Matyu 23:37 - Nobonob Baibel

³⁷ O Jerusalem, Jerusalem, na propet aqae mauhtteb, maɗi nid Kayak nahip-ppa maatte uɗitteb ele, na ag ele menppa aqae mauhtteb. Da haen kuɗum na begapad, matuk anig nakkud haugppa qagmaatta tonadtte, amubia qagmaadkkulnu hemi, amge ag uuppig.

Matyu 23:37 Referans Kwoze

Rut 2:12

Yawe, Nug na kobol ena aɗi aɗi heme amu, Nug amu dabmaama, nob ena na medakkunu ool daatte. Na matuk nakkud ag anilag haug waappa padal mak eɗidna ena daaglagnu daatteb bia, na ippa uɗin, Yawe waappa daattem amunu, Yawe, Israel dilag Kayak, Nug nob itittak ena na medakkunu ool daatte,” awa aum.

Sam 91:4

Ai laa nug nakkud haugppa dabmadatte bia, Nug na atognoidkku. Ao, nahip padal mak eɗitteb ena dayaknu aben Nug haug waappa daakku. Ge, nuhig oo metta ii uuak kobol, amuam nahip guppiɗ, aria nahip wan buue te aɗ itak bia, Nug amubia ele daakku.

Sam 17:8

Na keeke laanu na oot huana hette ele dabmedattem, amubianab na kekeɗ, ag da taliliɗna iuglagnu hetteb amu, na ag amu ii hemananu na dabmeɗakkutnu unuqidttem. Yo, matuk anig nug nag haug waappa lokkumadtte bia, na nau hak danab ag da banel uɗin, heiɗppeg nauhkkulnu hetteb amu, na ag amu hemananu da atognoiɗkkutnu oɗ medattem.

Sam 36:7

O Kayak, danab ah ag nahip oo mauhaknab kobolnu oolag huana hette. Na danab ah oh dilagnu padal mak eɗitteb ena dayaknu ehanittak dayeye, ag matuk nakkud anilag haug waappa ena daatteb bia, danab ah ag nahip-ppa ena daatteb.

Nehemaia 9:26

Na ahilagnu enanag anam heme, amge ag na oɗen ii dim lamidna, nahip nai tappaeg ne, ag nahip ɗo ag dimulagppa meppig. Ag nahipad propet danab, danab amu ag ag eɗun, na waatppa daaglagnu ag amelagppa madippig amu, ag ag aqaeg mauhppig. Ag dabittak nai nau ele madippig.

Sam 63:7

Haen oh na da ehaniɗttem amunu, da na haut waappa dayeye, oo gamag ahak ahi ettaladttem.

Jeremaia 35:15

Da haen kuɗum dahilad maɗi nid, ag propet amu, da ag maatti, ag gona, ag Israel, ag amelagppa inam appig. ‘Ag anen anen ag nau hak ahilag uun, ii henana, ag ena hak henana, ag kayak laa dim lamadna, waappa daan, ag oɗelag dim lamidkkulagnu aib heppig. Ag amu hekkulag dayeb amu, ag haen elab wan imuppa, da wan imu ag mamelkad aɗi mattami amu, ag wan imuppa haen elab daaglag.’ Da propet oɗelagppa haen kuɗum anam ami, amge ag daulag human, nai dahil ii dabmedappig. Ag dahil nai ii dooppig.

Matyu 23:30

Ag anam hena ag atteb. ‘Ig alai aɗi dilag haenppa daalom amu, ig ag ehanadta, propet tiilag ii aɗalom,’ aon atteb.

Matyu 22:3

Nug ee hewowa, nuhikkud maɗi nid laala maatte, ag king nug anukka ewau matulak hobulnu deɗ mattom ele amu, ag onilagppa eppeg, uɗin hobulppa daaglagnu goppig. Gona onilagppa eppig, amge ag hobulppa ukkaknu uuppig.

Matyu 5:12

Danab kobol nau amu hetteb ele, anukka danab ag Kayaknu propet ele anam eheɗ hadappig amunu, ag gemu ahilagnu ele anam heppeg, aria, ag gamalag ahebeb, ag oolag enaib dayaɗ! Aɗinu? Nob ahilag hab attan am okkainab.

Hosea 11:2

Da amu hewoya, haen kuɗum laa ele da ⌊propet oɗelagppa⌋ Israel danab ah ag uɗin, da dim lamiɗkkulagnu onilagppa emi; amge ag da anam heiyi, ag da oɗel ii doon, ag da dimeɗan, uuiɗna tuɗidna umanab goppig. Dahilad danab ah ag doɗ main, kayak hambuppuak Bal iɗu iɗu madappig. Ao, ag kalu danab ile muttuɗig enanag bette ele ahilag kayak hambuppuak dottolkad binalag mekkulagnu main medappig.

Sam 57:1

O Kayak, da nahip-ppanu padal mak eɗitteb ena dayaknu ehanittak aottem amunu, na dahilnu oot gai-iitta doon oot meɗan ehaniɗkkutnu oɗ medattem. Ao, na dahilnu oot gai-iitta doon oot meɗan ehaniɗkkutnu unuqidttem. Da padal mepanu, matuk nag anig haug waappa daatte bia, da na guguitten daakkul. Ao, da anam hebippi ukkeb ukkeb, uug naunab amu oh qe-eɗilkkulag.

1 Tesalonaika 2:15

Juda ag ihinig Naɗi Jesus qeeg mauhom, propet ele aqaeg mauhppig. Ag ig ele appanu lamigppig. Kobol ag hetteb ele amu Kayak Nug amunu oo ii hette. Ag danab ah oh dilagppa kekeɗ daatteb.

