Matyu 23:9 - Nobonob Baibel

⁹ Am wan imuppa ag laanu, ‘Mama,’ aib appig. Ag Mamelag laippu aakkuib amu Nug hab aabppa daatte.

Matyu 23:9 Referans Kwoze

1 Jon 3:1

Ag imu doyeg! Mame Nug ihinignu oo huanaknab mauhtte, amu diig amunu Nug ihinignu, “Da bekkalad,” atte. Amu ig genab Nug bekkod daattem. Wanppan danab ag ii dooigtteb. Aɗinu? Ag Kayak ii dootteb.

Hibru 12:9

Amu ag imu ele antteg! Ig oh mamenkad wan imuppanu amu, ag ig ena bekkunignu toligna, bu iqaeg, ig ag hepppignu ahilagnu ena elele doomut. Anam amunu, ig Mamenig hab aabppa daatte ele amu, ig Nug waappanab daatu! Ig anam daatta, bauklel aognig.

Malakai 1:6

Yawe Nukka Ɠagattag Oh Ele Nug mana mettak danab amelagppa atte. “Nid danab nug mameg binag mette; maɗi nid laa nug okkai nuhig noobppa bodoettak daatte. Da am ag mamelag, amge ag da binal ii metteb. Ao, da am ahilag okkai, amge ag dahilnu ena elele ii dootteb. Ag mana mettak danab ag da onilnu, keeke hamununab, dootteb. Ag anam dootteb, amge ag da amelppa atteb. ‘Ig ib adekkuppa na oninnu, keeke hamunab doottem?’ aon atteb.

Matyu 7:11

amunu, ag nau aɗi ag genab keeke ena ag nid ahilkad mattaglagnu dootteb dayeb, genabnab ag Mamelag, hab attan daatte, Nug danab ag Nug unuqidppeg, Nug keeke ena ag madakku.

1 Korint 4:15

Ag Kristusnu daanna, ag ippunittak danab kuɗumnab ag ehanadkkulagnu diiglagtai. Ag diiglag dayeb am diiglag, amge amuam heeb, keeke laa ii baolima. Keeke ii baolikku, amuam da Jesusnu Nai Ena mehuqi, ag oolagppa genab dooppig amunu, daib ag mamelag daattem; ag mamelkad kuɗum iitta.

2 Korint 6:18

geha da ag Mamelag daakkul; ag am da bekkalad aɗelad daaglag. Da Naɗi Dakka Ɠagattag Oh Ele, da anam awe attem.”

Aposel 22:1

“O da lailad, mamelad aɗi, da ahilag nai amu nob mebippi, ag daulag human dooglagnu oɗ madattem,” awa aum.

2 King 2:12

Elisa nug ulah kilibob amu Elaiya awa ukke antta, inam baag okkaippa eum. “Mama dahil, mama dahil. Na Israel dilag ehanittak danab ɠagattag. Na Israel dilag daup ag bannu karis attan daan, ban hetteb, daup ag hos attan daan, ban hetteb ele, na amubia daattem,” awa eum. Elaiya nug ukke, Elisa nug baula Elaiya ii anttom amunu, Elisa nug ooppa uugnab doyom. Nug anam doyom amunu, nug nuhig lamen elab dimittimnu amu aɗa, gamagppa pattiɗom. Pattiɗe, aɗit daapiɗ.

Matyu 6:32

Amuam iitta aɗi ag keeke amu ohnu hik aqadtte, amge ag dahilad amu, ag Mamelag, hab attan daatte, Nug ag keeke amu oh aoglagnu dootte.

2 King 13:14

Haen Jehoas nug Israel dilag king ba dayeye, haen amuppa Elisa nug oɗe okkai awa dayeye, Israel dilag king Jehoas nug anidkkunu ukka, mahitta gayaya inam aum. “Mama dahil, mama dahil. Na Israel dilag ehanittak danab ɠagattag. Na Israel dilag daup ag bannu karis attan daan, ban hetteb, daup ag hos attan daan, ban hetteb ele, na amubia daattem,” awa aum.

2 King 6:21

Ag anam gona, Samaria tena daaegeg, haen Israel dilag king nug Aram ban danab amu anatta, nug Elisa inam oɗ mettom. “O dahil danab okkai, da aqadkkulte? Da aqadppi mauhkkulagte?” awa oɗ mettom.

Matyu 23:10

Am laa ele, laa nug ahilagnu, ‘Ikki danab,’ aib aum. Ahilag ikki danab laippu amu Kristus.