Matyu 23:35 - Nobonob Baibel

³⁵ Anam amunu, wan imuppanu genab tutukku hak danab aqe mauhak digmak Abel, nug am genab tutukku hak danab, nug mauhe uɗie, Berekia bekka Sekaraia, ag nug qaɗab, Kayaknu mettid lag ele gamagppa qeeg mauhom, nuhig mauhak batak amu, qe mauhak hipunin amu oh danab ah haen geha imunu ag qaɗelagppa daakku.

Matyu 23:35 Referans Kwoze

Sekaraia 1:1

Darius nug Persia dilag king dayaya, nuhig king dayaknu maɗ aɗitnu kalam eblaih ewam eleppa Yawe Nug nuhig nai propet Sekaraia ⌊engel laa oɗeppa⌋ mettom. Sekaraia nug Berekia bekka. Berekia nug am Ido bekka. Nai Yawe Nug Sekaraia ⌊Israel amelagppa ab dooglagnu⌋ mettom am inam.

Hibru 11:4

Abel nug Kayaknu ooppa genab doyom amunu, nug mana mettak, Kain eɗittak, mana mettak enanag heum, amu Kayak nuhig mana mettaknu amu enanag antta nuhignu, “Genab tutukku hak danab,” awa aum. Abel nug am anukka mauhom, amge nuhig ooppa genab doyak am ig aɗi hekkunignu gemu ele ig ippunigtte.

Genesis 4:8

Nug anam aum, amge geha Kain nug Abel amegppa aum. “I dad okkaippa noɗu!” awa aum. Anam a amu, aa goya oiyya, Kain nug ban ha, amag Abel makkuɗe mauhom.

Revelesen 18:24

⌊Babilonnu amu,⌋ Kayak Nug nuhikkud propet, nuhikkud danab ah oppiaawak ele, amu wan atu ohppan danab Babilon aqe mauhppig ele, Nug aab okkai amuppa amu oh tiilag wanppa ne anttom amunu, Nug aab amu nob nau amu mettom.

Jeremaia 26:15

Amge ag imu tutukku doon oiyeg! Da keeke laa ag hak amunu iuppeg mauhkkulnu laa ii hemi amunu, ag da iuppeg ii mauhkkuloitte. Ag da iuppeg mauhkkul amu, ag aakku eheɗ heppeg, ag beɗulagppa aab daakku amunu, Yawe Nug ag, aab okkai imu, amu danab ah aab imuppa daatteb ele bu madakku. Amuam genabnab daattenu diig am, Yawe, laa iitta, Nugib keeke imu oh appi dooglagnu meiɗe uɗimi.” Jeremaia nug nai amu ag amelagppa mattiom.

2 King 24:4

Amunu laa am, Nug Manase nug Jerusalem ohppa danab ah kuɗumnab, ag eheɗ laa ii heppig ele aqe mauhppig. Manase kobol heum amu, Yawe Nug antta, ⌊Juda danab ah kuɗum ele ag nug dim lamidppig antta, ag oolag ii eɗuom ele antta,⌋ Nug Juda dilag hipunin uhuqa madakkunu elele ii doyom.

2 King 21:16

Amu Manase nug Jerusalem appa danab ah eheɗ laa ii heppig kuɗum, huanak aqe mauhppig. Nug anam ha, amu nug ele he, Juda danab ah ag hipunin heppig. Ag hipunin amu henana, ag Yawenu neekkakppa eheɗ heppig.

Hibru 12:24

Amu ag Jesus, Nug am gamag danab, Nug nug tituana nai qakkak bau heum daatte ele amu, ag nuhigppa wappig. Kain nug Abel qe mauhom, haen amuppa Abel tiig neum, amunu nob nau mak dayom, amge Jesus ehanigkkunu he, Nug tiig neum amu, ag amuppa wappig.

Jeremaia 26:23

ag Uraia aɗan, eɗun aon, Isip uun, Juda wanppa uɗina, King Jehoiakim eppegppa meeg, Jehoiakim he, ag nug qep elabppa qeeg mauhom. Ag qeeg mauhe, ag gaɗa aon gona buɗieg, daɗek danab mauheg boumadppigppa ukka niiom.

Aisaia 26:21

Aɗinu? Antteg! Yawe, Nug wanppan danab ah ag nau heppignu nob naunu bu madakkunu, Nug nuhig aben hab aabppa daatte amu uua, Nug nette. Amu wan nug geha danab tiilag danab laa aqappig, tiilag amu tuɗitta, ii lokkumadma. Iitta. Wan nug geha kobol nau amu oh danab ag heppig, am amu oh heeb, miag atiglag.

Jeremaia 2:34

Laa amu, ag Israel ag danab ahilag keeke ii aoppig, ag eheɗ laa ii heppig ele, ag amu aqaeg mauhppig. Ag amu heppig, amge ag, ‘Ig hipunin hemut,’ ii appig. Iitta. Ag, ‘Ig beɗunigppa aab iitta. Yawe Nug ihinignu oo nauhak laa ii dootte,’ atteb. Ag anam atteb, amge iitta! Ag hipunin henana daanna, ‘Ig hipunin ii hemut,’ atteb amunu, da naippa yaalatten, bu madakkul.

Jeremaia 2:30

Da ag Israel ag oolag eɗukkunu bu mattami, amge ag oolag eɗukkunu uuppig. Ag laion doɗ laa aqe mauhtteb, amubia ag qep elabppa dahil propet aqaeg mauhppig.

Namba 35:33

Doyaya laa hamu qe mauhak am wan dubuttid mettak amunu, ag wan ag daatteb, ag amuppa aib heppeg, dubuttid ele dayom! Wan dubuttid mettak dayeb, eɗua heeb ena daakkunu amu, qe mauhak danab amu, ag qeppeg mauhkku. Amu bekkunu, am ib laa iitta.

Aisaia 14:21

King, nug mamekkud aɗi ele, ag kobol naunab kuɗum heeg amu, king bekkod ⌊ag kobol nau amu ooppa nona, tuɗitteg ukka, okkai bekkunu daatteb amunu, anam ii bemanu⌋ ag aqappeg mauhkkulagnu aben babaitteg! Nug bekkod aɗi ag ahan daanna, wan aon appatna, danab ah kuɗum bena, aab okkai kuɗum heppeg bena, ⌊baula kobol naunab kuɗum ii hemananu,⌋ ag mauheg!

Jeremaia 26:8

Jeremaia nug keeke oh Yawe nug akkununab aum danab ah oh amelagppa mattia male amu, mana mettak danab, propet, amu danab ah oh ele ag oh dona, nug aɗana, “Na mauhkkutoitte,” aon appig.

Aposel 5:28

“Amu ig ag amelagppa ag Jesus onigppa nai baula danab ah iinab ippunadmananu amut. Aɗinu ag anam heegeg, danab ah oh Jerusalem daatteb ele aakku dooppig. Amu ag danab ag ihinignu, ‘Jesus Nug danab ena, ag qeeg mauhom,’ aon akkulagnu dabmak aoeg ɠagattag eppom daatte,” awa aum.