Jeremaia 44:4

Haen kuɗum da dahilad maɗi nid, ag propet, da ag maatti gona, ag da oɗel aon, Juda danab ah amelagppa, “Ag kobol nau, da kobol amunu oolppa uuaknab doottem, kobol amunu da nau ninig ele doottem amu, ag kobol amu aib heppig,” appig,

Matyu 22:6

Laala ag anam heppig, amge laa oh ag kingnu maɗi nid aɗualadna makkuɗadna, aqaeg mauhppig.

Sekaraia 1:4

Ag mamelkad aɗi heppig bia aib heppig. Haen amuppan propet ag appig. Yawe Nukka Ɠagattag Oh Ele Nug inam atte. ‘Ag ahilag eheɗ hak digdig uun dimettan, aib baula heppig, aon appig, amge ag mamelkad aɗi ag dahil nai amu dooglagnu uuppig; ag ii dabmedappig,’ ” awa atte.

Hosea 11:7

Danab ah dahilad ag da dimeɗan, kayak hambuppuak laala dim lamadkkulagnu dabmak aoeg ɠagattag eppom daatte. Propet ag Israel ag eɗun dagattolppa uɗiglagnu onilagppa etteb, amge laippu laa da binal mekkunu ii hette.

Jeremaia 26:23

ag Uraia aɗan, eɗun aon, Isip uun, Juda wanppa uɗina, King Jehoiakim eppegppa meeg, Jehoiakim he, ag nug qep elabppa qeeg mauhom. Ag qeeg mauhe, ag gaɗa aon gona buɗieg, daɗek danab mauheg boumadppigppa ukka niiom.

Jeremaia 6:8

O Jerusalem danab ah, ag bu amu aomnanu, ag hamu bia aib dooppig. Iitta! Ag nau baula aomnanu dabmeig! Iitta dayeb amu, laa nug appa daakkunu elele iitta daakkunu, da dimatten heppi, ahilag wan am hele-ettak daakku,” awa atte.

Jeremaia 4:14

O Jerusalem danab ah, Juda danab ah ele, ag oolag dubuttid ele amunu, ag padal ii memananu, ag ehanittak aoglagnu, ag dubuttid amu oppieg! Ag nau hekkulagnu dabmak aɗan daatteb; amu haen gane laa ele ukkeb, ag dabmak amu uuglag.

Jeremaia 2:30

Da ag Israel ag oolag eɗukkunu bu mattami, amge ag oolag eɗukkunu uuppig. Ag laion doɗ laa aqe mauhtteb, amubia ag qep elabppa dahil propet aqaeg mauhppig.

Aisaia 50:2

Da uɗien, ag onilagppa emi, amge ag oolagppan laa nug nai dahil ii awom. Ao, da ag onilagppa emi, amge laa nug nob laa ii meɗom. Dahil ɠagattag tutu meum amunu, da ag qagaiettakppanu ehanittak okkaippa uhuqadkkulnu elele iittate? Iitta! Ge, da ɠagattag iitta amunu da ag ehanadppi, ag qagaiettakppa ii daamnanu elele iittate? Iitta. Dahil ɠagattag am elele. Ao, da oɗelppaib nai matti, yu qaɗaiedatte. Da hei, le gottomppa am atu taɗak daatte. Yo, da anam hei, kakai ag mauheg, beɗulag beɗatteb.

Revelesen 17:6

Da ah amu nug Kayaknu danab ah oppiaawak ele, ag Jesusnu madippig amu, nug ag tiilag, le ɠagattag latteb bia la, kaaka qe dayom. Da anttena, da ottaie dabmak kuɗum aomi.

Luk 15:28

A amu nid tatamnu nug anam doya, oo nauhe, nug lag ooppa noak uuom. Uue aria mameg aha dimittim doa, nug oo mekkunu oo mak nai amegppa aum,

Aisaia 5:4

Amu muɗi grep nug geha ba, meu ena okkunu da uɗat ena hemi, amge aɗinu muɗi grep ag meulag, meu doɗo naunau ona, lanaknu ena iitta, mua ele oppig? Am keeke laa haknu dayomtai, da keeke amu iite hemi?

Jeremaia 32:31

Danab ag Jerusalem aab kalappignu uɗie, gemu ele appan danab ah ag heeg, da ool nauhe, oppoɗil ele beum amunu, da aab amu da noolppa ii daamanu hekkuloitte.

Jeremaia 36:26

King nug danab ewam dilag nai doya, kobol ena laa ii heum. Iitta. Nug nug bekka laa Jeramel, Asriel bekka Seraia, amu Apdel bekka Selemia ele, ag ahan gona, yaak danab Baruk, amu propet danab Jeremaia ele aɗalatna, maniguittakppa maatkkulagnunab amelagppa aum. Nug ag amu hekkulagnu aum, amge Yawe Nug danab aɗit amu lokkumatom amunu, ag mattialatna anatkkulagnu elele iitta.

Hosea 7:13

Israel dilagnu am gadonnab gadon. Aɗinu? Ag da uuiɗna oitteb! Israel ag nauhkkulag. Aɗinu? Ag tappe nak hena, da dim ii lamiɗtteb. Da ag qagaiettakppanu eɗua uhuqak hekkulnu hettem, amge ag hambuppun, dahilppa ehanittak aoglagnu ii hetteb.

Matyu 23:31

Nai amuppa ag danab ag propet aqaeg mauhppig ele, ag ag buɗulkad daatteb danab ah ippunadtteb.