Matyu 24:36 - Nobonob Baibel

³⁶ Anam, amge laippu laa nug amunu haen, deɗ ele ii dootte. Engel hab aabppa daatteb ele ii dootteb. Da ele ii doottem. Mama nukka keeke amu dootte.

Matyu 24:36 Referans Kwoze

Mak 13:32

Anam amge laippu laa nug amunu haen, deɗ ele ii dootte. Engel hab aabppa daatteb ele ii dootteb. Da ele ii doottem, Mama nukka keeke amu dootte.

Aposel 1:7

Aeg amu, Nug ag amelagppa aum. “Amu ahilagte keeke amunu, ag da Mamel Nug haen deɗ ele aum amu ag dooglag? Iitta. Nug nukka keeke amu gumatte.

Matyu 24:44

Amunu ag ele bappaidna dayeg! Aɗinu? Danab Bekkalag da, da haen laa ag ii dabmekkulag ele, haen amuppa uɗikkul,” awa aum.

2 Pita 3:10

Naɗinu deɗ am yabhok danab nug danab ii dabmetteb haenppa oitte, amubia uɗikku. Deɗ amu geha oqotti naɗinab oobob, hab iitta meeb, habppan keeke, amuam aam, kalam, keeke, keeke amu oh eon iitta mebeppeg, wan, amu keeke oh wanppa daatteb ele, amuam Kayak epeɗiadkkunu miag atiak daaglag.

1 Tesalonaika 5:2

Ag akka tutukku dootteb, Naɗinu deɗ am tuqanppa, yabhok danab oitte, amubia uɗikku.

Revelesen 16:15

Aakku, ouɗi nau ag gona, aben laa, Hibru naippa ag aben amunu Armagedon atteb, ag amuppa king qagmaadppig. Amu Naɗi Nug nuhig deɗ naɗinu inam atte. “Antteg! Da yabhok danab bia uɗittem amunu, danab laa nug beɗu miag dayeb, laa ag anidppeg, nug uɗa nemanu, danab nug maɗaɗ maama, nuhig lamen atognoawa daatte amu, nug itittak awom daatte,” awa atte.

Matyu 24:42

Amunu ag Danab Bekkalag da, da eɗuen nekkulnu dabmenan dayeg! Aɗinu? Deɗ adekkuppa ahilag Naɗi uɗikku amu, ag ii dootteb.

Matyu 25:13

Jesus Nug anam ana amu, Nug nai tuɗitta aum. “Anam daakku amunu, ag dabmenan dayeg! Aɗinu? Da eɗuen uɗikkulnu haen amu, ag deɗ, haen ele ii dootteb,” awa aum.

Revelesen 3:3

Amunu amu, na nai enanu mattiak na doome ele, nai amu na dautppa dob, na oot eɗueb, nai amu dim lamitte! Na amen ii oppateb daappe amu, da yabhok danab uɗitte bia nahip-ppa wakkul. Da haen adekkuppa nahip-ppa wakkul amu, na ii doomna.

Sekaraia 14:7

Deɗ amuam deɗ diig laa daakku; amahlaknab, gatatunab ele ii daama. Yawe Nugib keeke amu heeb bekkunu dootte. Am anam dayeb ukkeb, tuebnab meeb, amahlak daakku.