Matyu 23:13 - Nobonob Baibel

¹³ O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag Kayaknu ɗo maɗoɗnu od danab ah amelagppa maitteb. Ag akka amu ag amuppa ii notteb. Am danab ah ag amuppa nokkulagnu hetteb amu, ag ippulag oo netteb.

Matyu 23:13 Referans Kwoze

Luk 11:52

O gadonnab gadon, ag ɗo mehuqak danab doyak okkainab ele, ag dabmeig! Ag doyak awaknu ki amu maoeg ukkom. Od ag akka matulna ii noppig, amu ag danab ah ag nokkulagnu hetteb ele amu, ag nomananu, ag ib oo neppig,” awa aum.

Matyu 23:29

O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag propet mauhppig dilag boumak aben bappaidna, ag genab tutukku hak danab mauhppig dilag moɗ bala medatteb.

Matyu 23:27

O gadonnab gadon, ɗo gumak danab-Parasia am ɗo mehuqak danab ele. Ag hambuppuak danab. Ag dabmeig! Ag am boumaknu moɗ bia daatteb. Laa ag moɗ amuppa gau hakkab laaidtteb amunu, dimittim am anttak nuhig ena, amge ooppa amu danab mauhak beɗulag ebehilag, keeke digdig oh dubuttid ele daatteb. Ag amubia daatteb.

Matyu 23:23

O gadonnab gadon ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag keh naunau amu oh oppateg, ameg eblaih tanig ele neeg, ameg laippu amu Kayak medatteb, amge ag ɗo laa okkai ii dim lamidna oitteb. Ɗo ag ii dim lamidna oitteb ele am, nai doya mala hettoɗia epeɗia elele mettak kobol, laa dilagnu oo gai-iitta doya oo metta ehanittak kobol, amu oo metta ii uuak kobol ele. Ag ɗo ii dim lamidtteb, amu laa dim lamidtteb ele, ag amu oh dim lamidlob, amuib am tutukku.

Sekaraia 11:17

O gadonnab gadon! Danab okkai amu, nug sipsip pehettak ii gumadtte, nug genab bu okkai aokku. Qep elab nug eppeg okkuleb, nug ameg naɗiap ele yaakku. Ao, nug eppeg am aakku nauhak dayebeb, nug ameg naɗiap ele gaɗuak daakku.” Yawe Nug anam awa atte.

Aposel 8:1

Stiven menppa makkuɗeg mauhehe, Saul nug amunu oo ena dayom. Amu genab tutukku hak danab laala ag nug gaɗa aon gona boumna, mahiak okkai heppig. Aria, haen amuppa Juda dilag okkai ag ahan digmena, Kristen tamaniak Jerusalem dayom amu heeg nauha auta awom amunu, Kristen ag ahan, matatun gona, Judanu wan atu, Samarianu wan atu eleppa daappig. Kristen ag ahan goppig, amge totol danab 12 ag Jerusalem ii uuppig; ag daappig.

2 Timoti 4:15

Na ele nuhignu dabmena autna awe! Aɗinu? Nug ihinig nai tappeb na autanab aokkunu dabma heum.

Aisaia 33:14

Hipunin hak danab ah Sion daatteb ele, ag eheɗ nau baɗatteb. Ao, Kayaknu nuhig haknu ele uuak danab ag hahaɗtteb. Ag hahaɗnan atteb. “Ig oonigppanu amu, aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele daaglahnu elele?” Ao, ag hahaɗnan, “Ig oonigppanu aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele hanhan daaglahnu elele?” atteb.

2 Timoti 3:8

Anukka Janes, Jambres ele aa Moses kekeɗ medapiɗ bia, danab amu hetteb ele, ag am doyak diig genabibnu kekeɗ daatteb. Dabmak ahilag aakku nauhom, ahilag ooppa genab doyak amu hambuppuakib.

Aposel 13:8

Aa goya, Kayaknu nai mehuqeh amu onig awak danab Barjesus, Grik naippa nug onig am Elimas, nug ahilah ib oonekkunu ha, aa nai madipiɗ ele, amu tappeb nokkunu heum. Nug gawananu dabmak heeb eɗueb, ooppa genab ii doomanu heum.

Aposel 5:40

Gamaliel nug anam a, ag nuhig nai dim lamidna, totol danab 12 ii aqappig, amge ag diin ag, laa ag bu qaun eleppa eheɗ mataɗattona, nai Jesus onignu amu ii mattimnanu haknunab nai ag amelagppa awona, heeg goppig.

Aposel 5:28

“Amu ig ag amelagppa ag Jesus onigppa nai baula danab ah iinab ippunadmananu amut. Aɗinu ag anam heegeg, danab ah oh Jerusalem daatteb ele aakku dooppig. Amu ag danab ag ihinignu, ‘Jesus Nug danab ena, ag qeeg mauhom,’ aon akkulagnu dabmak aoeg ɠagattag eppom daatte,” awa aum.

Jon 9:34

Nug anam a amu, ag amegppa appig. “Na anin nug menuittette, na hipunin danab daan autna aome amunu, aɗinu na ig ippunigkkutnu hettem?” aon appig. Ag anam ana, lamitteg dimittim ukkom.

Jon 9:24

Juda okkai ag ahilah nai doon, danab amu genab ameg gaɗuak dayom, gemu ena daatte oolagppa genab dooppig amunu, ag baula ameg gaɗuak ena dayom ele onigppa eeg uɗie, ag nug amegppa appig. “Na Kayakib binag amahlak oppiaawak ele me! Ig doottem, danab amuam hipunin danab,” aon appig.

Jon 9:22

Anig mameg ele aa Juda okkai dilag baɗapiɗ amunu aa anam apiɗ. Juda okkai ag tatam nai inam qagappig. “Danab laippu laa nug Jesus am Kristus akku amu, ig nug lamidpput, Juda dilag nai doyak lag uua, Kayak binag maknu elele iitta dimittim daakku,” appig amunu, aa baɗapiɗ.

Matyu 23:25

O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag kap, tappiɗ ele gaɗaib ihatteb, amge ooppa baubau awaknu hik qak, beɗu dim lamittak kobol ele ambak daattep.

Matyu 3:7

Layattette amu, ɗo gumak danab-Parasia, ɗo gumak danab-Sadyusi ele ag layattak aoglagnu kuɗum ukkaeg, Jon nug ag anatta, nug ag amelagppa inam aum. “Ag am danab nau, mat nau bia. Aun nug nau aomnanu nai ag amelagppa mattie, ag Kayaknu oppoɗi bak uɗitte ele ii aqamanu uɗippig?

Matyu 23:16

O gadonnab gadon ag amelag gaɗuak ele, amge ag danab ah ele ib ippunadkkulagnu hetteb. Ag dabmeig! Ag atteb, ‘Danab nug Kayaknu mettid lag onigppa nuhig nai ɠagattag qedatte dayeb amu, nai amuam hamu. Amge laa nug Kayaknu mettid lagnu gol onigppa nuhig nai ɠagattag qedatte dayeb amu, nug meu genab hette, nug aɗi keeke hekkunu aum amu nug hekkunab,’ aon atteb.