiɗ bekkunu dab-ii-mettaegeg, hiɗ ba diia ukkom, amubia Danab Bekkalag da, da uɗikkul haenppa, ag anamib daaglag.

Matyu 24:39 Referans Kwoze

Jon 3:20

Anam amu, danab oh ag hak nauppa daatteb amu, ag amahlaknu nau ninig ele dootteb. Ahilag hak nau miag atimanu amu, ag amahlakppa daaglagnu oolag ii daatte.

Matyu 24:37

Noanu haenppa danab ag kobol aɗi aɗi heppig, amubia Danab Bekkalag da, da eɗue uɗikkulnu haenppa amu, danab ag kobol anamib hekkulag.

Aposel 13:41

‘O ag awa awa qettak danab, ag anidna, dabmak kuɗum aonna, mauheg! Aɗinu? Nahip haenppa da keeke laa, danab laa nug na amenppa anam bia ab doolom amu, na ootppa genab ii doolom, amge da hekkul.’ ” Pol nug anam aum.

2 Pita 3:5

Anam, amge digmakppa Kayak Nug oɗeppa nai aawo, hab wan ele beeh, Nug he, wan le ooppanu ba, le eɗitta dayom amu, ag amu doonna daulag atitte.

Prowerb 29:7

Genab tutukku hak danab ag, ag hettoɗiakppa epeɗiak danab ag daɗek danab dilagnu nai doya mala hettoɗia epeɗia elele mettak kobol dim lamidkkulagnu dabmena autna aotteb; amge nau hak danab ag, ag anam dab-ii-metteb.

Prowerb 24:12

Na ⌊hambuppuna⌋, “Ig amunu aɗitai laa ii doomut,” akkut dayeb; Kayak, Nug danab oh dilag dabmak anidtte, Nug nahip nai amu, am nai tutukku iitta iite dootte? Kayak, Nug na ehanitte, na bau daattem, Nug nahip hak iite dootte? Ao, Nug geha danab anen anen ag aɗi heppig, Nug amunu nob iite madakku?

Luk 19:44

geha ag ag Juda, ag buɗulkad ele tappaladna oɗoɗadna autna aoglag. Aab okkainu aɗ, lag ele menppa heppig amu kekeɗ ag loppaɗppeg, men laa nug laa qaɗeppa iinab daama. Kayak Nug ag Juda ehanadkkunu heum, amge ag amu ii dabmeppig amunu, kekeɗ ahilagnu ag anam hekkulag,” awa aum.

Aisaia 42:25

Israel ag anam heppig amunu, Yawe Nug ahilagnu oo nauhak huanaknab be, Nug he, ban nau ag wanelagppa neum. Ban amuam aab aɗu danab oh diia ewadkkunu hette bia dayom, amge ag nau amu beumnu diig ii dooppig. Ao, ban amuam aab aɗu danab ewa iitta mette bia dayom, amge ag amunu dabmak tutukku ii aoppig.

Prowerb 23:35

Na wain huana lawona, na inam akkut. “Ag da oiɗppig, amge da guittak ii meɗappig. Ao, ag da oiɗppig, amge guittak laa ii doomi. Da ganeb le baula lakkulnu niiaknu uue, eɗuen ahakkul.” Na anam akkut.

Ikki Danab 20:34

Ag anam heeg, Israel dilag ban danab laa, ahilag ebqak 10,000, ag am Israel ban danab ɠagattagnab ele, ag aab Gibea guguittakppanu ahan, banelag gona, Gibea ele ban heppig. Ban amu ɠagattagnab dayom, amge ban daup Benyaminnu amu, ag Israel ag ag eɗadna aqaglag ii dooppig.

Rom 1:28

Laa ele amu, ag Kayaknu dabmak aɗan oiglagnu uuppig amunu, Kayak Nug ag ahilag kobol nau, dabmak nauppanu bette, ag amu dim lamidkkulagnu uuattom. Amu ag kobol nau, danab ag hekkulagnu elele iitta amu, aakku hetteb.

Genesis 7:23

Yawe Nug he, danab, doɗ, ai, doɗ laa ag oolag wan qeeqe oitteb ele, amu oh iitta maadna malappig, amge Noa, nuhikkudppa ele, agib ii mauhppig.

Matyu 16:27

Danab Bekkalag da, da Mamelnu binag amahlak oppiaawak ele uɗippi, engel ele uɗignig, amu haen amuppa da danab ah dilag hak, amu nob eɗue madakkul.

Matyu 24:3

Jesus Nug Olipnu Qaukoppa ta dayeye amu ippunittak awak danab ag akka gumidna goppig. Ag gona appig. “Na ig amenigppa ame amu, kobol amu haen ganeb bekku? Ele amu, epponak keeke aɗi tatam beeb, ig na uɗikkutnu, amu gog tak haen miag daatte ele doognig,” aon appig.

Matyu 24:30

Haen amuppa amu Danab Bekkalag da, dahil epponak keeke habppa bekku. Beeb amu wanppanu danab ah oh gaaglag. Gaappeg, Danab Bekkalag da, da lombig hab waappa daatteb, da lombig amuppa ɠagattag okkai, binag amahlak oppiaawak ele uɗippi aniɗkkulag.

Matyu 24:40

Geha danab aɗit omelahppa daapeɗ, Kayak Nug laippu awawa, laa uuitteb daakku.